ادب ۱۳، ۱۴ :   اعضاء کو خاشع اوردل کو حاضر کرے ۔^([1])

            حدیث میں   ہے :  ’’اللہ تعالیٰ غافل دل کی دعا نہیں   سنتا۔‘‘^([2])

            اے عزیز! حَیف (افسوس) ہے کہ زبان سے اس کی قدرت وکرم کا اِقرار کیجئے اور دل اوروں   کی عظمت اوربڑائی سے پُر ہو۔ بنی اسرائیل نے اپنے پیغمبر سے شکایت کی کہ ہماری دعا قبول نہیں   ہوتی جواب آیا :  میں   ان کی دعا کس طرح قبول کروں   کہ وہ زبان سے دعا کرتے ہیں   اور دل ان کے غیروں   کی طرف متوجہ رہتے ہیں  ۔^([3])

            اے عزیز! جب تک تو دل سے اپنی اور تمام خلق کی ہستی، خدائے تعالیٰ کی ہستی میں   گم نہ کرے ، رحمتِ خاصہ کہ ازل سے مخلصوں   کے لیے مخصوص ہے ، تیری طرف کب متوجہ ہو۔ جو شخص جبار بادشاہ کے حضور اپنی بڑائی اور عظمت کا دعویٰ کرے یابادشاہ اس کی طرف متوجہ ہو اور وہ کسی چُوبدار (نوکر) یا اہلکار کی طرف نظر رکھے سزاوارِ زَجْر ہے (یعنی ملامت کے لائق ہے )، نہ کہ مستحقِ اِنعام (یعنی اِنعام کا مستحق)۔

            ایک دن حضر ت خواجہ سفیان ثوری قدّس سرّہ نماز پڑھاتے تھے ، جب اس آیت پر پہنچے { اِیَّاكَ نَعْبُدُ وَ اِیَّاكَ نَسْتَعِیْنُؕ(۴)} ’’تجھی کو ہم پوجتے ہیں   اورتجھی سے ہم مدد چاہتے ہیں  ‘‘، روتے روتے بے ہوش ہوگئے ، جب ہوش میں   آئے ، لوگوں   نے حال پوچھا فرمایا :  اس وقت مجھے یہ خیال آیا کہ اگر غیب سے ندا ہو :  اے کاذب خموش! کیا ہماری ہی سرکار تجھے جھوٹ بولنے کے لیے رہ گئی، را ت دن رزق کی تلاش میں   کُو بکُو (در بدر) پھرتا ہے اور بیماری کے وقت طبیبوں   سے التجاء کرتا ہے اور ہم سے کہتا ہے :  میں   تجھی کو پوجتا ہوں   اور تجھی سے مدد چاہتا ہوں  ، تو میں   اس بات کا کیا جواب دوں  ؟^([4])

            اے عزیز! وہاں   دل پرنظر ہے نہ کہ زبان پر   ؎

ما زباں   را ننگریم وقال را

      ما رواں   را بنگریم وحال را^([5])

            چاہیے کہ دل وزبان کو موافق اور ظاہر وباطن کو مطابق اورجمیع ماسوائے اللہ سے رشتۂ امید قطع کرے نہ نفس سے کام ، نہ خلق سے غرض رکھے ، تا شاہد ِمقصود جلوہ گر ہواورگوہر مقصد ہاتھ آئے ۔^([6])

          قال الرضاء : نظر بغیر، جب بالذات نظر بغیر ہو نظر بغیر ہے بلکہ حقیقۃً معنی بالذات مقصود ومراد ہوں   تو قطعاً شرک وکفر۔^([7])

            محبوبا؎[8] نِ خدا سے توسُّل، نظر بخدا ہے نہ کہ نظر بغیر۔^([9])ولہٰذا خود قرآنِ عظیم نے اس کا حکم دیا، جس کا ذکر ادب ۲۲ میں   آتا ہے ۔ اس کی نظیر تَوَاضُع ہے (اس کی مثال بزرگوں   کی تعظیم وتوقیر والا مسئلہ ہے ) علمائے کرام فرماتے ہیں  : غیر خدا کیلئے تَوَاضُع حرام ہے ۔

’ فتاوی ہندیہ‘‘ و’’ملتقط‘‘ وغیرہما میں   ہے :   ’’اَلتَّوَاضُعُ لِغَیْرِ اللّٰہِ حَرَامٌ‘‘۔^([10])  حالانکہ مُعظَّمانِ دین کے لیے تواضع قطعاً  مَامُوْر بِہٖ ہے (یعنی دینی پیشواؤں   کی تعظیم کا حکم تو یقینی طور پر دیاگیاہے ) خود یہی علماء اس کا حکم دیتے ہیں  ۔ حدیث میں   ہے :  ((تواضعوا لمن تعلّمون منہ وتواضعوا لمن تعلّمونہ ولا تکونوا جبابرۃ العلماء))۔ ^([11])

            ’’اپنے استاد کے لیے تواضع کرو اور اپنے شاگردوں   کیلئے تواضع کرو اور سرکش عالم نہ بنو۔‘‘