ایہاالمسلمون تم نے اپنے مولا جل وعلا اور اپنے رسول اکرم   صَلَّی اللہُ تَعَالٰی علیہ وَاٰلِہٖ وَسَلَّم  کے ارشادات سنے ان میں کہیں بھی تخصیص وتقیید کی بوہے ، یہ تو بارہا فرمایا کہ دعاکرو ، کہیں یہ بھی فرمایاکہ فلاں نمازکے بعدنہ کرو؟ یہ تو صاف ارشاد ہوا ہے کہ جس وقت دعاکروگے میں سنوں گا ، کہیں یہ بھی فرمایا کہ فلاں وقت کروگے تو سنوں گا؟ یہ تو بتاکید باربار حکم آیا ہے کہ دعا سے عاجزنہ ہو ، دعامیں کوشش کرو ، دعا کو لازم پکڑو ، دعا کی کثرت رکھو ، رات دن دعامانگو ، کہیں یہ بھی فرمایا ہے کہ فلاں نماز کے بعد نہ مانگو؟ یہ توڈر سناگیاہے کہ جو دعانہ مانگے گا اس پرغضب ہوگا ، کہیں یہ بھی فرمایا ہے کہ فلاں نماز کے بعد جومانگے گا اس سے اﷲ تعالٰی ناراض ہوگا؟ـ اور جب کہیں نہیں تو خداورسول جل جلالہ و  صَلَّی اللہُ تَعَالٰی علیہ وَاٰلِہٖ وَسَلَّم  نے جس چیز کو عام ومطلق رکھا دوسرا اسے مخصوص ومقیدکرنے والاکون؟ خداورسول عزمجدہ ، و  صَلَّی اللہُ تَعَالٰی علیہ وَاٰلِہٖ وَسَلَّم  نے جس چیزسے منع نہ فرمایادوسرا اسے منع کرنے والا کون؟ قال تعالٰی :

وَ لَا تَقُوْلُوْا لِمَا تَصِفُ اَلْسِنَتُكُمُ الْكَذِبَ هٰذَا حَلٰلٌ وَّ هٰذَا حَرَامٌ لِّتَفْتَرُوْا عَلَى اللّٰهِ الْكَذِبَؕ-اِنَّ الَّذِیْنَ یَفْتَرُوْنَ عَلَى اللّٰهِ الْكَذِبَ لَا یُفْلِحُوْنَؕ(۱۱۶) ^[1]

اور نہ کہو اسے جو تمہاری زبانیں جھوٹ بیان کرتی ہیں یہ حلال ہے اور یہ حرام ہے کہ اﷲ پر جھوٹ باندھو بیشك جو اﷲ پرجھوٹ باندھتے ہیں ان کابھلا نہ ہوگا۔

عــــہ : ذکر اعم صرف بنظرکلیہ حاضرہ ہے ورنہ سابق گزرا کہ دوسری طرف سے یہی کلیہ ہے تو دعا وذکرقطعًا متساوی اور اب اتحاد ادلہ اوریہی واضح وجلی ۱۲منہ (م)

اکثرواذکراﷲ حتی یقولوامجنون ^[3]۔

ذکرِالٰہی کی یہاں تك کثرت کرو کہ لوگ مجنون بتائیں ۔

وحدیث حسن عبداﷲ بن بُسر  رَضِیَ اللہُ تَعَالٰی عَنْہُ  سیدعالم   صَلَّی اللہُ تَعَالٰی علیہ وَاٰلِہٖ وَسَلَّم  نے فرمایا : لایزال لسانك رطبا من ذکراﷲ^[4] ہمیشہ ذکرالٰہی میں ترزبان رہ۔

حدیث جیّدالاسناد ام انس   رَضِیَ اللہُ تَعَالٰی عَنْہَا  حضورِوالا   صَلَّی اللہُ تَعَالٰی علیہ وَاٰلِہٖ وَسَلَّم  نے فرمایا :

اکثری من ذکراﷲ فانك لاتاتین بشیئ احب الیہ من کثرۃ ذکرہ^[5]۔

اﷲ کاذکر بکثرت کرکہ تو کوئی چیزایسی نہ لائے جو خدا کو اپنی کثرتِ ذکرسے زیادہ پیاری ہو۔

وحدیث ابوہریرہ   رَضِیَ اللہُ تَعَالٰی عَنْہُ  سرورِعالم   صَلَّی اللہُ تَعَالٰی علیہ وَاٰلِہٖ وَسَلَّم  فرماتے ہیں :

من لم یکثر ذکراﷲ فقد برئ من الایمان^[6]

جو ذکرالٰہی کی کثرت نہ کرے وہ ایمان سے بیزارہوگیا۔

وحدیث صحیح ام المومنین صدیقہ   رَضِیَ اللہُ تَعَالٰی عَنْہَا  :

کان رسول اﷲ صلی اﷲ تعالٰی علیہ وسلم یذکر اﷲ تعالٰی علٰی کل احیانہ^[7]۔

حضورپرنورسیدالمرسلین   صَلَّی اللہُ تَعَالٰی علیہ وَاٰلِہٖ وَسَلَّم  ہروقت ذکرخدا فرمایاکرتے۔

الٰی غیرذٰلك من الاحادیث والاٰثار(ان کے علاوہ متعدد احادیث وآثار ہیں ۔ ت) یہاں صرف بعض آیات اور ان کی تفسیروں پراقتصارہوتاہے جوعموم تمامی اوقات واحوال میں نص ہیں : آیت١ : قال جل ذکرہ :

فَاذْكُرُوا اللّٰهَ قِیٰمًا وَّ قُعُوْدًا وَّ عَلٰى جُنُوْبِكُمْۚ- ^[8]

اﷲ کاذکر کروکھڑے اوربیٹھے اور اپنی کروٹوں پر۔