تنبیہ : یہ ہم نے آپ کا ظلم وتعصب ثابت کرنے کو آپ کی طرح کلام کیا ورنہ ہمارے نزدیك نہ تعلیق مطلقًا مردود نہ یونس ساقط نہ وہم وخطا جب تك فاحش نہ ہوں موجب رد نہ یہ حدیث بخاری اصلًا تمہارے موافق بلکہ صراحۃً ہمارے مؤید وبالله  التوفیق چند اوہام یا کُچھ خطائیں محدّث سے صادر ہونا نہ اُسے ضعیف کردیتا ہے نہ اُس کی حدیث کو مردود نہ وہ کہتے ہیں جو بالکل پاك صاف گزر گئے ہیں ، یہ ہیں تمام محدثین کے امام الائمہ سفیٰن بن عینیہ جنہوں نے زہری سے روایت میں بیس^۲۰ سے زیادہ حدیثوں میں خطا کی امام احمد رَضِیَ اللہُ تَعَالٰی عَنْہُفرماتے ہیں مجھ میں اور علی بن مدینی میں مذاکرہ ہوا کہ زہری سے روایت میں ثابت ترکون ہے ، علی نے کہا سفیٰن بن عینیہ ، میں نے کہا امام مالك کہ ان کی خطا سفیٰن کی خطاؤں سے کم ہے قریب بیس^۲۰ حدیثوں کے ہیں جن میں سفیٰن نے خطا کی پھر میں نے اٹھارہ گِنا دیں اور اُن سے کہا آپ مالك کی خطائیں بتائیں وہ دوتین حدیثیں لائے پھر جو میں نے خیال کیا تو سفیٰن نے بیس^۲۰ سے زیادہ حدیثوں میں خطاکی ہے ٢^[1] ذکرہ فی المیزان (اسے میزان میں ذکر کیاگیا ہے۔ ت) بااینہمہ امام سفیٰن کے ثقہ ثبت حجت ہونے پر علمائے اُمت کا اجماع ہے۔

لطیفہ ۹ : مُلّاجی کی یہ ساری کارگزاریاں حیاداریاں حدیث صحیح عبدالله  بن عمر رَضِیَ اللہُ تَعَالٰی عَنْہُمَاکے متعلق تھیں حدیث ام المؤمنین صدّیقہ رَضِیَ اللہُ تَعَالٰی عَنْہَامروی امام طحاوی ونیز امام احمد وابن ابی شیبہ استاذان بخاری ومسلم کے رَد کو پھر وہی معمولی شگوفہ چھوڑا ف کہ ایك راوی اس کا مغیرہ بن زیادہ موصلی ہے اور یہ مجروح ہے کہ وہمی تھا قالہ الحافظ التقریب۔

اقول اوّلا : تقریب میں صدوق کہاتھا وہ صندوق میں رہا۔
ثانیا : وہی اپنی وہمی نزاکت کہ لہ اوھام کو وہمی کہنا سمجھ لیا۔

عـــہ : صدوق یھم وصدوق ربماوھم کی بکثرت مثالیں اوپر گزرچکیں مگر باتباع لفظ خاص امثلہ سُنیے احمد بن بشیر ، حسن بن خلف ، خالد بن یزید بن زیاد ، (باقی برصفحہ ائندہ)

اوھام (سچّا ہے ، اس کے اوہام ہیں ت) کہا ہے۔

رابعا : مغیرہ رجال سنن اربعہ سے ہے امام ابن معین وامام نسائی دونوں صاحبوں نے بآں تشدد شدید فرمایا : لیس بہ باس (اس میں کوئی بُرائی نہیں ) زاد یحيٰی لہ حدیث واحد منکر (اُس کی صرف ایك حدیث منکر ہے) لاجرم وکیع نے ثقہ ، ابوداؤد نے صالح ، ابن عدی نے عندی لاباس بہ ^[2] (میرے نزدیك اس میں کوئی نقص نہیں ہے۔ ت) کہا تو اس کی حدیث حسن ہونے میں کلام نہیں اگرچہ درجہ صحاح پر بالغ نہ ہو جس کے سبب نسائی نے لیس بالقوی (اُس درجے کا قوی نہیں ہے۔ ت) ابو احمد حاکم نے لیس بمتین عندھم ^[3] (اس درجے کا متین نہیں ہے ان کے نزدیک۔ ت) کہا لا انہ لیس بقوی لیس بمتین وشتان مابین العبارتین (نہ یہ کہ سرے سے قوی اور متین نہیں ہے ، ان دو عبارتوں میں بہت فرق ہے۔ ت) حافظ نے ثقہ سے درجہ صدوق میں رکھا اس قسم کے رجال اسانید صحیحین میں صدہا ہیں ۔

لطیفہ ۱۰ : حدیث مولا علی کَرَّمَ اللہُ تَعَالٰی وَجْہَہُ الْکَرِیْمالکریم مروی سنن ابی داؤد کے رد کو طرفہ تماشا کیا مسند ابی داؤد میں یوں تھا :

قال اخبرنی عبدالله بن محمد بن عمر بن علی بن ابی طالب عن ابیہ عن جدہ ان علیا کان اذاسافر الحدیث^[4] ۔

(بقیہ حاشیہ صفحہ گزشتہ)

رباح بن ابی معروف ، ربیع بن انس ورمی بالتشیع ، ربیع بن یحيٰی ، ربیعہ بن عثمان ، زکریا بن یحيٰی بن عمر ، سعید بن زید بن درھم ، سعید بن عبدالرحمٰن جمحی ، شجاع بن الولید ، مسلمہ بن علقمہ ، مصعب بن المقدام ، معاویہ بن صالح ، معاویہ بن ھشام ، ھشام بن حجیر ، ھشام بن سعد ورمی بالتشیع اور ان کے سوا اور کہ سب صدوق لہ اوھام ہیں احمد بن ابی الطیب وغیرہ صدوق لہ اغلاط ۱۲ منہ رَضِیَ اللہُ تَعَالٰی عَنْہُ(م) 

مسلمانو! دیکھا یہ عمل بالحدیث کا جھُوٹا دعوٰی کرنے والے جب صحیح حدیثوں کے رد کرنے پر آتے ہیں تو ایسی ایسی بددیانتیوں بے غیرتیوں بیباکیوں چالاکیوں سے صحیح بخاری کو بھی پسِ پشت ڈال کر ایك ہانك بولتے ہیں کہ سب واہیات اور مردود^[6] ہیں انّالله وانّا الیہ راجعون۔

افادہ ثانیہ : احادیث وطرق پر نظرِ انصاف فرمائیے تو ارادہ جمع صوری پر متعدد قرائن پائیے مثلا :

(۱) یہ کہ احادیث جمع بین الصلاتین کے راویوں سے حضرت عبدالله  بن مسعود رَضِیَ اللہُ تَعَالٰی عَنْہُہیں کما سیأتی فی الحدیث التاسع من الافادۃ الرابعۃ (جیسا کہ افادہ رابعہ کی نویں حدیث میں آرہا ہے۔ ت) حالانکہ یہی عبدالله  رَضِیَ اللہُ تَعَالٰی عَنْہُفرماتے ہیں کہ انہوں نے عرفات ومزدلفہ کے سوا کبھی نہ دیکھا کہ حضور سید عالم صَلَّی اللہ تَعَالٰی عَلَیْہِ وَاٰلہٖ وَسَلَّمنے دو نمازیں جمع فرمائی ہوں کماسیأتی تحقیقہ فی الفصل الرابع ان شاء الله تعالٰی (اس کی تحقیق اِن شاء الله تعالٰی چوتھی فصل میں آئے گی۔ ت) تو ضرور ہے کہ روایت جمع سے جمع صوری مراد ہو۔

(۲) اقول : خود حضرت عبدالله  رَضِیَ اللہُ تَعَالٰی عَنْہُسے بھی جمع کرنا مروی ہوا حالانکہ ان کا مذہب معلوم کہ جمع حقیقی کو منسك حج کے سوا ناجائز جانتے۔