- Home
- Al Madina Library
- Fatawa Razawiyya jild 4
- Page 186
30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 4 | فتاوی رضویہ جلد ۴
الجواب :
جبکہ لنگریا لنگوٹ سے قطرہ بند ہوجاتا ہے تو ان کا باندھنا واجب ہے۔ بحر میں ہے :
متی قدر علی ردالسیلان برباط اوحشو وجب ردہ [1]۔
جب (کپڑا وغیرہ) باندھنے یا کوئی زائد چیز رکھنے کے ذریعے جریان کو روکنے پر قادر ہوتو روکنا واجب ہے۔ (ت)
مسئلہ ۲۴۲ : از سہسوان ضلع بدایوں مسئولہ سید پرورش علی صاحب یکم ذی القعدہ ۱۳۳۹ھ
کیا فرماتے ہیں علمائے دین اس مسئلہ میں کہ پیشاب کرکے رفع کراہت کے واسطے اُس پر چند بار پانی بہاکر اُسی وقت اُسی جگہ صرف پانی سے استنجا کیا ہے؟
الجواب :
زمین اگر پختہ یا سخت ہو جس پر تین بار پانی بہادینے سے ظن غالب ہوکہ نجاست کو بہالے گیا تو اُسی وقت وہیں پانی سے استنجا کرنے میں حرج نہیں واللہتعالٰی اعلم۔
مسئلہ ۲۴۳ : از مقام بسوہ اسٹیشن تعلق ملکاپور ضلع بلڈانہ برار مدرسہ اسلامی بسوہ اسٹیشن مسئولہ سراج الدین ۱۳رمضان ۱۳۳۵ھ
کیا فرماتے ہیں علمائے دین کہ چکنی مٹی سے کپڑے خراب ہونے کے سبب اینٹ پختہ سے استنجا صاف کرنا ، بعد اینٹ کے ٹکڑے جس سے استنجا صاف کیا گیا وہ کسی صورت سے پاك ہوکر پھر استنجا صاف کرنے کے کام میں آسکتی ہے یا نہیں؟ بینوا توجروا۔
الجواب :
پختہ اینٹ سے استنجا منع ومکروہ ہے اور اُس میں اندیشہ مرض بھی ہے جس ڈھیلے وغیرہ سے چھوٹا استنجا کیا گیا ہو بعد خشکی دوبارہ کام میں لاسکتے ہیں والله تعالٰی اعلم۔
مسئلہ ۲۴۴ : از مدرسہ منظرِ اسلام بریلی مسئولہ مولوی عبداللہبہاری ۳ شوال ۱۳۳۹ھ
کیا فرماتے ہیں علمائے دین اس مسئلہ میں ڈھیلے اور پانی سے استنجا کرنے پر قطرہ پیشاب کا ہمیشہ آجاتا ہے ایسی صورت میں کیا حکم ہے۔ بینوا توجروا۔
الجواب :
اگر پانی سے استنجا کرنے پر قطرہ آتا ہے تو صرف ڈھیلے سے استنجا کرے اگر پیشاب روپے بھر سے زائد جگہ میں نہ پھَیلا ہوتو ڈھیلے ہی سے پاك ہوجائے گا اور اگر ڈھیلے سے استنجا پر قطرہ آتا ہے اور پانی سے بند ہوجاتا ہے تو پانی سے استنجا ضرور ہے اور اگر دونوں طرح آتا ہے تو انتظار کرنا اور وہ تدبیريں بجالانا جن سے قطرہ رکے واجب ہے اور اگر کسی طرح نہ رُکے اور ایك نماز کا وقت اول سے آخر تك گزر جائے کہ وضو کرکے فرض پڑھنے کی مہلت نہ پائے تو وہ معذور ہے جب تك نماز کے ہروقت میں کم ازکم ایك بار آتا رہے گا اُسے وضو تازہ کرلینا کافی ہوگا واللہتعالٰی اعلم۔
مسئلہ ۲۴۵ تا ۲۴۷ : از کاٹھیاواڑ مسئولہ حسین ولد قاسم مہتمم مدرسہ اسلامیہ باٹوہ شب۔ ۱۷ ذی الحجہ ۱۳۳۹ھ
کیا فرماتے ہیں علمائے دین ان مسائل میں کہ :
(۱) کیا استقبال واستدبار قبلہ بوقت پیشاب پائخانہ جائز ہے۔
(۲) کیا استقبال واستدبار جنوب وشمال بوقت پیشاب وپاخانہ مرخص ہے اگر مرخص ہے تو استقبال بسوئے شمال افضل ہے یا بجنوب۔
کتاب کا موضوع
کتاب کا موضوع
- فتاوٰی رضویہ،کتاب الطھارۃ پر ایک نظر
- پیش لفظ
- فوائدجلیلہ
- فہرست جلد چہارم
- ابواب و مسائل
- فہرست ضمنی مسائل
- مجمل فہرست رسائل
- رسالہ الطلبۃ البدیعۃ فی قول صدر الشریعۃ ۱۳۳۵ھ کلام صدر الشریعۃ سے متعلق انوکھا مطلوب ت
- رسالہ مجلی الشمعۃ لجامع حدث ولمعۃ ۱۳۳۶ھ حدث اور لمعہ رکھنے والے سے متعلق شمع افروز
- ذیل باب الوضوء
- ذیل باب الغسل
- ذیل باب المیاہ
- فصل فی البئر
- باب المسح علی الخفین
- باب الحیض
- فصل فی المعذور
- باب الانجاس نجاستوں کا بیان
- رسالہ سلب الثلب عن القائلین بطھارۃ الکلب ۱۳۱۲ھ کتے کی طہارت عین کے قائلین سے عیب دور کرنے کا بیان
- رسالہ الاحلی من السکر لطلبۃ سکرروسر ۱۳۰۳ھ یہ رسالہ شکرروسر کے طالب حکم شرعی کیلئے شکر سے زیادہ میٹھا ہے
- مقدمہ اولٰی
- مقدمہ ثانیہ
- مقدمہ ثالثہ
- مقدمہ رابعہ
- مقدمہ خامسہ
- مقدمہ سادسہ
- مقدمہ سابعہ
- مقدمہ ثامنہ
- مقدمہ تاسعہ
- مقدمہ عاشرہ
- تمت المقدمات مقدمات پورے ہوگئے۔ت
- وضع ضابطہ کلیہ دریں باب وتفرقہ درحکم عظام وشراب اس باب میں ضابطہ کلیہ کا بیان اور شراب اور ہڈیوں کے حکم میں فرق کا بیان
- الشروع فی الجواب بتوفیق الوھاب
- وہاب الله تعالٰی کی توفیق سے جواب کا آغاز ہے۔ ت
- خاتمہ
- رزقنا الله حسنھا آمین
- باب الاستنجاء یہ بات استنجا کے بیان میں ہے
- مسئلہ ۲۴۶
- فوائد جلیلہ
