30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
موسٰی علیہ الصلٰوۃ والسلام نعش مبارك کو ساتھ لے کر دریا سے عبور فرماگئے [1]۔
اقول:وبالله التوفیق،بحمدہٖ تعالٰی اس حدیث نفیس کا ایك ایك حرف جان وہابیت پر کوکب شہابی ہے۔
اولًا:حضوراقدس صلی الله تعالٰی علیہ وسلم کا اعرابی سے ارشاد کہ ''جو جی میں آئے مانگ لے۔''حدیث ربیعہ رضی الله تعالٰی عنہ میں تو اطلاق ہی تھا جس سے علمائے کرام نے عموم مستفاد کیا یہاں صراحۃً خود ارشاد اقدس میں عموم موجود کہ جو دل میں آئے مانگ لے ہم سب کچھ عطافرمانے کا اختیار رکھتے ہیں صلی الله تعالٰی علیہ وسلم وبارك علیہ وعلٰی اٰلہ قدرجودہٖ ونوالہ ونعمد وافضالہٖ(الله تعالٰی درود وسلام اوربرکت نازل فرمائے آپ پر اور آپ کی آل پر آپ کے جو دوسخا اورانعام واکرام کے مطابق۔ت)
ثانیًا:یہ ارشاد سن کر مولی علی وغیرہ صحابہ حاضرین رضی الله تعالٰی عنہم کا غبطہ کہ کاش یہ عام انعام کا ارشاد اکرام ہمین نصیب ہوتا حضور تو اسے اختیار عطافرماہی چکے اب یہ حضور سے جنت مانگے گا۔معلوم ہواکہ بحمدالله تعالٰی صحابہ کرام کا یہی اعتقاد تھا کہ حضور اقدس صلی الله تعالٰی علیہ وسلم کا ہاتھ الله عزوجل کے تما م خزائن رحمت دنیا وآخرت کی ہر نعمت پر پہنچتا ہے یہاں تك کہ سب سے اعلٰی نعمت یعنی جنت جسے چاہیں بخش دیں صلی الله تعالٰی علیہ وسلم۔
ثالثًا:خود حضور اقدس صلی الله تعالٰی علیہ وسلم کا اس وقت اس اعرابی کے قصور ہمت پر تعجب کہ ہم نے اختیار عام دیا اورہم سے حطام دنیا مانگنے بیٹھا پیر زن اسرائیلیہ کی طرح جنت نہ صرف جنت بَلکہ جنت میں اعلٰی سے اعلٰی درجہ مانگتا تو ہم زبان دے ہی چکے تھے اورسب کچھ ہمارے ہاتھ میں ہے وہی اسے عطافرمادیتے صلی الله تعالٰی علیہ وسلم۔
رابعًا:ان بڑی بی پر الله عزوجل کے بےشمار رحمتیں بھلا انہوں نے موسٰی علیہ الصلٰوۃ والسلام کو خدائی کا رخانہ کا مختار جان کر جنت اورجنت میں بھی ایسے اعلٰی درجے عطا کردینے پر قادر مان کر شرك کیا تو موسٰی کلیم علیہ الصلٰوۃ والتسلیم کو کیا ہو اکہ یہ با آں شان غضب وجلا اس شرك پر انکار نہیں فرماتے اس کے سوال پر کیوں نہیں کہتے کہ میں نے جو اقرار کیا تھا تو ان چیزوں کا جو
[1] کنز العمال بحوالہ طس والخرائطی الخ حدیث ۴۸۹۵ مؤسسۃ الرسالہ بیروت ۲/۱۷۔۶۱۶،المعجم الاوسط عن علی رضی الله تعالٰی عنہ ۷۷۶۳ مکتبۃ المعارف ریاض ۸/۳۷۶و۳۷۷
کتاب کا موضوع
کتاب کا موضوع