30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
یہ حدیث بخاری وصحیح مسلم میں انس بن مالك انصاری رضی الله تعالٰی عنہ سے ہے۔اس نے تو یہ بات صاف فرمادی کہ جو حضوراقدس صلی الله تعالٰی علیہ وسلم سے زیادہ کسی کوعزیز رکھے،ہرگزمسلمان نہیں۔
مسلمانوکہو! محمد،رسول اﷲ صلی الله تعالٰی علیہ وسلم کو تمام جہانوں سے زیادہ محبوب رکھنا مدارایمان و مدارنجات ہوایانہیں؟ کہو ہوا اور ضرورہوا۔یہاں تك توسارے کلمہ گو خوشی خوشی قبول کرلیں گے کہ ہاں ہمارے دل میں محمد رسول اﷲ صلی الله تعالٰی علیہ وسلم کی عظیم عظمت ہے۔ہاں ہاں ماں باپ اولاد سارے جہان سے زیادہ ہمیں حضو ر کی محبت ہے۔بھائیو!خدا ایسا ہی کرے،مگرذرا کان لگا کر اپنے رب کا ارشادسنو۔تمہارا رب عزوجل فرماتا ہے:
|
" الٓـمّٓ ۚ﴿۱﴾ اَحَسِبَ النَّاسُ اَنۡ یُّتْرَکُوۡۤا اَنۡ یَّقُوۡلُوۡۤا اٰمَنَّا وَہُمْ لَا یُفْتَنُوۡنَ ﴿۲﴾ "[1]۔ |
کیا لوگ اس گھمنڈ میں ہیں،کہ اتناکہہ لینے پر چھوڑدیئے جائیں گے کہ ہم ایمان لائے اور ان کی آزمائش نہ ہوگی۔ |
یہ آیت مسلمانوں کو ہوشیار کررہی ہے کہ دیکھوکلمہ گوئی اور زبانی ادعائے مسلمانی پرتمہارا چھٹکارا نہ ہوگا۔ہاں ہاں سنتے ہو!آزمائے جاؤگے،آزمائش میں پورے نکلے تو مسلمان ٹھہروگے۔ہر شے کی آزمائش میں یہی دیکھاجاتاہے کہ جو باتیں اس کے حقیقی و واقعی ہونے کو درکار ہیں،وہ ا س میں ہیں یانہیں ؟ ا بھی قرآن و حدیث ارشاد فرماچکے کہ ایمان کے حقیقی و واقعی ہونے کودوباتیں ضرورہیں۔
(۱)محمدرسول الله صلی الله تعالٰی علیہ وسلم کی تعظیم
(۲)اور محمد رسول اﷲ کی محبت کو تمام جہان پر تقدیم
تو اس کی آزمائش کا یہ صریح طریقہ ہے کہ تم کو جن لوگوں سے کیسی ہی تعظیم،کتنی ہی عقیدت،کتنی ہی دوستی،کیسی ہی محبت کا علاقہ ہو۔جیسے تمہارے باپ،تمہارے استاد،تمہارے پیر،تمہارے بھائی،تمہارے احباب،تمہارے اصحاب،تمہارے مولوی، تمہارے حافظ،تمہارے مفتی،تمہارے واعظ وغیر ہ وغیرہ کسے باشد،جب وہ محمدرسول اﷲ صلی الله تعالٰی علیہ وسلم کی شان میں گستاخی کریں اصلًا تمہارے قلب میں ان کی عظمت ان کی محبت کا نام ونشان نہ ر ہے فورًا ان سے
کتاب کا موضوع
کتاب کا موضوع