30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
افتراء اﷲ عزوجل پرافتراہے،اور اﷲ عزوجل فرماتاہے:
|
" اِنَّ الَّذِیۡنَ یَفْتَرُوۡنَ عَلَی اللہِ الْکَذِبَ لَایُفْلِحُوۡنَ ﴿ؕ۶۹﴾ "[1] |
وہ جو اﷲ پرجھوٹ افتراء کرتے ہیں فلاح نہ پائیں گے۔ |
اور اگر بے علمی سے ہے تو جاہل پرسخت حرام ہے کہ فتوٰی دے۔حدیث میں ہے نبی صلی اﷲ تعالٰی علیہ وسلم فرماتے ہیں:
|
من افتی بغیر علم لعنتہ ملٰئکۃ السماء والارض[2]۔ |
جو بغیرعلم کے فتوٰی دے اس پرآسمان وزمین کے فرشتے لعنت کرتے ہیں۔ |
ہاں اگر عالم سے اتفاقًا سہو واقع ہو اور اس نے اپنی طرف سے بے احتیاطی نہ کی اور غلط جواب صادر ہوا تومواخذہ نہیں مگر فرض ہے کہ مطلع ہوتے ہی فورًا اپنی خطاظاہر کرے،اس پر اصرار کرے تو پہلی شق یعنی افترا میں آجائے گا۔واﷲ تعالٰی اعلم
مسئلہ ۳۵۴: ازشہر محلہ ملوکپور مسئولہ امیراﷲ صاحب ۱۸صفر۱۳۳۹ھ
حضوروالا! السلام علیکم! انجمن خدام المسلمین کومولوی قطب الدین صاحب نے بغرض استقبال مولوی نعیم الدین صاحب مرادآبادی کے بلوایاتھا ممبران انجمن نے ان کا استقبال بریلی جنکشن پرکیا اور وہاں سے ان کی سواری کو اپنے ہاتھوں سے کھینچ کر حضور کے درِدولت تك لاپہنچایا،پھر حضور کے درِدولت سے مولوی قطب الدین کے مکان تك اسی شان وشوکت سے پہنچایا مسلمانوں کو ایك عالم دین کے استقبال وخدمت کرنے سے کیا شرع مطہر روکتی ہے،اور یہ بھی سننے میں آیا ہے کہ حضور کوسخت صدمہ پہنچا اور حضور کی شان گھٹائی،مفصل طور پر جواب سے مطلع فرمائیں۔
الجواب:
وعلیکم السلام،استغفراﷲ،یہ جو سننے میں آیا محض کذب وافترا ہے اور وہ تعظیم کہ مسلمانوں نے سنی عالم کی کی باعث اجرعظیم و رضائے خدا ہے،حدیث میں ارشاد ہوا:
|
من تواضع ﷲ رفعہ اﷲ [3]۔واﷲ تعالٰی اعلم |
جس نے اﷲ کی خوشنودی کے لئے عاجزی اختیار کی اﷲ اس کو بلند کردیتاہے۔واﷲ تعالٰی اعلم(ت) |
کتاب کا موضوع
کتاب کا موضوع