30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
مسئلہ ۱۱۵: از کلکتہ دھرم تلا ۱۲۴ مرسلہ جناب محمد یونس صاحب ۸رجب ۱۳۲۷ھ
علمائے دین سے سوال یہ ہے کہ اس شخص کا کیاحال ہے کہ عمرو دو زوجہ رکھتا ہے اور دونوں سے مباشرت ایك مکان میں بے پردہ کرتا ہے اور جو اس سے کہا جاتاہے تو کہتا ہے اپنی بی بی سے کیا حجاب۔
الجواب:
یہ امر مکروہ وبے حیائی ہے مرد کو بی بی سے حجاب نہیں تو بی بی کو بی بی سے تو ستر فرض ہے اور حیا لازم ہے۔بحرالرائق وفتاوٰی عالمگیریہ میں ہے:
|
یکرہ ان یطأ احدھما بحضرۃ الاخرٰی حتی اوطلب وطاھألم یلزمھا الاجابۃ ولا تصیر فی الامتناع ناشرۃ ولا خلاف فی ھذہ المسائل [1]۔ |
دو بیویوں میں سے کسی ایك سے دوسری کی موجودگی میں ہمبستری کرنا مکروہ ہے اگر شوہر ایك بیوی سے دوسری بیوی کی موجودگی میں اس قسم کا تقاضا کرے تو بیوی کے لئے اس کا تقاضا پورا کرنا ضروری نہیں،اور اس انکار یا رکاوٹ کے سبب وہ نافرمان نہیں ہوگی۔ان مسائل میں کوئی اختلاف نہیں پایا جاتا۔(ت) |
ردالمحتار شرح ملتقی اس میں امام قاضیخاں اس میں منتقی امام حاکم الشہید سے ہے:
|
یکرہ للرجل ان یطأ امرأتہ وعندھا صبی یعقل او اعمٰی اوضرتھا اوامتھا او اٰمتہ [2]۔ |
کسی ذی عقل وذی فہم بچے،کسی اندھے،اپنی بیوی کی سوکن اور اپنی یا بیوی کی لونڈی کی موجودگی میں بیوی کے ساتھ ہمسبتر ہونا مرد کے لئے مکروہ ہے۔(ت) |
مسئلہ ۱۱۶: بہیڑ ضلع بریلی مرسلہ طابل حسین خان ۲۷ ذی الحجہ ۱۳۲۲ھ
قبر پر اذان کہنا جائز ہے یانہیں؟ بینوا توجروا(بیان کیجئے اور ثواب حاصل کیجئے۔ت)
کتاب کا موضوع
کتاب کا موضوع