30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 18 | فتاوی رضویہ جلد ۱۸
ثالثی جب متعدد اشخاص کے سپردکی جائے تو ان کا وہی حکم مسلم وقابل اعتبار ہوگا جو وہ سب باتفاق رائے فیصلہ کریں اور اختلاف پڑے تو ان میں کسی کا حکم قابل لحاظ نہیں ایسے مقامات میں کثرت رائے پر نظر نہیں ہوسکتی جہاں کوئی اختیار متعدد اشخاص کو سپرد کیا گیا ہو مثلًا چند شخصوں کو وکیل کیا تو ان سب کی رائے متفق ہونا ضرور ہے یا متعدد اشخاص کو اپنے مال کا وصی کیا تو جو تصرف ہوگا سب کی مجموعی رائے سے ہوسکے گا یا چند اشخاص کو وقف کا متولی کیا تو اس میں بھی بعض یا اکثر کی رائے سے کچھ نہ ہوسکے گا جب تك سب کی رائے متفق نہ ہو بعینہ یہی حالت ثالثوں کی ہے اور ان سب کی وجہ یہی ہے کہ اختیار دینے والا مجموع کی رائے پر راضی ہوا تھانہ کہ بعض کی۔اشباہ والنظائر صفحہ ۲۵۱میں ہے:
|
الشیئ المفوض الی اثنین لایمبلکہ احدھما کالو کیلین والوصیین والناظرین و القاضیین والحکمین[1]۔ |
جو چیز دو کو تفویض کی جائے ایك واحد مالك نہ ہوگا جیساکہ دو وکیل،دو وصی،دو منتظم دو قاضی اور دو ثالث۔(ت) |
ہدایہ جلد دوم ص ۱۳۲میں ہے:
|
اذاوکل وکیلین فلیس لاحد ھما ان یتصرف فیما وکلا بہ دون الاٰخر وھذا فی تصرف یحتاج فیہ الی الرأی کالبیع والخلع وغیر ذلك لان الموکل رضی برأیھما لابرأی احدھما[2]۔ |
جب کسی نے دو وکیل بنائے تو جس معاملہ میں دونوں وکیل ہیں،ایك وکیل دوسرے کے بغیر اس میں تصرف نہیں کرسکتا،یہ ان امور میں ہے جن میں مشورہ کی ضرورت ہوتی ہے جیسے بیع اور خلع وغیرہ،کیونکہ موکل دونوں کی رائے پر راضی ہے ایك کی رائے پر نہیں(ت) |
اسی کے صفحہ ۵۶۷ میں ہے:
|
الولایۃ ثبتت بالتفویض فیراعی وصف التفویض وھو وصف الاجتماع اذھو شرط مفید[3]۔ |
ولایت تفویض سے ثابت ہوتی ہے لہذا تفویض کے وصف کی رعایت ضروری ہے اور یہ دونوں کی اجتماعی رائے کا وصف ہے(ت) |
کتاب کا موضوع
کتاب کا موضوع
