30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 18 | فتاوی رضویہ جلد ۱۸
نہ فریق مقدمہ ہیں نہ ان کے ابطال حق پر فریقین سے کسی نے کوئی ثبوت دیا لہذا اس قدر میں کسی کا دعوٰی مسموع نہیں سید امیر حسن مرحوم کے وارث صرف ان کے والد سید محمد افضل صاحب مدعی ہیں تو اس ربع کا ایك ثلث کہ شرعًا ملك سید امیر حسن مرحوم تھا وراثۃً ملك سید محمد افضل صاحب ہواسید محمد افضل صاحب کو بھی اگرچہ اقرار تھا کہ یہ مکان متروکہ پدری ہے جس کے رو سے اگرچہ اقرارات ہر سہ فریق حق سید امیر حسن مرحوم پر مؤثر نہ ہوا مگر جب ثلث بدعوٰی ارث سید محمد افضل صاحب کو پہنچے سید محمد احسن صاحب ان کے اقرار پر مواخذہ کرکے اس ثلث میں نصف کے مدعی ہوسکتے تھے لیکن سید محمد احسن صاحب بعد اقرار مذکور ہر سہ فریق کے صراحۃً تحریر کرچکے کہ امیر حسن کے حق کی بابت گزارش ہے کہ روپیہ والد صاحب کا تھا اور اس سے بیع ورہن کیا گیا اگر شرعًا اس میں میرا حق ہے تو مجھ کو دعوٰی ہے اور نہیں ہے تودعوٰی نہیں ہے فقط اور اوپر معلوم ہوتا ہے کہ شرعًا سید امیر حسن مرحوم کے حق میں سید محمد احسن کا کوئی حق نہیں،نہ خریداری میں روپیہ والد کا ہونا،ملك والد کو مستلزم۔فتاوٰی خیریہ ص۲۰۱:
|
لایلزم من الشراء من مال الاب ان یکون المبیع للاب[1]۔ |
والد کے مال سے خرید کر دہ چیز ضروری نہیں کہ والد کے لئے ہو۔(ت) |
او رلادعوٰی کسی شرط واقعی پر معلق کرنا بلا شرط لادعوٰی ہے،درمختار ص۴۰۷ :
|
علقہ بامرکائن کان اعطیتہ شریکی عــــــہ فقدابرأتك وقد اعطاہ صح[2]۔ |
برأت کو معلق کیا کسی امر ماضی محقق پر جیسے طالب کا مدیون سے کہنا کہ اگرتونے فلاں چیز میرے شریك کو دی تو میں نے تجھ کو بری الذمہ کیا حالانکہ مدیون وہ چیز اس کے شریك کو دے چکا تو یہ تعلیق صحیح ہوگی۔(ت) |
ردالمحتار جلد ۲ ص۳۴۹:
|
لانہ علقہ بشرط کائن فتنجز۔[3] |
کیونکہ اس نے پائی جانیوالی شرط پر معلق کیا ہے تو فورًا نافذ ہوگیا۔(ت) |
تو سید محمد افضل صاحب کا اقرار حصہ سید امیر حسن مرحوم کے بارے میں سید محمد احسن صاحب کے لادعوے
عــــــہ: شریکی کی جگہ اصل میں بیاض ہے۔
کتاب کا موضوع
کتاب کا موضوع
