30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 18 | فتاوی رضویہ جلد ۱۸
ہندہ نے اس بناء پر کہ اس کے مکان کی بے پردگی ہوتی ہے منجملہ تمام دریچوں کے پانچ دریچے بند کرادینے یا ان کے سامنے دیوار قائم کرادینے کی نالش دائر کردی ان پانچ دریچوں میں سے دو جدید ہیں جن کا ذکر اوپر آچکا اور باقی قدیم چنانچہ فریقین کی شہادت سے یہ بات ثابت ہے اور درحقیقت اس بے پردگی کا باعث یہ ہے کہ ہندہ کاایك مکان جو مانع بے پردگی تھا باختیار ہندہ منہدم ہوگیا اور اب بے پردگی میں دریچہائے متنازع فیہا اور زید کے مکان کے دوسرے دریچے اور وہ لوگ جو بہ سواری اسپ وفیل وشتر وغیرہ شارع عام سے گزرتے ہیں سب برابر ہیں۔زید ہندہ سے کہتا ہے کہ دریچے بند ہوجانے سے میرے ہزار ہا روپے کے مکانات غارت ہوجائیں گے اور تمہارا ہر طرح سے صرف دس بارہ گرہ دیوار بلند کرلینے سے پردہ ہوسکتا ہے اور اگر تمہیں بار ہو تو صرف بھی میں ہی دوں گا،اس صورت میں علمائے کرام سے سوال یہ ہے کہ آیا مطابق مذہب ائمہ حنفیہ ہندہ زید کو اپنی ملك میں تصرف سے مانع ہوسکتی ہے اور ہندہ دریچے بند کرادینے کی مستحق ہے۔جواب مدلل بنقل و روایات ہو۔ واﷲ لایضیع اجر المحسنین(اﷲ تعالٰی نیکی والوں کا اجر ضائع نہیں کرتا۔ت)
الجواب:
صورت مستفسرہ میں دعوی ہندہ باطل ونامسموع ہے،ائمہ حنفیہ رضی اﷲ تعالٰی عنہم کا اصل مذہب و ظاہر الروایۃ ومرجح ومصحح ومفتی بہ یہ ہے کہ انسان اپنی ملك میں تصرف کا مطلقًا اختیار رکھتا ہے دوسرا اپنے کسی نفع نقصان کی وجہ سے مالك کو اپنی ملك خاص مستقل میں کسی تصرف سے منع نہیں کرسکتا،خود محرر المذہب سیدنا امام محمد رضی اﷲ تعالٰی عنہ مبسوط میں کہ کتب ستہ ظاہر الروایۃ سے ہے،ارشاد فرماتے ہیں:
|
ان کف عما یوذی جارہ فہواحسن،ولایجبر علی ذٰلك ولو فتح صاحب البناء فی علوبنائہ بابااوکوۃ لم یکن لصاحب الساحۃ منعہ ولصاحب الساحۃ ان یبنی فی مبلکہ مایستر جھتہ[1]۔ |
اپنے پڑوسی کو تکلیف دہ امور نہ کرے تو اچھا ہے جبکہ اس پر اسے مجبور نہیں کیا جاسکتا،اگر مکان والے نے مکان کے اوپر دروازہ یا کھڑکی کسی کے صحن کی طرف کھولی تو صحن والے کو منع کا حق نہیں ہے تاہم اس کو یہ حق ہے کہ وہ اپنی ملکیت میں عمار ت بناکر اس کی کھڑکی کو بند کردے۔(ت) |
وجیز امام شمس الائمہ کردری میں ہے:
[1] فتح القدیر بحوالہ مبسوط لامام محمد کتاب القضاء مسائل شتی مکتبہ نوریہ رضویہ سکھر ۶ /۴۱۴،خلاصۃ الفتاوٰی کتاب الحیطان مکتبہ حبیبیہ کوئٹہ ۴/ ۲۶۳
کتاب کا موضوع
کتاب کا موضوع
