اتنی قیمت کو بنادے یہ صورت استصناع کہلاتی ہے کہ اگر اس چیز کے یوں بنوانے کا عرف جاری ہے اوراس کی قسم وصفت وحال وپیمانہ وقیمت وغیرہا کی ایسی صاف تصریح ہوگئی ہے کہ کوئی جہالت آئندہ منازعت کے قابل نہ رہے اوراس میں کوئی میعاد مہلت دینے کے لئے ذکر نہ کی گئی تو یہ عقد شرعا جائز ہوتا ہے اور اس میں بیع سلم کی شرطیں مثلا روپیہ پیشگی اس جلسہ میں دے دینا یا اس کا بازار میں موجودرہنا یا مثلی ہونا کچھ ضرور نہیں ہوتا مگر جب اس میں میعاد ایك مہینہ یا زائد کی لگادی جائے تو وہ عقد بیعنہٖ بیع سلم ہوجاتاہے اور اس وقت تمام شرائط بیع سلم کا متحقق ہونا ضروری ہوتاہے۔ اگرا یك بھی رہ گئی عقد فاسد ہوگیا۔

فی رد المحتار عن البدائع من شروطہ بیان جنس المصنوع ونوعہ وقدرہ وصفتہ وان یکون ممافیہ تعامل وان لایکون مؤجلا والاکان سلما ^[1] الخ وفیہ المراد بالاجل ماتقدم وھو شہر فما فوقہ ^[2] الخ وفی الطحطاوی الاجل تارۃ یکون کاجل السلم بان کان شہرا فازید وھو عندہ سلم من غیر تفصیل ^[3] الخ،

وفی الہندیۃ ان ضرب الاجل صار مسلما(حتی لایجوز الابشرائط السلم)ھذا اذا کان ضرب المدۃ علی وجہ الاستمہال بان قال شہرا ومااشبہ ذٰلك امااذا ذکر علی وجہ الاستعجال بان قال علی ان تفرغ منہ غدا اوبعد غد لایصیر سلما کذا فی الصغرٰی^[4] اھ ملخصا۔

 ردالمحتار میں بحوالہ بدائع ہے استصناع کی شرطوں میں سے یہ ہے کہ مصنوع(جو چیز بنوانا مطلوب ہے)کی جنس،نوع، صفت اور مقدار کو بیان کرنا اوریہ کہ اس میں لوگوں کا عرف جاری ہو اور یہ کہ اس کی کوئی میعاد مقرر نہ کی جائے ورنہ وہ عقد سلم ہوجائے گا الخ اور اسی میں ہے کہ میعاد سے مراد وہی ہے جس کا پہلے ذکر ہوچکا ہے یعنی ایك ماہ یا اس سے زیادہ الخ، طحطاوی میں ہے کہ میعاد کبھی سلم کی میعاد جیسی ہوتی ہے یعنی ایك ماہ یا اس سے زائد تو اس صورت میں بغیر کسی تفصیل کے یہ سلم ہے الخ،ہندیہ میں ہے کہ اگر میعاد مقرر کی تویہ عقد سلم ہوگاجو کہ سلم کی شرطوں کے بغیر جائز نہیں) یہ اس وقت ہے جب بیان مدت مہلت طلب کرنے کے طور پر ہو مثلا ایك ماہ یا اس کی مثل ذکر کیا اور اگر مدت کا بیان طلب عجلت کے طور پر ہو مثلا کہا تجھ سے یہ چیز اس شرط پر بنواتا ہوں کہ توکل یا پرسوں اس کو بناکر فارغ ہوجائیں تو یہ عقد سلم نہ ہوگا یہ صغرٰی میں ہے اھ تلخیص(ت)

یہاں کہ میعاد ایك مہینہ یا زائد ہی کی تھی عقد بیع سلم ہوگیا اور بوجہ تردید کہ ایك مہینہ میں تیس اور زیادہ میں چوبیس نہ قیمت معین ہوگی نہ مدت،حالانکہ ان کی تعیین سلم میں ضرور ہے لہذا عقد فاسد ہوگیا بلکہ عند التحقیق استصناع ہر حال میں بیع ہی ہے۔

کما نص علیہ فی المتون وصححہ المحققون من الشراح ففی النقایۃ الاستصناع باجل سلم تعاملوا فیہ او لا،وبلا اجل فیما یتعامل فیہ بیع والمبیع العین لاالعمل اھ ^[5] ومثلہ فی الاصلاح والملتقی والتنویر وغیرھا وفی الہدایۃ الصحیح انہ یجوز بیعا لاعدۃ والمعدوم قد یعتبر موجودا حکما و المعقود علیہ العین دون العمل ھوالصحیح اھ مل^[6]خصا ونحوہ فی الایضاح والدر وغیرھما من الاسفار الغر و قد اوضحنا المقام مع ازالۃ الاوھام بتوفیق الملك العلام فیما علقناہ علی ردالمحتار۔

جیسا کہ متون میں اس پر نص کی گئی اور محقق شارحین نے اس کی تصحیح فرمائی،چنانچہ نقایہ میں ہے استصناع میں اگر مدت مقرر کی جائے تو وہ سلم ہوجاتاہے چاہے لوگوں کا عرف اس میں جاری ہویا نہ ہو اور بغیر مدت مقرر کرنے کے اگر اس میں عرف جاری ہو وہ بیع ہے اور مبیع عین(مصنوع)ہے نہ کہ عمل اھ اور اصطلاح،ملتقی اور تنویر وغیرہ میں اس کی مثل ہے،ہدایہ میں ہے کہ یہ بطور بیع جائز ہے نہ کہ بطور وعدہ اور معدوم کو کبھی کبھی حکمی طورپر موجود اعتبار کرلیا جاتاہے اور معقود علیہ(مبیع)عین ہے نہ کہ عمل،اور یہی صحیح ہے اھ تصحیح،اور اسی کی مثل ہے ایضاح اور در وغیرہ روشن کتابوں میں اور ہم نے الله تعالٰی کی توفیق سے ردالمحتار پر اپنی تعلیقات میں اس مقام کی وضاحت کرتے ہوئے تمام وہموں کا ازالہ کردیا ہے۔(ت)

اور بیع ہر گز ایسی جہالت ثمن کا تحمل نہیں کرسکتی کہ اتنی مدت ہو تو یہ قیمت اور اتنی ہو تو وہ

فی الخلاصہ رجل باع شیئا علی انہ بالنقد بکذا وبالنسئۃ بکذا اوالی شہر بکذا اوالی شہرین بکذا لم یجز ^[7]۔

خلاصہ میں ہے ایك شخص نے کسی شیئ کی بیع اس طرح کی نقد اتنے کی اورادھار اتنے کی یا ایك ماہ کے ادھار پر اتنے کی اوردو ماہ کے ادھار پر اتنے کی،تو جائز نہیں۔(ت)

تو استصناع میں اگرچہ ایك مہینہ یا اس سے زائد نہ ہو جب ایسی تردید کی جائیگی عقد فاسد ہوگا اور فسخ واجب،ھذا ماظہر لی، واللہ تعالٰی اعلم(یہ وہ ہے جو میرے لئے ظاہر ہوا۔ اورالله تعالٰی بہتر جانتاہے۔ ت)

مسئلہ ۲۴۵:زید کے دوست نے فرمائش لکھی کہ مجھ کو کحل الجواہر بھیج دو،زید عمروکے دکان سے قرض خرید لایا،اور بعد دو ایك روزکے واپس کردیا،اس کے یہاں جاکر اورخیال دل میں یہ تھاکہ شاید وہ دوست قیمت نہ بھیجے تو مجھ کو دینا ہوگی،غرض اس کے سامنے یعنی مالکان دکان کو دے دیا اور یہ اس سے کہا بھی مالك کحل الجواہر نے،میاں ذراسی بات کے لئے پھر شرمندہ ہونا پڑا ہے،اورقیمت تومیری پڑیا کحل الجواہر پر لکھی ہوئی ہے وہ بھیج دیں گے تم کو قیمت،تم ان کوکحل الجواہر بھیج دو،پس بامر بائع دوبارہ زید نے اس کو لاکر بھیج دیا اپنے دوست کے پاس،سوال یہ ہے کہ اس صورت میں مالك کحل الجواہر زید سے قیمت وصو ل کرنے کا مجاز ہے یانہیں؟ اب زید نے اس کے امر سے بھیجا ہے۔ بینوا توجروا

الجواب: