اور اگر مراد عام قبر کی مرمت ہے تو وہ قربت نہیں اور وقف کے لئے قربت ہونا شرط ہے،

فی الدرالمختار شرطہ ان یکون قربۃ فی ذاتہ ملوما منجزا^[1]      الخ۔

درمختار میں ہے کہ وقف ہونے کی شرط یہ ہے کہ وہ عمل ذاتی طور پر نیکی ہونا واضح طور پ معلوم ہوا الخ۔(ت)

فتاوٰی قاضی وفتاوٰی سراجیہ وتنویر الابصار وغیرہا میں ہے:

اوصی بان یطین قبر فھی باطلۃ ^[2]         اھ مختصرًا

قبر کی لپائی کی وصیت کی تو باطل ہے اھ مختصرًا(ت)

ردالمحتار میں ہے:

الوصیۃ اماصلۃ او قربۃ ولیست ھذہ واحدۃ منھما فبطلت^[3]۔

وصیت،صلہ رحمی ہو یا پھر نیکی ہو،ا ور یہ دونوں میں سے نہیں ہے،لہذا باطل ہے(ت)

ہاں قبور اولیاء کرام کے حفظ ونگہداشت کو جبکہ ان کی تعظیم وتکریم کے تحفظ اور توہین وپامالی سے بچانے اور مسلمانوں کے وہاں حاضرہوکر فیض ثواب وتبرکات پانے کے لئے ہو قربت کہنا اقرب بفقہ ہے۔اللہ  عَزَّ وَجَلَّ  فرماتا ہے:

"ذٰلِكَ اَدْنٰۤى اَنْ یُّعْرَفْنَ فَلَا یُؤْذَیْنَؕ-"^[4]۔

یہ پہچان سے قریب تر ہے تاکہ ان کو اذیت سے بچایا جائے۔ (ت)

درمختار میں ہے:

تطیین القبور لایکرہ فی المختار وقیل یکرہ وقال البزدوی لواحتج لکتابۃ کیلایذہب الاثر ولایمتھن لاباس بہ^[5]۔

قبروں کی لپائی مکروہ نہیں ہے،مختار قول میں بعض نے کہا مکروہ ہے۔بزدوی نے فرمایا اگر کتابت کےلئے ضرورت ہو تاکہ قبر کے آثار ختم نہ ہوں تو کوئی حرج نہیں ہے(ت)

عقود الدریہ میں ہے:

ان کان القصد بذلك التعظیم فی اعین العامۃ حتی لایحتقر واصاحب ھذا القبر الذی وضعت علیہ الثیاب ولجلب الخشوع والادب لقلوب الزائرین الغافلین کما ذکرنا من حضور روحانیتھم المبارکۃ عندقبورھم فھو امر جائز الخ^[6]۔

اگر مقصد یہ ہو کہ اس سے لوگوں کی نظروں میں تعظیم ہوگی اور قبر والے کی تحقیر سے حفاظت ہوگی تو اس کی قبر پر کپڑا ڈالنا اور غافل لوگوں کو وہاں خشوع کی طرف اور ادب کی طرف راغب کرنا،جیسا کہ ہم نے ذکر کیا ہے کہ قبروں پر اصحاب قبور کی روحیں حاضر ہوتی ہیں،اس لئے ہوتو یہ جائز ہے الخ (ت)

اور شك نہیں کہ ہر مباح بہ نیت محمودہ محمود وقربت ہوجاتا ہے، رسول اللہ صَلَّی اللہُ تعالٰی  عَلَیْہِ وَاٰلِہٖ وَسَلَّمَفرماتے ہیں:

انما الاعمال بالنیات ولکل امرئ مانوی^[7]۔

اعمال نیات کے ساتھ ہیں،ہر شخص کو وہی حاصل ہوگا جس کی وہ نیت کرے(ت)

ا س صورت میں اس مرمت کے لئے تنہا بھی وقف صحیح ہوسکتا ہے لیکن یہاں جبکہ صرف مرمت قبر پر وقف نہیں بلکہ اس میں مصارف قبر صراحۃً مذکور ہیں تو ایك مصرف جائز اگرچہ خود قربت نہیں،ان میں شامل کرنا وقف کو ناجائز نہیں کرسکتا غایت یہ کہ گویا اتنا روپیہ جس قدر کی حاجت کبھی مرمت قبر کےلئے واقع ہو مصارف خیر سے ایك مصرف جائز کےلئے مستثنے ہواور اس میں کچھ حرج نہیں۔ردالمحتار میں ہے:

اذاجعل اولہ علی معنیین صار کانہ استثنی ذلك من الدفع الی الفقراء کما صرحوابہ^[8]۔

جب وقف کرتے ہوئے دوچیزوں کوذکر کیاگیا توگویا یہ فقراء کو دینے سے مستثنی ہوگا جیسا کہ فقہاء نے اس کی تصریح کی ہے(ت)

فتاوٰی قاضی خان ردالمحتار میں ہے:

لوقال ارضی صدقۃ موقوفۃ علی من یحدث لی من الولد ولیس لہ ولد یصح لان قولہ صدقۃ موقوفۃ وقف علی الفقراء وذکر الولد الحادث للاستثناء^[9]۔