30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
گستاخی کرنے کو آپ تھے اور بات بنانے دوسرا آئے،ولاحول ولاقوۃ الاباﷲ العلی العظیم۔آپ برسوں سے ساکت اور آپ کے حواری رفع خجلت کی سعی بے حاصل کرتے ہیں۔ہر بار ایك ہی طرح کے جواب ہوتے ہیں،آخر تابہ کے،یہ اخیر دعوت ہے اس پر بھی آپ سامنے نہ آئے تو الحمد ﷲ میں فرض ہدایت اداکرچکا،آئندہ کسی کے غوغہ پر التفات نہ ہوگا۔منوا دینا میرا کام نہیں اﷲ عزوجل کی قدرت میں ہے واﷲ یھدی من یشاء الٰی صراط مستقیم۔
وصلی اﷲ تعالٰی علی سیدنا ومولانا
محمد واٰلہ وصحبہ اجمعین،والحمد ﷲ رب العلمین۔
فقیر احمد رضاقادری عفی عنہ ۱۵ صفرالمظفر روز چہار شنبہ ۱۳۲۹ھ
(مآل یہی ہوا کہ اکابر دیوبند گھبراتے رہے،خجالت وشرمندگی نبھاتے رہے،
رجوع واتحا د سے گریز کیا اور ایك بہت بڑا فتنہ باقی رہ گیا۔)
مسئلہ ۱۱: از لائن مین بکسر اسٹیشن ڈاکخانہ گجادھر گنج مسئولہ حاجی عبداﷲ خاں صاحب ۲ صفر ۱۳۳۹ھ
کیا فرماتے ہیں علمائے دین اس مسئلہ میں کہ رسول مقبول صلی اﷲ صلی اﷲ تعالٰی علیہ وسلم کا ذکر ہو تو صرف یہ کہنا کہ رسول نے ایسا کیا رسول نے ایسا کہا،کیا مناسب ہے؟
الجواب:
نام اقدس تعظیم کے ساتھ لینا فرض ہے،خالی رسول رسول کہنا اگر بقصد ترك تعظیم ہے تو کفر ہے ورنہ بلا ضرورت ہو تو برکات سے محرومی،واﷲ تعالٰی اعلم۔
مسئلہ ۱۲: از شہر محلا ملوکپور مسئولہ محمود الرحمن صاحب ۲ صفر ۱۳۳۹ھ
فتوٰی حضور والا کا دربارہ شرکت جلوس مسٹر شوکت علی وغیرہم فدویان نے مطالعہ کیا اور دوسرے لوگوں کو ہدایت کی مگر بعض آدمی جواب کے الفاظ پریوں شبہ پیش کرتے ہیں ایسے جلوس میں شرکت مولانا شوکت علی ومحمد علی صاحبان دومسلمان ہیں اور مقاصد حال بھی مسلمانوں ہی کے ہیں پس تعظیم ہندو کے جلوس کی کیونکر ہوئی نیز لفظ فھو منھم(پس وہ انہی میں سے ہے۔ ت)بتلاتاہے کہ شریك ہونے والے کافر ہوجائیں گے،کیا یہ الفاظ حقیقت پر محمول ہیں ؟ مہربانی فرماکر ان دونوں شبہوں کا اور جواب عنایت فرمادیجئے تاکہ حیلہ گروں کو حیلہ کا موقع نہ رہے۔
کتاب کا موضوع
کتاب کا موضوع