30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 13 | فتاوی رضویہ جلد ۱۳
مسئلہ١٨٣: از چتوڑگڑھ محلہ چھیپیاں مسئولہ جمیع مسلمانان گنگرار ١٥محرم ١٣٣٩ھ
کیافرماتے ہیں علمائے دین اس مسئلہ میں کہ ایك عورت کو شوہر عرصہ آٹھ سال سے ہندوستان چھوڑ کر غیر ملك میں چلاگیا زندہ ہے خیریت کا حال لکھتا رہتا ہے مگر اس کے لئے نہ تو یہاں اس کی جائداد ہے اور نہ اس نے آج تك خرچ کے لئے زوجہ کے پاس روپیہ پیسہ روانہ کیا نہ اس عرصہ میں وہ کبھی آیا اور نہ آئندہ آنے کا قصد رکھتا ہے،زوجہ نے نان نفقہ کے انتظام کے لئے کئی مرتبہ اسے لکھا مجبور ہوکر طلاق چاہی مگر نہ تو نان نفقہ دیتاہے اور نہ طلاق دیتا ہے،اب سنا جاتا ہے کہ عورت پریشان ہوکر نصرانیت اختیار کرنے والی ہے،ایسی صورت میں عورت مذکورہ سے معاملہ مندرجہ سوال میں کسی عالم بامعتبر سے فسخ نکاح کی درخواست کراکے بعدانقضائے عدت فسخ نکاح نکاح جدید کسی دوسرے شخص سے کرادینا جائز ہے یاناجائز،آیا اس کے لئے کوئی صورت ہے شرعی کہ اسے مرتدہ ہونے سے بچائے۔
الجواب:
جس نے مرتدہ ہونے کا قصد کیا وہ اس وقت مرتدہ ہوگئی،بچائی کاہے سے جائے،اور شوہر کی زندگی میں بلاطلاق دوسرے سے نکاح کی کوئی صورت نہیں قال تعالٰی وَّالْمُحْصَنٰتُ مِنَ النِّسَآءِ[1](اﷲ تعالٰی نے فرمایا:نکاح والی عورتیں(حرام ہیں)۔ت)یہاں نہ کوئی حنبلی مذہب کا قاضی ہے نہ کسی حنفی مقلد کو اس مذہب کے خلاف قضا کا اختیار ہے اور اگر کرے گا نافذ نہ ہوگی ایسی تو سیعیں لازم مذہب کرتی ہیں،والتفصیل فی البحرالرائق وردالمحتار وغیرھما من الاسفار(اور اسکی تفصیل بحرالرائق اور ردالمحتار وغیرہما کتب میں ہے۔ت)واﷲ تعالٰی اعلم۔
مسئلہ١٨٤: از اکورہا ڈاك خانہ گنگیری ضلع علی گڑھ مسئولہ امداد علی خاں صاحب مدرس اول ٢٠ محرم ١٣٣٩ھ
کیافرماتے ہیں علمائے دین و مفتیانِ شرع متین اس مسئلہ میں کہ میری زوجہ وقتِ نکاح بدمزاج معلوم ہوتی تھی بعد میں وہی بدمزاجی بڑھتے بڑھتے فتور عقل ثابت ہوئی،فاتر العقلی کی حالت میں اس سے تین بچے بھی مختلف اوقات میں پیداہوئے اور مرے،اس کے مرض کا علاج مدت مدیر تك حکیموں،دائیوں،ڈاکٹروں،عاملوں کے ذریعہ کرایا گیا اور اپنی حیثیت سے زیادہ صرف کیا مگر کوئی صورت افاقہ کی نہ ہوئی اور مریضہ کے عملوں سے بہت کچھ نقصانات مالی ظہور میں آئے،اس کی حالت فاتر العقلی کے باعث ایسی ہوگئی ہے کہ وہ
کتاب کا موضوع
کتاب کا موضوع
- پیش لفظ
- تیرھویں جِلد
- اجمالی فہرست
- مفصل فہرست
- باب تعلیق الطلاق
- (تعلیقِ طلاق کا بیان)
- رسالہ
- آکدالتحقیق بباب التعلیق ۱۳۲۲ھ
- (باب تعلیق کے متعلق تحقیق انیق)
- باب الایلاء
- (ایلاء کا بیان)
- بابُ الخُلع (خلع کا بیان)
- بابُ الظّھار (ظہار کابیان)
- باب العدّۃ
- (عدّت کا بیان)
- بابُ الحداد (سوگ کا بیان)
- باب زوجۃ المفقود (مفقود الخبر کی زوجہ کا حکم)
- (نسب کا بیان)
- بابُ النسب
- بابُ الحضانۃ
- (پرورش کا بیان)
- بابُ النفقۃ
- (نفقہ کا بیان)
- کتابُ الایمان
- رسالہ
- الجوھر الثمین فی علل نازلۃ الیمین١٣٣٠ھ
- (قسم کی مصیبت سے متعلق قیمتی جوھر)
- بابُ النّذر
- (نذر کابیان)
- باب الکفارۃ
- (کفارے کا بیان)
- کتابُ الحُدُود وَالتّعزیر
- (حدود اور تعزیر کا بیان)
- مآخذومراجع
- ضمیمہ
- مآخذومراجع
