نہ کریں گے۔

چہارم جس کے پاس دو^٢زوجہ ہوں اور وُہ بلاتعیین اپنی عورت کو طلاق دے تو اسے اختیار ہے کہ وہ طلاق اُن میں سے جس کی طرف چاہے پھیرے تعیین مطلقہ میں اس کا بیان معتبر ہوگا جب تك اس کے قبول میں کلام کا لغو ہونا نہ لازم آتا ہو۔

یہ چاروں اصول جابجا کُتبِ فقہ میں مصرح ہیں،پس اگر چھمّی بشیرن دونوں مدخولہ ہیں تو اب ان میں سے جس کی تخصیص کرے گا دویاتین جتنی طلاقیں دی ہیں سب اسی پر پڑیں گی دوسری پر کچھ نہیں بشرطیکہ وہ اتنی طلاقوں کی صلاحیت رکھتی ہو مثلًا دوبار لفظ مذکور کہاتو اب جس کی تخصیص کرتا ہے اُسے دو^٢ طلاقیں کبھی نہ دی ہوں یا تین بار کہا تواصلًانہ دیں ہوورنہ جس قدراس کی صلاحیت ہے اُتنی اس پر باقی دوسری پر پڑیں گی جبکہ اس میں کل باقی کی صلاحیت ہوورنہ ایك طلاق بنا چاری لغو ٹھہرے گی مثلًا دوبار کہا اور چھمّی کی تخصیص کی اور اسے پہلے دو^٢ بار دے چُکا تو اس بار پر ایك ہی پڑکر وہ تین طلاقوں سے مطلقہ ہوجائے گی،اور اگر تین اور اس سے پہلے ایك دے چکا تھا تو اب اس پر دو^٢ ہی پڑکر تین ہوجائیں گی اور دونوں صورتوں میں باقی ایك بشیرن پر پڑے گی،اور اگر چھمّی کو دو دے چکا تھا تو اب تین بار کہا تو اس پر ایك پڑکر تین ہوگئیں اور باقی دو^٢ بشیرن پر پڑیں گی جبکہ بشیرن پرپڑیں گی جبکہ بشیرن کو پہلے دو^٢ نہ دے چکاہو ورنہ ان دو^٢ باقیماندہ سے ایك ہی بشیرن پر پڑکر اس کی بھی تین ہوجائیں گی اور ایك مجبورًا لغو ہوجائے گی اس کے لئے کوئی محل نہیں،اوراگر دونوں کو دینا بتاتا ہے تو ہر ایك پر ایك ایك تو ضرور پڑے گی،رہی تیسری،اگر اس کی صلاحیت کسی میں نہیں تو لغوجائے گی اور خاص ایك میں ہے تو اُسی پر ضرور پڑے گی اور دونوں میں ہیں تو وُہ جسے بتائے گا اس پر ہوگی مثلًا چھمی بشیرن دونوں پہلے دو^٢ دو^٢ طلاقیں پاچکی تھیں تو اب ہر ایك پر ایك ایك پڑکر تین تین ہوگئیں تیسری بیکار،اوراگر مثلًاچھمّی کو دو^٢ ہوچکی تھی اور بشیرن کو ایک،تو یہ تین جو دونوں کو دیں ان میں کی دو^٢ خاص بشیرن پرپڑیں گی اور چھمّی پر ایک،اگر چہ وہ اس کا عکس بتاتا ہوکہ میں نے چھمّی پر دو^٢ ڈالیں اور بشیرن پر ایک۔اور اگر دونوں ایك ایك طلاق ہوچکی تھی یا ایك بھی نہ ہوئی تھی یا ایك کو ایک،دوسری کو اصلًا نہ ہوئی تھی تو دونوں ان تینوں میں سے دو^٢ کی قابل ہیں جس پر دو^٢بتائے گا اس پر ان کی دو^٢ پڑیں گی،اور جس پرایك اس پر ایک۔اور اگر دونوں غیر مدخولہ ہیں تو ایك کی تخصیص اصلًا قبول نہ ہوگی کہ باقی کو لغویت لازم آتی ہے بنلکہ ہر طرح دونوں پر ایك ایك پڑے گی،اور اگر تین بار کہا تھا تو تیسری عبث جائے گی۔اور اگر مدخولہ وغیر مدخولہ ہیں اور تخصیص غیر مدخولہ کی کرتا ہے تو مقبول نہ ہوگی بنلکہ دو^٢ کی صورت میں دونوں پر ایك ایك پڑے گی اور تین کی صورت میں غیر مدخولہ کی کرتا ہے تو مقبول نہ ہوگی بلکہ دو^٢ کی صورت میں دونوں پر ایك ایك پڑے گی اور تین کی صورت میں غیر مدخولہ پر ایك اور باقی دو مدخولہ پر اگر اسے پہلے دو^٢ نہ دے چکا ہو ورنہ اس پر بھی ایك ہی،اور تیسری بیکار۔اور اگرتخصیص مدخولہ کی کرتا ہے تو مقبول