30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 12 | فتاوی رضویہ جلد ۱۲
مسئلہ١٨١: ازڈھاکہ پٹی ضلع نوگانوں ملك آسام مرسلہ عبد السبحان صاحب ١٠ربیع الاول شریف ١٣٣٨ھ
کیا فرماتے ہیں علمائے دین اس مسئلہ میں کہ تمیزالدّین اپنی منکوحہ سراج النساء کی حقیقی بہن پر عاشق ہوکر ایك رات مولوی اسرائیل علی صاحب ومحمد اسرافیل بیوپاری اور تمیزالدّین بیوپاری ار عبدالغفار خیاط کو اپنے گھر میں بلالے جاکر کہا کہ آپ لوگ میری سالی کے ساتھ میرا عقد پڑھا دیجئے،تب یہ لوگ پُوچھے کہ تم اپنی بی بی کی موجودگی میں اس کی حقیقی بہن کے ساتھ نکاح نہیں کرسکتے ہو اس وقت تمیز نے کہا تین روزقبل میں نے اپنی بیوی کو طلاق دے دیا کسی نے ان میں سے تمیزالدین کو پُوچھا تم نے کس طرح پر طلاق دیا وہ جواب دیا کہ میں اپنی منکوحہ کو اس طرح پر طلاق دیا کہ تم کو ایك طلاق دو طلاق تین طلاق بائن دیا اس وقت اس کا بیوی پسِ پردہ حاضر تھی شاہد مذکورین نے اس سے سوال کیا تجھ کو طلاق مِلا وہ صاف جواب دی کہ مجھ کو طلاق ملا اس کے بعد مولوی صاحب مذکور وغیرہم عقد پڑھا کر چلے آئے اور تمیزالدین کی ساس نے صبح کو اپنی لڑکی جس پر تمیز الدین نے عاشق ہو کر عقد کرنے کا ارادہ ظاہر کیا تھا تمیزالدین کے گھر سے اپنے گھر میں لے گئی کئی روز بعدتمیزالدین جو اپنی بیوی کو علیحدہ رکھا تھا اُس سے ہمبستر ہونا شروع کیا تب لوگوں نے پُوچھا تم اپنی منکوحہ کو طلاق دے کر حاضرانِ محفل میں اقرار بھی کرچکے اب حرامی کیوں کرتے ہو تب تمیزالدین نے جواب دیا موافق شرع کے میں اپنی منکوحہ کو طلاق نہیں دیا بلکہ ایك کاغذ میں لکھ کر الماری پر رکھا تھا اس کو میری بیوی مکان صاف کرنے کے وقت پائی اور وُہ عوام الناس میں شور مچائی فی الحقیقت میں نے زبان سے طلاق نہیں دیا اس صورت میں طلاق واقع ہوگا یاکہ نہیں اگرواقع ہو تو کس روز طلاق واقع ہوگا۔بینواتوجروا۔
الجواب:
صورتِ مذکورہ میں تمیزالدین اﷲ ورسول کےسخت گنہگار اور زانی حرامکاری ہے وہ صاف صاف تین طلاق کا اقرار کرچکا اب اس سے پھرنے کا اُسے کوئی اختیار نہیں،پہلی عورت اس پر ہمیشہ کو حرام ہوگئی جب تك حلالہ نہ ہو اُن مردوعورت پر فرض ہے کہ فورًا جداہوجائیں اور اگر نہ مانیں تو مسلمان اُن کو چھوڑدیں کہ وُہ زانی اور زانیہ ہیں۔ ردالمحتار میں ہے:
|
لووطئ معتدتہ من الثلاث علما بحرمتھا فانہ زنًا یحدبہ[1]۔ |
اگر تین طلاق کے بعد بیوی سے عدت میں جماع کیا تو زنا ہوگا اور اس کو اس پر حد لگائی جائے گی بشرطیکہ خاوند کواس کے حرام ہونے کا علم ہو۔(ت) |
کتاب کا موضوع
کتاب کا موضوع
- اجمالی فہرست
- پیش لفظ
- فہرست مضامین
- بابُ المہر
- رسالہ
- البسط المسجلفی امتناع الزوجۃ بعد الوطی للمعجل ١٣٠٥ھ
- (زوجہ بعد وطی بھی مہر معجّل لینے کے لئے اپنے نفس کو روك سکتی ہے اس بارے میں کشادہ تحریراور فیصلہ مسٹرمحمود کارد)
- باب الجھاز
- (جہیز کا بیان)
- فصل اوّل
- فصل دوم
- باب نکاحالکافر
- (کافر کے نکاح کا بیان)
- بابُ المُعَاشِرَۃ
- (زوجین کے باہمی برتاؤکابیان)
- (بیویوں میں باری مقرر کرنا اور حقوق میں مساوات رکھنا)
- باب القسم
- بابُ النکاحالثانی
- رسالہ
- اطائبُ التّھانیفی النّکاح الثّانی١٣١٢ھ
- (بیوہ کے نکاح ثانی کے مفصّل احکام)
- کتابُ الطّلاق
- (طلاق کا بیان)
- بابُ الکنایۃ
- (طلاق کنایہ کا بیان)
- رحیق الاحقاقفی کلمات الطلاق١٣١١ھ
- (طلاق بائن کے الفاظ کی تعداد اور ان کی تفصیل کے بیان میں)
- باب تفویضالطلاق
- (تفویض طلاق کا بیان)
- مآخذ ومراجع
- ضمیمہ
- مآخذ ومراجع
