30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 12 | فتاوی رضویہ جلد ۱۲
مسئلہ ١١٠: از سوروں ضلع ایٹہ محلہ ملك زاد گان مرسلہ مرزا حامد حسن صاحب ٢٦ربیع الآخر شریف ١٣١٠ھ
کیافرماتے ہیں علمائے دین ومفتیانِ شرع متین اس مسئلہ میں کہ عمرو ایك شخص جس کی ایك لڑکی جوان ہے اور بہت جگہ سے پیغام نسبت کے اُس کے پاس آئے لیکن اس نے سب کوجواب دیا اور زید کے لڑکے سے اپنی لڑکی کی نسبت کردی،بعد چند عرصہ کے عمر ومذکور نے زید کے لڑکے سے اپنی لڑکی کی نسبت چھڑاکر دوسری جگہ پر یعنی بکر کے لڑکے سے کردی،اب یہ نسبت جو آخر جگہ پر بکر کے لڑکے سے کی گئی ہے درست وجائز ہے یانہیں؟ یا کہ اول عمرو کے لڑکے سے کہ جس کے ساتھ اس نے پہلے نسبت کردی تھی اس کی اجازت اور رضامندی لینا چاہئے،اور اگر عمرو کا لڑکا اجازت نہ دے توبکر کے لڑکی کے نکاح میں تو کوئی نقص شرعی باقی نہیں رہا؟ مفصل طور پر جواب مرحمت فرمائے۔بینواتوجروا
الجواب:
نسبت صرف ایك اقرار ووعدہ ہے،اور ایك جگہ نسبت کرکے چُھڑا لینا خلف وعدہ جس کی تین صورتیں ہیں اگر وعدہ سرے سے صرف زبانی بطور دنیا سازی کیا اور اُسی وقت دل میں تھا کہ وفا نہ کریں گے توبے ضرورتِ شرعی وحالتِ مجبوری سخت گناہ وحرام ہے ایسے ہی خلافِ وعدہ کو حدیث میں علاماتِ نفاق سے شمار کیا،
|
کما بیناہ فی رسالتنا انباء الحذاق بمسالك النفاق و ھو محمل مافی الاشباہ من ان خلف الوعدہ حرام[1]الخ۔ |
جیسا کہ ہم نے اس کواپنے رسالہ"انباء الحذاق بمسالك النفاق"میں بیان کیا ہے،اور وہ جو اشباہ میں ہے وعدہ خلافی حرام ہے اس کا محمل بھی یہی ہے۔الخ(ت) |
اور اگر وعدہ سچے دل سے کیا پھر کوئی عذر مقبول وسبب معقول پیدا ہواتو وفا نہ کرنے میں کچھ حرج کیا ادنٰی کراہت بھی نہیں جبکہ اس عذر ومصلحت کو اس وفائے وعدہ کی خوبی وفضیلت پر ترجیح ہو خصوصًا امر نکاح میں کہ عمر بھر کے ساتھ کا سامان اور سخت نازك معاملہ ہے خصوصًا بے چاری شریف زادیوں کے لئے خصوصًا بلادِ ہندوستان میں،پس اگر نسبت کے بعد کوئی حرج ونقصان ظاہر ہو نسبت چھڑالی جائے ورنہ اپنی زبان پالنے کےلئے ایك بے کس بے زبان کو عمر بھر مضرت میں پھنساناہوگا خصوصًا جبکہ ضرورت دینی ہومثلًا معلوم ہوا کہ جس سے نسبت قرار پائی رافضی وہابی اور کسی قسم کا بد مذہب ہے کہ اس صورت میں نسبت چُھڑالینا شرعًا لازم۔قال تعالٰی:
کتاب کا موضوع
کتاب کا موضوع
- اجمالی فہرست
- پیش لفظ
- فہرست مضامین
- بابُ المہر
- رسالہ
- البسط المسجلفی امتناع الزوجۃ بعد الوطی للمعجل ١٣٠٥ھ
- (زوجہ بعد وطی بھی مہر معجّل لینے کے لئے اپنے نفس کو روك سکتی ہے اس بارے میں کشادہ تحریراور فیصلہ مسٹرمحمود کارد)
- باب الجھاز
- (جہیز کا بیان)
- فصل اوّل
- فصل دوم
- باب نکاحالکافر
- (کافر کے نکاح کا بیان)
- بابُ المُعَاشِرَۃ
- (زوجین کے باہمی برتاؤکابیان)
- (بیویوں میں باری مقرر کرنا اور حقوق میں مساوات رکھنا)
- باب القسم
- بابُ النکاحالثانی
- رسالہ
- اطائبُ التّھانیفی النّکاح الثّانی١٣١٢ھ
- (بیوہ کے نکاح ثانی کے مفصّل احکام)
- کتابُ الطّلاق
- (طلاق کا بیان)
- بابُ الکنایۃ
- (طلاق کنایہ کا بیان)
- رحیق الاحقاقفی کلمات الطلاق١٣١١ھ
- (طلاق بائن کے الفاظ کی تعداد اور ان کی تفصیل کے بیان میں)
- باب تفویضالطلاق
- (تفویض طلاق کا بیان)
- مآخذ ومراجع
- ضمیمہ
- مآخذ ومراجع
