30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 11 | فتاوی رضویہ جلد ۱۱
مسئلہ ٤٢٢: ازلکھنؤ چھتر منزل کلب مسئولہ عبدالرحیم خان صاحب قادری رضوی ٦ رجب ١٣٣٩ھ پنجشنبہ
کیا فرماتے ہیں علمائے دین کہ زید کسی وجہ سے اپنا نکاح پڑھانے نہیں جاسکتا تو اپنے پیر بھائی کو اپنا ولی بنالیا تو ولی نکاح پڑھاکر لاسکتاہے یا نہیں؟ بینوا تو جروا
الجواب:
اسے ولی نہیں وکیل کہتے ہیں کسی کو اپنا وکیل کردے کہ میری طرف سے ایجاب وقبول کرآؤ،نکاح پڑھانے والا اس سے کہے کہ فلاں بن فلاں بن فلاں کی سب سے بڑی یا سب سے چھوٹی لڑکی(یا جس طرح تعیین ہو)میں نے تیرے موکل فلاں بن فلاں بن فلاں کے نکاح میں اتنے مہر پردی،وکیل کہے کہ میں نے اپنے موکل مذکور کی طرف سے اس کے لئے قبول کی،یاوکیل خود عورت یا اس کے وکیل یا نابالغہ ہے تو اس کے وکیل سے کہے کہ میں نے تجھے یا فلانہ بنت فلاں بن فلاں کو تیری موکلہ ہے یا جس کا تو ولی ہے اپنے موکل فلاں بن فلاں بن فلاں کے نکاح میں لیا عورت یا اس کا وکیل یا ولی کہے میں نے قبول کیا نکاح ہوجائے گا۔والله تعالٰی اعلم۔
مسئلہ ٤٢٣: از تلہر ضلع شاہجہان پور محلہ عمر پور مسئولہ شیخ سلامت الله صاحب پارچہ فروش ٢٠ رمضان ١٣٣٩ھ
کیا فرماتے ہیں علمائے دین کہ کتنی عمر میں لڑکی کا نکاح جائز اور کتنی عمر کا ہو تو ناجائز یعنی لڑکا سن بلوغ بحکم شرع کتنی عمر میں ہوتاہے،کتنی عمر مدت سال کی ہوتو نکاح جائز ہوتا ہے جب کہ اس کا کوئی حقیقی شخص وکیل مطلق نہ ہو،بینوا تو جروا
الجواب:
جب آثار بلوغ ظاہر ہوں لڑکے کو احتلام لڑکی کو حیض،اس وقت سن بلوغ ہوتاہے،اوراگر آثار نہ ہوں تو پندرہ برس پوری عمر ہونے پر حکم دیا جائے گا،اگر لڑکی نو برس کامل یا لڑکا بارہ برس کامل کاہوچکاہے اور وہ دعوی بلوغ کریں اوران کی ظاہری حالت اس دعوے کی تکذیب نہ کرتی ہو تو ان کا قول مان لیا جائے گا جب تك ان صورتوں میں سے کسی صورت پر بلوغ ثابت نہ ہو وہ بغیر اذن ولی کے اپنا نکاح نہیں کرسکتے،والله تعالٰی اعلم۔
مسئلہ ٤٢٤: از لصرات پر گنہ پڑادہ ریاست علاقہ ٹونك محلہ سلطانپورہ مسئولہ ابراہیم صاحب ٢٨ رمضان ١٣٣٩ھ
کیا فرماتے ہیں علمائے دین اس مسئلہ میں کہ ایك شخص اپنی بیوی سے ١٤سال سے علیحدہ رہتا ہو عورت حاملہ تین ماہ کی ہواسی حمل سے لڑکی پیدا ہوئی اور لڑکی نے چودہ سال تك اپنی ماں کے پاس پرورش پائی باپ نے کسی قسم کی امدا د نہیں دی نہ کبھی لڑکی کو بلواکر دیکھا،ایسی صورت میں جوان لڑکی ١٤ سال کی بالغ ہوگئی ہے لڑکی نے اپنی خوشی اور اس کی والدہ نے اپنی اجازت سے لڑکی کا نکاح کردیا باپ موجود نہ تھانکاح بھی ہم قوم سے ہوا یعنی غیر قبیلہ میں نہیں ہوا،یہ نکاح جائز رہا یا نہیں۔بینوا تو جروا
کتاب کا موضوع
کتاب کا موضوع
- اجمالی فہرست
- رموز
- پیش لفظ
- گیارہویں جلد
- فہرست مضامین
- کتابُ النّکاح
- (نکاح کا بیان)
- رسالہ
- عُبَابُ الْاَنْوَارِاَنْلَّانِکَاحَ بِمُجَرِّدِ الْاِقْرَارِ ١٣٠٧ھ
- (محض اقرار کی بنیاد پر نکاح نہ ہونے کے بیان میں انوار کی موج)
- رسالہ
- ماحی الضلالۃفی انکحۃ الھند وبنجالہ١٣١٧ھ
- (بنگال اور ہندوستان میں نکاحوں کے بارے میں کوتاہی کو مٹانے والا)
- (محرمات کا بیان)
- باب المحرمات
- ھبۃُ النساء فی تحققالمصاھرۃ بالزنا١٣١٥ھ
- (زنا سے حرمت مصاہرہ کے ثبوت میں تحقیق جلیل)
- ازالۃ العاربحجر الکرائم عن کلاب النار١٣١٦ھ
- (معز زخواتین کو جہنم کے کتّوں کے نکاح میں نہ دیتے ہوئے انھیں رسوائی سےبچانا)
- رسالہ
- الجلی الحسن فی حرمۃ ولداخی اللّبن١٣٣٠ھ
- (اولاد رضیع اور اولاد مرضعہ کے درمیان حرمت نکاح کا عمدہ اور روشن بیان)
- باب الولی
- (ولی کا بیان)
- تجویز الردعن تزویج الابعد١٣١٥ھ
- (ولی اقرب کی غیبت میں ولی ابعد کے نکاح پڑھانے کا حکم)
- باب الکفائۃفی النکاح
- (نکاح کے سلسلہ میں کفو کا بیان)
