30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 11 | فتاوی رضویہ جلد ۱۱
اس نے عمرو سے نکاح کیا عمرو سے ہندہ کے لڑکی پیداہوئی تویہ لڑکی زید پر حرام ہے یا نہیں؟ ماں سے محض نکاح بیٹی کو حرام کرتا ہے یا نہیں،یونہی بیٹی سے نکاح ماں کو؟ دونوں میں وطی شرط حرمت ہے یا نہیں؟ اور وطی کے لیے کیا بلوغ مدخولہ شرط ہے؟ بینوا تو جروا
الجواب:
شریعت مطہرہ کا حکم یہ ہے کہ بیٹی سے مجرد نکاح ماں کو حرام ابدی کرتا ہے وطی کی شرط نہیں،قال تعالٰی: وَاُمَّہٰتُ نِسَآئِکُمْ[1](تمھاری بیویوں کی مائیں۔ت) اور وطی ہو تو بدرجہ اولٰی نکاحًا ہوتو بالاجماع اوربلانکاح ہو تو ہمارے نزدیك اور ماں سے مجر د نکاح بیٹی کو حرام نہیں کرتا جب تك وطی نہ ہو،قال تعالٰی:
|
وَرَبٰٓئِبُکُمُ الّٰتِیۡ فِیۡ حُجُوۡرِکُمۡ مِّنۡ نِّسَآئِکُمُ الّٰتِیۡ دَخَلْتُمۡ بِہِنَّ ۫ فَاِنۡ لَّمْ تَکُوۡنُوۡا دَخَلْتُمۡ بِہِنَّ فَلَا جُنَاحَ عَلَیۡکُمْ ۫[2] |
تمھاری مدخولہ بیویوں کی وہ بیٹیاں جو تمھاری پرورش میں ہیں،ا ور اگر تم نے بیویوں سے دخول نہ کیا تو تم پر ممانعت نہیں۔(ت) |
ہاں اگر وطی ہو تو تحریم لائے گی اسی تفصیل پر کہ نکاح میں بالاجماع اور بلا نکاح ہمارے نزدیك تو وہ صغیرہ نابالغہ جس سے زید نے صحبت کی پھر طلاق دے دی اور اس نے دوسرے سے نکاح کیا اور اس سے اس عورت کے بیٹی پیدا ہوئی یہ بیٹی قطعا شوہر اول پر حرام ہے کہ جب صحبت کی"دخلتم بھن"صادق آگیا بلوغ کی شرط نہیں۔ہاں اگر صغیرہ چارپانچ برس کی ہو جہاں ایلاج حشفہ ممکن نہ ہو تو البتہ حرمت نہ ہوگی کہ صحبت نہ ہوگی اور مدخولہ کی ماں مطلقا حرام ہے خواہ مدخولہ بالحلال ہویا بالحرام،اور زوجہ کی والدہ ابدًا اپنی ماں کی طرح ہے زوجہ کے مرنے یا طلاق ہوکر عدت گزرنے کے بعد بھی کسی طرح حلال نہیں ہوسکتی،والله تعالٰی اعلم۔
مسئلہ ٢٦٦: از موضع سندھولی ضلع بریلی مسئولہ غفور صاحب ٢٧ شعبان ١٣٣٨ھ
کیا فرماتے ہیں علمائے دین ومفتیان شرع متین اس مسئلہ میں کہ علاوہ چچی وپھوپھی وممانی ودادی ونانی و والدہ وغیر ہ کے رشتہ داروں میں کسی عورت سے نکاح جائز ہے؟ بینوا تو جروا
الجواب:
چچی اور ممانی سے بھی نکاح جائز ہے،نسبی رشتوں میں چار قسم کی عورتیں حرام ہیں،
ایك وہ کہ یہ جن کی اولاد سے ہے جیسے ماں،دادی،نانی کتنے ہی اوپر کی ہوں۔
دوسری وہ جو اس کی اولاد ہیں،جیسے بیٹی،پوتی،نواسی کتنے ہی نیچے کی ہوں۔
تیسری وہ جو اس کے ماں یاباپ کی اولاد خواہ اولاد در اولاد جیسے بہن،بھانجی،بھتیجی اور ان کی
کتاب کا موضوع
کتاب کا موضوع
- اجمالی فہرست
- رموز
- پیش لفظ
- گیارہویں جلد
- فہرست مضامین
- کتابُ النّکاح
- (نکاح کا بیان)
- رسالہ
- عُبَابُ الْاَنْوَارِاَنْلَّانِکَاحَ بِمُجَرِّدِ الْاِقْرَارِ ١٣٠٧ھ
- (محض اقرار کی بنیاد پر نکاح نہ ہونے کے بیان میں انوار کی موج)
- رسالہ
- ماحی الضلالۃفی انکحۃ الھند وبنجالہ١٣١٧ھ
- (بنگال اور ہندوستان میں نکاحوں کے بارے میں کوتاہی کو مٹانے والا)
- (محرمات کا بیان)
- باب المحرمات
- ھبۃُ النساء فی تحققالمصاھرۃ بالزنا١٣١٥ھ
- (زنا سے حرمت مصاہرہ کے ثبوت میں تحقیق جلیل)
- ازالۃ العاربحجر الکرائم عن کلاب النار١٣١٦ھ
- (معز زخواتین کو جہنم کے کتّوں کے نکاح میں نہ دیتے ہوئے انھیں رسوائی سےبچانا)
- رسالہ
- الجلی الحسن فی حرمۃ ولداخی اللّبن١٣٣٠ھ
- (اولاد رضیع اور اولاد مرضعہ کے درمیان حرمت نکاح کا عمدہ اور روشن بیان)
- باب الولی
- (ولی کا بیان)
- تجویز الردعن تزویج الابعد١٣١٥ھ
- (ولی اقرب کی غیبت میں ولی ابعد کے نکاح پڑھانے کا حکم)
- باب الکفائۃفی النکاح
- (نکاح کے سلسلہ میں کفو کا بیان)
