30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 11 | فتاوی رضویہ جلد ۱۱
مسئلہ ٦٣: از دہلی پہاڑ گنج مسجد غریب شاہ مسئولہ سید عبدالکریم صاحب قادری رضوی ٩ شوال ١٣٣٩ھ
بخدمت جناب قبلہ حضرت مولانا مولوی احمدرضاخاں صاحب نائب رسول صلی الله تعالٰی علیہ وسلم دامت برکاتہ کیا فرماتے ہیں علمائے دین اس مسئلہ میں کہ ایك شریف زادہ نے ایك عورت کو جو قوم کی چماری تھی مسلمان باقاعدہ کیاا ور اس سے نکاح کیاا ور اپنے مکان میں لے گیا،جب اہل برادری کو معلوم ہوا کہ اس نے خاندان قادریہ اور سادات کے بٹالگادیا کہ چماری کو مسلمان کرکے نکاح پڑھ لیا اور پردہ میں بٹھالیا،وہ عورت د و سال سے بیوہ تھی تمام اہل برادری اور تمام مسلمانوں اور ہندؤوں نے اس عورت کو بے پردہ کیا اور بے عزتی کی اور غیر محرموں نے مارپیٹ بھی کی اوراسے تھانہ میں پہنچادیا،اب سوال یہ کہ اس عورت نومسلمہ کے ساتھ ایسا کرنے کی الله و رسول جل وتعالٰی وصلی الله تعالٰی علیہ وسلم اجازت دیتے ہیں یا نہیں؟ اور جو لوگ ا س میں شریك ہوئے وہ کس گناہ کے مرتکب ہیں یا جس نے مسلمان کرکے اسے اپنے نکاح میں لایا وہ گنہگارہے اوراس سے ترك موالات کرنا برادری سے خارج کرنا اس کاحقہ پانی بند کرنا شرعا جائز ہے یانہیں؟ اور وہ عورت کفو میں کب آسکتی ہے؟ بینوا توجروا
الجواب:
مسلمان کرنا باعث اجر عظیم ہے اور اس سے نکاح کرنا پردہ میں بٹھانا بھی کارخیر ہے اور ا س بنا پر اسے برادری سے خارج کرنا ظلم ہے،ا ور اس مسلمہ عورت کے ساتھ جو زیادتی اور مار پیٹ اور بے پردگی کی گئی سب حرام اور سخت حرام اور ظلم شدید تھا،ایساکرنے والے حق العبد میں گرفتار ہیں اورالله و رسول ان سے ناراض ہیں جل وعلاوصلی الله تعالٰی علیہ وسلم۔ بالغ مرد کے لیے کفاءت کچھ شرط نہیں واﷲ تعالٰی اعلم۔
مسئلہ ٦٤: از رامہ تحصیل گوجر خاں ضلع راوالپنڈی ڈاکخانہ جاتلی مسئولہ محمد جی ٢٧ شوال ١٣٣٩ھ
کیا فرماتے ہیں علمائے دین اس مسئلہ میں کہ مدعی کے تین شاہد شہادت دیتے ہیں کہ والد دختر نابالغہ نے سفرسے ایك خط اپنے بھائی کو لکھا کہ میری دختر نابالغہ فرحان بی بی کاناتا یا نکاح جس جگہ تمھاری مرضی ہو کردو،ہم لوگ اس کاغذ کے سامعین ہیں،بعدہ اس وکیل والد کے ایك لڑکے نابالغ مسمّٰی کہٹرکہ جس کا کوئی عصبہ زندہ نہیں ہے کنایہ نکاح کے طور پر کردیا تھا اور لڑکے معلوم کی طرف سے اس کے ماموں نے اس کے لیے قبول کرلیا ہے اورہم نے یہ نکاح ہی سمجھا ہے،یہ تقریر شاہدین مدعی کی بتمامہ ہے،اب والد دختر معلومہ کا سفر سے بالکل منکر ہے اور گواہ اس کے بھی منکر ہیں،تقریر بالا سے،یا کہتے ہیں کہ ناتا ہوا ہے نہ نکاح حالانکہ وکیل فوت ہوگیا اور کاغذ بھی گم ہوگیا ہے۔ قیمت کاغذ دی جائے گی،بینوا توجروا۔
کتاب کا موضوع
کتاب کا موضوع
- اجمالی فہرست
- رموز
- پیش لفظ
- گیارہویں جلد
- فہرست مضامین
- کتابُ النّکاح
- (نکاح کا بیان)
- رسالہ
- عُبَابُ الْاَنْوَارِاَنْلَّانِکَاحَ بِمُجَرِّدِ الْاِقْرَارِ ١٣٠٧ھ
- (محض اقرار کی بنیاد پر نکاح نہ ہونے کے بیان میں انوار کی موج)
- رسالہ
- ماحی الضلالۃفی انکحۃ الھند وبنجالہ١٣١٧ھ
- (بنگال اور ہندوستان میں نکاحوں کے بارے میں کوتاہی کو مٹانے والا)
- (محرمات کا بیان)
- باب المحرمات
- ھبۃُ النساء فی تحققالمصاھرۃ بالزنا١٣١٥ھ
- (زنا سے حرمت مصاہرہ کے ثبوت میں تحقیق جلیل)
- ازالۃ العاربحجر الکرائم عن کلاب النار١٣١٦ھ
- (معز زخواتین کو جہنم کے کتّوں کے نکاح میں نہ دیتے ہوئے انھیں رسوائی سےبچانا)
- رسالہ
- الجلی الحسن فی حرمۃ ولداخی اللّبن١٣٣٠ھ
- (اولاد رضیع اور اولاد مرضعہ کے درمیان حرمت نکاح کا عمدہ اور روشن بیان)
- باب الولی
- (ولی کا بیان)
- تجویز الردعن تزویج الابعد١٣١٥ھ
- (ولی اقرب کی غیبت میں ولی ابعد کے نکاح پڑھانے کا حکم)
- باب الکفائۃفی النکاح
- (نکاح کے سلسلہ میں کفو کا بیان)
