فتاویہ رضویہ جلد ۱۰

کتاب میں نتائج:

کہتے ہوئے در کعبہ تك بڑھو ،جب حجر مبارك کے سامنے سے گزر جاؤ سیدھے ہو لو خانہ کعبہ کو اپنے بائیں ہاتھ پر لے کر یوں چلو کہ کسی کو ایذا نہ دو ۔

(۶) مرد رمل کرتا چلے یعنی جلد جلد چھوٹے قدم رکھتا شانے ہلاتا جیسے قوی و بہادر لوگ چلتے ہیں ،نہ کودتا نہ دوڑتا ،جہاں زیادہ ہجوم ہو جائے اور رمل میں اپنی یا غیر کی اٰیذا ہو اتنی دیر رمل ترك کرو ۔

(۷) طواف میں جس قدر خانہ کعبہ سے نزدیك ہو بہتر ہے ،مگر نہ اتنے کہ پشتہ دیوار پر جسم یا کپڑا لگے اور نزدیکی میں کثرت ہجوم کے سبب رمل نہ ہو سکے تو دوری بہتر ہے۔

(۸) جب ملتزم ،پھر رکن عراقی، پھر میزاب الرحمۃ ،پھر رکن شامی کے سامنے آؤ تو یہ سب دعا کے مواقع ہیں ان کے لیے خاص خاص دعائیں کہ جو جواہر البیان شریف میں مذکور ہیں سب کا یاد کرنا دشوار ہے اس سے وہ اختیار کرو جو محمد رسول اﷲ صلی اﷲ تعالی علیہ وسلم کے سچے وعدے سے تمام دعاؤں سے بہتر وافضل ہیں یعنی یہاں اور تمام مواقع میں اپنے لیے دعا کے بدلے اپنے حبییب صلی اﷲ تعالی علیہ وسلم پر درود بھیجو ،رسول اﷲ صلی اﷲ تعالٰی علیہ وسلم فرماتے ہیں :

اذا یکفی ھمك ویغفر لك ذنبك ^{^[1]}۔ ایسا کرے گا تو اﷲ تعالی تمھارے سب کام بنا دے گا اور تیرے گناہ معاف فرما دے گا ۔

(۹)طواف میں دعا ودرود کے لیے رکو نہیں بلکہ چلتے میں پڑھو ۔

(۱۰) دعا ودرود چلا چلا کر نہ پڑھو جس طرح مطوف پڑھاتے ہیں بلکہ آہستہ اس قدر کہ اپنے کان تك آواز آئے ۔

(۱۱) جب رکن یمانی کے پاس آؤ تو اسے دونوں ہاتھ یا دہنے ہاتھ سے تبرکا چھوؤ ،نہ صرف بائیں ہاتھ سے ،اور چاہو تو اسے بوسہ بھی دو ،اور نہ ہو سکے تو لکڑی سے چھونا یا اشارہ کر کے ہاتھ چومنا نہیں ۔

(۱۲) جب اس سے بڑھو تو یہ مستجاب جہاں ستر ہزار فرشتے دعا پر آمین کہیں گے وہی دعائے جامع پڑھئے یا اپنے اور سب احباب ومسلمین اور ا س حقیر و ذلیل کی نیت سے صرف درود شریف کافی ہے ۔

(۱۳) اب جو دوبارہ حجر تك آئے یہ ایك پھیرا ہوا ،یونہی سات پھیرے کرو ،مگر باقی پھیروں میں وہ نیت کرنانہیں کہ نیت تو ابتداء میں ہو چکی ، اور رمل صرف اگلے تین پھیروں میں ہے ،اور باقی چار میں آہستہ بے جنبش شانہ معمولی چال سے چلو۔

[1] الترغیب والترھیب الترغیب فی اکثار الصلوۃ علی النبی صلی اﷲ تعالی علیہ وسلم مصطفٰی البابی مصر ۲/۱۰۵

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: