فتاویہ رضویہ جلد ۱۰

کتاب میں نتائج:

حاشا ہر گز اردو عبارت جان کر اپنی فہم پر قناعت نہ کرے کہ نازك یا غور طلب بات جو آدمی کی اپنی استعداد سے ورا ہو کسی زبان میں کیسی ہی واضح ادا کی جائے پھر نازك ہے بلکہ واجب کہ کسی عالم کامل سے ان مسائل کو پڑھ لے تاکہ بحول اﷲتعالٰی اس باب میں خود عالم کامل ہوجائے۔

واستغفر اﷲالعظیم الاعظم مما جری علی لسان القلم وصلی اﷲتعالی علیہ سیّدنا و مولانا محمد ن النبی الاکرم و صحبہ وبارك وسلم واﷲ سبحانہ وتعالٰی اعلم و علمہ جل مجدہ اتم واحکم۔

قلم سے جو لکھا گیا اس پر عظیم واعظم اﷲتعالٰی سے معافی طلب کرتاہُوں۔ اﷲتعالٰی کی رحمتیں نازل ہوں ہمارے آقا ومولیٰ حضرت محمد نبی اکرم پر اورآپ آل و اصحاب پر'برکتیں اور سلام بھی۔ اﷲ سبحانہٗ وتعالٰی خوب جانتا ہے، اور اسی کا علم کامل اتم اور مستحکم ہے۔ (ت)

مسئلہ سابعہ: صحیح تعدادِ زکوٰۃ نہ معلوم ہونے کی وجہ سے جوہر سال مقدار واجب سے کم زکوٰۃ میں دیا گیا ہے وہ محسوب زکوٰۃ ہُوا یا نہیں؟بیّنواتو جروا۔

الجواب:

بیشك محسوب ہُوا کہ ادائے زکوٰۃ کی نیت ضرور ہے مقدار واجب کا صحیح معلوم ہونا شرائطِ صحت سے نہیں، غایت یہ کہ ایك جزءِ واجب کے ادا میں تاخیر ہوئی اس سے مذہب ِ راجح پر گناہ سہی زکوٰۃ مؤدٰی کی نفی صحت تو نہیں والامر بین غنی عن التبیین (معاملہ واضح ہے مزید وضاحت کا محتاج نہیں۔ت) پس ہر سال جتنا زکوٰۃ میں دیا وہ قطعًاادا ہُوا اور جو باقی رہتا گیا وہ اس پر دین ہوا حتی کہ اگر کسی نصاب سے معارض ہوجائے گا تو اُسی قدر مقدار واجب گھٹ جائے گی ۔ تشریح اس کی یہ ہے کہ دین عبد(یعنی بندوں میں جس کا کوئی مطالبہ کرنے والا ہو ا اگر چہ دین حقیقۃً اﷲ عزوجل کا ہوِ جیسے دین زکٰوۃ جس کا مطالبہ بادشاہ اسلام اعزاﷲ نصرہ کو ہے ) انسان کے حوائج اصلیہ سے ہے ایسا دین جس قدر ہوگا اتنا مال مشغول بحالتِ اصلیہ قرار دے کر کالعدم ٹھہرے گا اور باقی پر زکوٰۃ واجب ہوگی اگربقدر نصاب ہو، مثلًاہزار روپے پر حولانِ حول ہواور اس پرپانسو قرض ہیں توپانسو پر زکوٰۃ آئے گی اور ساڑھے نوسودین ہے تو اصلًانہیں کہ باقی قدر نصاب سے کم ہے ۔ درمختار میں ہے:

لازکوٰۃ علی مدیون للعبد بقدردینہ فیزکی الزائد ان بلغ نصابا۔ ^{^[1]}

بندہ کے قرضدار پر قرض کی مقدار پر زکوٰۃ نہیں ، ہاں اگر قرض سے زائد نصاب کو پہنچ جائے تو پھر اس کی زکوٰۃ ادا کرے۔(ت)

[1] درمختار کتاب الزکوٰۃ مطبع مجتبائی دہلی ١/١٢٩

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: