تنبیہ مہم ^فــــ یہ کہ ہم نے سلسلہ کلام میں اوپر ذکر کیا کہ غیر تلاوت میں اپنی طرف سے سید نا آدم علیہ الصلوٰۃ والسلام کی طرف نافرمانی وگناہ کی نسبت حرام ہے۔ ائمہ دین نے اس کی تصریح فرمائی بلکہ ایك جماعت علمائے کرام نے اسے کفر بتایا ، مولیٰ کو شایان ہے کہ اپنے محبوب بندوں کو جس عبارت سے تعبیر فرمائے فرمائے دوسرا کہے تو اس کی زبان گُدّی کے پیچھے سے کھینچی جائے لله المثل الا علی بلا تشبیہ یوں خیال کرو کہ زید نے اپنے بیٹے عمرو کو اس کی کسی لغزش یا بھول پر متنبہ کرنے ادب دینے جزم وعزم واحتیاط اتم سکھانے کیلئے مثلًا بیہودہ نالائق احمق وغیرہا الفاظ سے تعبیر کیا باپ کو اس کا اختیار تھا اب کیا عمرو کا بیٹا بکر یا غلام خالد انہیں الفاظ کو سند بنا کر اپنے باپ اور آقا عمرو کو یہ الفاظ کہہ سکتا ہے ، حاشا اگر کہے گا سخت گستاخ ومردود و ناسزا ومستحق عذاب وتعزیر وسزا ہوگا ، جب یہاں یہ حالت ہے تو الله عزوجل کی ریس کرکے انبیاء علیہم الصلاۃ والسلام کی شان میں ایسے لفظ کا بکنے والا کیونکر سخت شدید ومدید عذابِ جہنم وغضب الٰہی کا مستحق نہ ہوگا والعیاذ بالله تعالیٰ۔

فــــ : فائدہ ضروریہ : تلاوت قرآن یا قراء ت حدیث کے سوا اپنی طرف سے آدم علیہ الصلوۃ والسلام خواہ کسی نبی کو معصیت کی طرف منسوب کرنا سخت حرام ہے ۔

اور آدم و حوا اپنے جسم پر جنت کے پتے چپکانے لگے ۔ ت ) کی تفسیر میں فرماتے ہیں :

قـال القاضی ابو بکر بن العربی رحمہ الله تعالیٰ لایجوز لاحدمنا الیوم ان یخبر بذلك عن اٰدم علیہ الصّلاۃ والسّلام الا اذا ذکرناہ فی اثنأ قولہ تعالی عنہ اوقول نبیہ صلی الله تعالی علیہ وسلم فاما ان نبتدئ ذالك من قبل انفسنا فلیس بجائزلنا فی ابائھا الاَدَنین الینا المما ثلین لنا فکیف بابین الاقدم الاعظم الاکبر النبی المقدم صلی الله تعالی علیہ وسلم وعلی جمیع الانبیاء والمرسلین^[2]۔                         

قاضی ابو بکرابن العربی رَحْمَۃُ اللہِ تَعَالٰی عَلَیْہِفرماتے ہیں کہ : آج ہم میں سے کسی کے لئے حضرت آدم علیہ الصلوٰۃ والسلام سے متعلق یہ کہنا جائز نہیں مگر صرف اس صورت میں کہ اسے باری تعالٰی کے کلام یا اس کے نبی کے کلام کے اثناء میں ذکر کریں ۔ اسے ابتداءً اپنی طرف سے بتانا توہمارے لئے اپنے ان قریبی آباء کے حق میں بھی جائز نہیں جو ہماری ہی طرح ہیں پھر ان کے حق میں کیوں کر روا ہوگا جوہمارے سب سے پہلے باپ ہیں جو بڑی عظمت وبزرگی والے اور سب سے پہلے نبی بھی ہیں ، ان پر اور تمام انبیاء ومرسلین پر خدائے بر تر کا درودو سلام ہو۔ (ت)

امام ابو عبدالله محمد بن عبدری ابن الحاج مدخل میں فرماتے ہیں :

قد قال علما ؤ نا رحمہم الله تعالٰی ان من قال عن نبی من الانبیاء علیھم الصّلاۃ والسلام فی غیر التلاوۃ والحدیث انہ عصٰی اوخالف فقد کفر نعوذ بالله من ذلك^[3]۔

ہمارے علماء رَحِمَہُمُ اللہُ تَعَالٰیفرماتے ہیں کہ جوشخص انبیاء علیہم الصلوٰۃ والسلام میں سے کسی نبی کے بھی بارے میں غیر تلاوت وحدیث میں یہ کہے کہ انہوں نے نا فرمانی یا خلاف ورزی کی تووہ کافرہے ، اس سے ہم خدا کی پناہ مانگتے ہیں ۔ (ت)

ایسے امور میں سخت احتیاط فرض ہے الله تعالی اپنے محبوبوں کا حسن ادب عطا فرمائے ۔ آمین  

وصلی الله تعالی علی سیدنا محمد واٰلہ وصحبہ اجمعین وبارك وسلم والله سبحنہ وتعالی اعلم

_____________________

مآخذومراجع

نام کتاب                                                 مصنف                                     سن وفات ہجری

ا

۱۔              الاجزاء فی الحدیث                                              عبدالرحمن بن عمربن محمد البغدادی المعروف بالنحاس                   ۴۱۶
۲۔             الاجناس فی الفروع                                             ابوالعباس احمد بن محمد الناطفی الحنفی                                         ۴۴۶
۳۔             الاختیارشرح المختار                                         عبداللہ بن محمود (بن مودود) الحنفی                                        ۶۸۳
۴۔             الادب المفرد للبخاری                                        محمد بن اسمٰعیل البخاری                                                      ۲۵۶
۵۔             ارشاد الساری شرح البخاری                                 شہاب الدین احمد بن محمد القسطلانی                                          ۹۲۳
۶۔             ارشاد العقل السلیم                                           ابوسعود محمد بن محمد العمادی                                                                 ۹۵۱
۷۔            الارکان الاربع                                                مولانا عبدالعلی بحرالعلوم                                                    ۱۲۲۵
۸۔             الاشباہ والنظائر                                                شیخ زین الدین بن ابراہیم بابن نجیم                                        ۹۷۰
۹۔             اشعۃ اللمعات شرح المشکوٰۃ                   شیخ عبدالحق المحدث الدہلوی                                               ۱۰۵۲
۱۰۔            اصول البزدوی                                             علی بن محمد البزدوی                                                          ۴۸۲
۱۱۔            الاصلاح والایضاح للوقایۃ فی الفروع                            احمد بن سلیمان بن کمال باشا                                                ۹۴۰
۱۲۔            آکام المرجان فی احکام الجان                                    قاضی بدرالدین محمد بن عبداللہ الشبلی                                    ۷۶۹
۱۳۔           انفع الوسائل الیٰ تحریرالمسائل                                قاضی برہان الدین ابراہیم بن علی الطرسوسی الحنفی                      ۷۵۸
۱۴۔           امداد الفتاح شرح نورالایضاح                 حسن بن عمار الشرنبلالی                                                      ۱۰۶۹
۱۵۔           الانوارلعمل الابرار                                            امام یوسف الاردبیلی الشافعی                                                            ۷۹۹

۱۶۔            امالی فی الحدیث                                                 عبدالملک بن محمد بن محمد بشران                                              ۴۳۲
۱۷۔           الایجاز فی الحدیث                                               احمد بن محمد المعروف بابن السنی                                             ۳۶۴
۱۸۔           القاب الروات                                                    احمدبن عبدالرحمن الشیرازی                                                ۴۰۷
۱۹۔            الاصل (مبسوط)                                               ابوعبداﷲمحمدبن حسن الشیبانی                                               ۱۸۹