تلاوت کے خوشبُودار مدنی پھول

فیضانِ تجوید

کتاب میں نتائج:

{۴} حضرت سَیِّدُناابوہریرہ رَضِیَ اللّٰہُ تَعَالٰی عَنْہُ سے روایت ہے کہ سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہ وَسَلَّمنے فرمایا : ’ ’لَیْسَ مِنَّا مَنْ لَّمْ یَتَغَنَّ بِالْقُرْاٰنِ‘‘جو قرآن مجید کوخوش آوازی سے نہیں پڑھتاوہ ہم میں سے نہیں ہے ۔ ( بخاری، کتاب التوحید، باب قول اللّٰہ : واسروا قولکم او اجھروا بہ ۔ ۔ ۔ الخ، ۴/۵۸۶، حدیث : ۷۵۲۷ )

تلاوت کے خوشبُودار مدنی پھول

٭… امیر ُالمؤمنین حضرت سَیِّدُنا عمرفاروق رَضِیَ اللّٰہُ تَعَالٰی عَنْہ روزانہ صُبح کو قرآن مجید کو چُومتے اور فر ماتے : ’’یہ میرے ربّ کاعہد اور اس کی کتاب ہے ۔ ‘‘

٭… قرآن مجید پڑھنے سے پہلے مسواک کر لیجئے کیونکہ مسواک حُروف کی صاف ادائیگی میں اور منہ کی پاکیزگی میں بہت مفیدہے ۔

٭… تلاوت کے آغازمیں تعَوُّذ پڑھنامستحب ہے اور ابتدائے سورت میں بسم اللّٰہ سُنّت، ورنہ مستحب ۔

٭… باوُضو، قبلہ رُو، اچھّے کپڑے پہن کر (خُوشبُو لگاکر) تلاوت کرنا مستحب ہے ۔ حضرت امام شافعی رحمۃُ اللّٰہ تعالٰی علیہ فرماتے ہیں : عمدہ خوشبو لگانے سے عَقْل بڑھتی ہے ۔

٭… قرآن مجید دیکھ کرپڑھنا زبانی پڑھنے سے افضل ہے کہ یہ پڑھنا بھی ہے اور دیکھنا اور ہاتھ سے چھونا بھی اور یہ سب کام عبادت ہیں ۔

٭… قرآن مجید کو نہایت اچھّی آواز سے پڑھنا چاہیے اگر اچھّی آواز نہ ہو تو اچھّی آواز بنانے کی کو شش کرے ۔ مگر لحن کے ساتھ پڑھنا کہ حُرُوف میں کمی بیشی ہو جائے جیسے گانے والے کیا کرتے ہیں یہ ناجائز ہے بلکہ پڑھنے میں قواعدِ تجوید کی رعایت کیجئے ۔

٭… قرآن مجید بلند آواز سے پڑھنا افضل ہے جب کہ کسی نمازی یا مریض یا سوتے کو ایذا نہ پہنچے ۔

٭… غسل خانے اور نجاست کی جگہوں میں قرآن مجید پڑھنا ناجائزہے ۔

٭… تلاوت کرتے وقت اگرکو ئی معظم دینی شخص مثلاًبادشاہِ اسلام یا عالم ِدین یا پیر یا استاد یا باپ آجائے تو تلاوت کرنے والا اس کی تعظیم کے لئے کھڑا ہو سکتا ہے ۔

٭… قرآن مجیدکو جزدان وغلاف میں رکھنا ادب ہے صحابہ وتابعین رَضِیَ اللّٰہُ تَعَالٰی عَنْہم کے زمانے سے اس پر مسلمانوں کا عمل ہے ۔

٭… قرآن کریم ختم ہونے پر دعا مانگنی چاہئے کہ اس وقت دعاقبول ہو تی ہے ۔

٭… جب قرآن پاک ختم ہو تو تین بارسورۂ اخلاص پڑھنا بہتر ہے اگرچہ تراویح میں ہو ا لبتّہ اگر فرض نماز میں ختم کر ے تو ایک بار سے زیاد ہ نہ پڑھے ۔ (تلاوت کی فضیلت ، ص۱۶)

ختمِ قرآن کا طریقہ یہ ہے کہ سورۃُالناس پڑھنے کے بعد سورۂ فاتحہ اورسورۂ بقرہ سے ’’ اُولٰٓىٕكَ هُمُ الْمُفْلِحُوْنَ ‘‘ تک پڑھے اور اس کے بعد دُعا مانگے کہ یہ سُنّت ہے ۔ چُنانچہ حضرت سَیِّدُنا اُبی بن کعب رَضِیَ اللّٰہُ تَعَالٰی عَنْہسے روایت ہے نبیٔ کریم ، رؤ فٌ رَّ حیمصَلَّی اللّٰہُ تَعَالٰی عَلَیْہِ وَاٰلِہ وَسَلَّم جب ’’ قُلْ اَعُوْذُ بِرَبِّ النَّاسِ‘‘ پڑھتے تو سور ۂ فاتحہ شروع فرماتے پھر سورۂ بقرہ سے ’’ اُولٰٓىٕكَ هُمُ الْمُفْلِحُوْنَ ‘‘ تک پڑھتے پھر ختمِ قرآن کی دُعاپڑھ کر کھڑے ہوتے ۔ (تلاوت کی فضیلت ، ص۱۶)

مدنی مشورہ

٭… روزانہ قرآن پاک کی کم از کم ۳آیات کی تلاوت (مع ترجمہ وتفسیر ) کے مدنی انعام پر عمل کیجئے اِنْ شَآءَاللہ عَزَّ وَجَلَّ اس کی برکتیں آ پ خود ہی دیکھ لیں گے ۔ تلاوت کے مزید احکام جاننے کے لئے رسالہ ’’تلاوت کی فضیلت‘‘کا مطالعہ کیجئے !

’’کنز الایمان ‘‘ اے خُدا میں کاش ! روزانہ پڑھوں

پڑھ کے تفسیر اِس کی پھر اُس پر عمل کرتا رہوں

سوالات سبق نمبر ۴

{1}… خوش آوازی کے ساتھ قرآن پڑھنے کا حکم بیان کیجئے ؟

{2}…خوش آوازی کے ساتھ قرآن پڑھنا کب مکروہ اورکب حرام ہے ؟ تفصیل کے ساتھ بیان کیجئے ۔

{ 3}…خوش آوازی کی اہمیت پر کوئی ایک حدیث شریف مع ترجمہ بیان کیجئے ؟

{4}… آدابِ تلاوت سے متعلق کوئی تین مدنی پھول بیان کیجئے ؟

{ 5}… ختمِ قرآن کا مسنون طریقہ بیان کیجئے ؟

سبق نمبر ۵ :

اصطلاحاتِ ضروریہ

1 … اِستعاذ ہ : اَعُوْذُ بِاللّٰہِ مِنَ الشَّیْطٰنِِ الرَّجِیْمپڑھنا

2 … بَسملہ : بِسْمِ اللّٰہِ الرَّحْمٰنِ الرَّحِیْم پڑھنا