78      …  ابتداء : جس کلمے پر وقف کیا اس سے آگے پڑھنا

79      … اعادہ : جس کلمے پر وقف کیا، رَبطِ کلام کے لئے اس سے یا اس سے

                 پہلے والے کلمے سے پڑھنا

80      … وقف بِالْاسْکان : جس کلمے کے آخری حرف پر وقف کیااس کو ساکن

                کر دینا ۔ یہ وقف تینوں حرکتوں میں ہوتا ہے ۔

81      …  وقف بِالرّوْم : جس کلمے کے آخری حرف پر وقف کیا اس حرف کی      حرکت کا تہائی حِصّہ پڑھنا ۔ یہ زیر -ِ اور پیش -ُ میں ہوتاہے ۔

82      … وقف بالاشمام : جس کلمے کے آخری حرف پر وقف کیااس کو ساکن      کرکے ہونٹوں سے پیش کی طرف اشارہ کرنا ۔ یہ صرف پیش (  ُ)      میں ہوتاہے ۔

83      …  حُرُوفِ قَمَرِیہ : جن حُرُوف سے پہلے لامِ تعریف پڑھاجائے جیسے        اَلْمَدِیْنَہ ، اَلْکِتاَبُ وغیرہ (یہ چودہ حُرُوف ہیں جن کا مجموعہ ہے   اَبْغِ     حَجَّکَ وَخَفْ عَقِیْمَہْ)

84      …  حُرُوفِ شمسیہ :  جن حُرُوف سے پہلے لامِ تعریف نہ پڑھاجائے      جیسے اَلنَّجْمُ، اَلثَّاقِبُ وغیرہ ( حُرُوفِ شمسیہ بھی چودہ ہیں جو حُرُوفِ قمریہ     کے علاوہ ہیں ۔ نوٹ : لامِ تعریف کے بعد الف نہیں آتااس لئے  حُرُوفِ       قمریہ وشمسیہ میں اسکا شمار نہیں )

85      …  ترتیل : قواعدِ تجوید کے مطابق بہُت ٹھہرٹھہر کر پڑھنا ۔

86      …  حدر : قواعدِ تجوید کے مطابق جلدی جلدی پڑھنا کہ جس سے حُروف      نہ بگڑیں ۔

87      …  تَدْوِیْر : ترتیل و حدر کی درمیانی رفتار سے پڑھنا ۔

88      …  اجراء : قرآن کی تلاوت کرتے وقت تجوید کے قواعد کا الفاظِ قرآنیہ     میں جاری کرنا ۔

89      … قوا عد تجوید : قواعد، قاعدہ کی جمع ہے اسکا لغوی معنی ’’بنیاد‘‘ہے ۔ قواعدِ

                 تجوید سے مراد ’’وہ اصول وضوابط ہیں جن کے ذریعے حروف کو تجوید

                 وقراء ت کے مطابق عربی لب و لہجہ میں پڑھنے کا طریقہ معلوم ہو ۔

90      …  قِراء ت و رِوایت :  مطلقاً قرآن کریم پڑھنے کو ’’ قراء ت ‘‘ کہتے

                 ہیں ۔ اصطلاحِ قُرّاء میں وہ اختلافِ الفاظ(کسی لفظ کو پڑھنے کے

                     مختلف طریقے ) جو ائمہ عشرہ(یعنی دس اماموں ) سے ثابت ہیں اسے ’’ قِراءت ‘‘ کہتے ہیں اور جو اختلاف الفاظ ان کے راویوں ( امام     کی قراء ت کو نقل کرنے والوں ) کی طرف منسوب ہو اسے ’’روایت ‘‘     کہتے ہیں ۔

91      …  طُرُق : طُرُق ’’ طرِیق ‘‘ کی جمع ہے ۔ لغوی معنی’’راستہ ‘‘اور اصطلاحِ  قُرّاء میں رُواۃ(راویوں ) کے بعد مشائخِ قُرّاء میں جو فروعی اختلافات      ہوئے ان کو ’’ طُرُق ‘‘ سے تعبیر کیاجاتاہے ۔ قراء تِ امام عاصم بہ      روایت حفص میں دو طُرُق مشہور ہیں :

               ٭… … طریقِ امام شاطبی                ٭… … طریقِ امام جزری ۔

  بَرِّصغیر پاک وہندمیں روایتِ حفص بَطریقِ شاطِبی پڑھی اور پڑھائی جاتی ہے ۔

92      … ہجّے : حرفوں کو آپس میں جوڑنے اور ملانے کو ’’ ہجّے ‘‘ کہتے ہیں ۔

سبق نمبر ۶ :

لحن کا بیان

لحن کے لغوی معنی : غلطی ، لب ولہجہ

اصطلاحی معنی : اصطلاحِ قُرّاء میں ’’ لحن‘‘ سے مراد’’قرآن کریم کو تجوید کے خلاف پڑھنا‘‘ہے ۔

لحن کی اقسام :

            لحن کی بنیادی طور پر دو اقسام ہیں : (1)لحنِ جلی(2) لحن خفی

(1) لحن ِ جلی کی تعریف و حکم :

            لحنِ جلی بڑی اور ظاہر غلطی کو کہتے ہیں ۔ اعلیٰ حضرت امام احمد رضا خان علیہ رحمۃُالرحمن ’’فتاویٰ بزازیہ ‘‘ کے حوالے سے فرماتے ہیں : اَللَّحْنُ حَرَامٌ بِلَاخِلَافٍ‘‘ (لحن سب کے نزدیک حرام ہے ) ۔ (فتاوی رضویہ ، ۶ /۳۴۳)

لحنِ جلی کی قسمیں

            (1)…ایک حرف کو دوسرے حرف سے بدل دینا ۔ مثلاً ’’وَالتِّیْن‘‘ کو ’’وَالطِّیْن‘‘ پڑھنا ۔ (2)… ساکن کو مُتَحرّک جیسے ’’جَمْعًا‘‘ کو  ’’ جَمَعًا‘‘ اور متحرک کو ساکن’’ کَتَبَ اللّٰہُ‘‘ کو’’کَتْبَ