مُفَسِّر شہیر، حکیم الامت  حضرت علامہ مفتی احمد یار خان نعیمی اشرفی اوجھانوی بدایونی گجراتیعَلَیْہِ رَحْمَۃُ اللہِ الْقَوِیکے  نام و القابات سے  شہرت پائی ۔^([1])  اللہ  عَزَّ  وَجَلَّ  کی اُن پر رحمت  ہو اور اُن کے  صدقے  ہماری بے  حساب  مغفرت ہو

صَلُّو ا عَلَی الْحَبِیب !        صلَّی اللہُ تعالٰی علٰی محمَّد

تاریخ و مقامِ ولادت

حضرت علامہ مفتی احمد یار خان نعیمی عَلَیْہِ رَحْمَۃُ اللہِ الْقَوِی ۴ جمادی الاولیٰ ۱۳۱۴ھ بمطابق یکم مارچ 1894ء کومحلہ کھیڑہ بستی اوجھیانی (ضلع بدایوں ،یوپی ہند )میں صبح ِصادق کی پرنوراور بابرکت ساعت میں پیدا ہوئے ۔^([2])شرفِ ملّت حضرت علامہ عبدالحکیم شرف قادریعَلَیْہِ رَحمَۃُ اللّٰہ ِالْقَوِینے  آپ رَحْمَۃُ اللّٰہ ِتَعَالٰی عَلَیْہکی تاریخِ ولادت شوال ۱۳۲۴ھ/  ۱۹۰۶ء لکھی ہے ۔^([3]) 

والدماجد کے  حالات

آپ رَحْمَۃُ اللہِ تَعَالٰی عَلَیْہ کے  والد ماجد حضرت مولانا محمد یار خان بدایونی عَلَیْہِ رَحمَۃُ اللّٰہ ِالْقَوِیفارسی درسیات پر عبور رکھتے  تھے ،انہوں نے  جامع مسجد اوجھیانی میں ایک مکتب جاری کیا تھاجس میں طلبہ کو تعلیم دیتے  تھے ،غالباًشیخ المشائخ حضرت سیّد علی حسین اشرفی میاں کچھوچھویعَلَیْہِ رَحمَۃُ اللّٰہ ِالْقَوِیسے  بیعت تھے ۔^([4])

          آپ رَحْمَۃُ اللہِ تَعَالٰی عَلَیْہنے  اپنی پوری زندگی عبادت وریاضت اور  دینداری میں بسر کی۔ چنانچہ آپ رَحْمَۃُ اللہِ تَعَالٰی عَلَیْہ نے  گھر میں بھی فارسی کی ابتدائی نصابی تعلیم کا مکتب قائم کیا اور بستی کے  بچوں کو پڑھانا شروع کردیا جس میں مسلمانوں کے  علاوہ غیر مسلموں کے  بچے  بھی پڑھنے  آتے  یوں بستی کی اکثر یت آپرَحْمَۃُ اللہِ تَعَالٰی عَلَیْہ کی شاگرد رَہ چکی تھی ، آپ رَحْمَۃُ اللہِ تَعَالٰی عَلَیْہکی تعلیمات اورحسنِ اَخلاق سے  متأثر ہوکر کئی بچے  اپنے  گھر والوں سے  چھپ کر کلمۂ طیبہ پڑھ لیتے  اور دائرہ ِاسلام میں داخل ہوجاتے ۔  چونکہ آپ رَحْمَۃُ اللہِ تَعَالٰی عَلَیْہ کا ذریعہ معاش مستقل نہ تھا  لہذا مکتب میں تعلیم پانے  والے  بچوں کے  سر پرستوں کی جانب سے   جو کچھ خدمت ہوتی اسی پر خاندان کا گزارا ہوتاتھا۔ والد ماجدرَحْمَۃُ اللہِ تَعَالٰی عَلَیْہکی دوسری بڑی مصروفیت جامع  مسجد اوجھیانی کی خدمت تھی جہاں انہوں نے  امامت ، خطابت اور انتظامی امور سب کچھ اپنے  ذمے  لے  رکھا تھا  مگر پینتالیس سال کا طویل عرصہ گزرنے  کے  باوجود کچھ  پائی پیسہ نہ لیا یہاں تک کہ اگر کوئی شخص آپ رَحْمَۃُ اللہِ تَعَالٰی عَلَیْہ کو بحیثیت امام کھانے  یا کپڑے  وغیرہ کے  تحائف پیش کرتا تو بھی قبول نہ کرتے  اور فرماتے  :  یہ چیزیں بستی کے مستحقین تک پہنچادی جائیں۔والد ماجد رَحْمَۃُ اللہِ تَعَالٰی عَلَیْہ بازار تشریف لے  جاتے  تو محلے  کے  بچوں کے  اخلاق وکردار کی  نگرانی پر خصوصی توجہ فرماتے اورضرورت پڑتی تو حکمت عملی سے  اصلاح بھی فرمایا کرتے  تھے   ۔^([5])  اللہ عَزَّ  وَجَلَّکی ان پر رحمت ہو اور ان کے  صَدَقے  ہماری  بے  حساب مغفرت ہو۔

                                                                                                                                                                                                                                                                                                                                                                                                                                                                                                اٰمین بِجاہِ النَّبِیِّ الْاَمین صلَّی اللہ تعالیٰ علیہ واٰلہٖ وسلَّم

          میٹھے  میٹھے  اسلامی بھائیو! آج ہم اپنے  معاشرے  میں نظر دوڑائیں تو یہ بات نمایاں طور پر محسوس کی جاسکتی ہے  کہ والدین اپنی اولاد کی ظاہری تعلیم و تربیت اور خواہشات پر ہزاروں بلکہ لاکھوں روپے  تو خرچ کردیتے  ہیں مگر ان کی اخلاقی و روحانی تعلیم وتربیت کی جانب ذرہ برابر توجہ نہیں دیتے  جس کی وجہ سے وہ ایک ایک کرکے  معاشرے  میں پھیلی ہوئی برائیوں کا شکار ہوتی چلی جاتی ہے  اور بعض اوقات تو معاملہ اس حد تک پہنچ جاتا ہے  کہ دل خون کے  گھونٹ پی کر رہ جاتاہے  یاد رکھئیے  کہ اولاداگرچہ باپ  کے  جگر کاٹکڑا اور اپنی ماں کی آنکھوں کا نورہوتی ہے   لیکن اس سے  پہلے  اللہ عَزَّ  وَجَلَّ کا بندہ ،نبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم کا امّتی اور اسلامی معاشرے  کا اہم فرد ہے ۔اگرآج  تربیت کرتے  ہوئے  اسے  اللہ عَزَّ  وَجَلَّکی بندگی ،سرکارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّم کی غلامی اور اسلامی معاشرے  میں اس کی ذمہ داری نہ سکھا ئی  تو اُسے  اپنا فرماں بردار بنانے  کا خواب دیکھنا بھی چھوڑ دیجئے  کیونکہ یہ اسلام ہی ہے  جو ایک مسلمان