گجرات جاؤ تو اب گجرات ہی میرے  لئے  مدینہ ہے  ۔^([1])

تلاوت قرآن سے  محبت

          آپ رَحْمَۃُ اللہِ تَعَالٰی عَلَیْہ ہر وقت  ذکروعبادت میں مصروف رہا کرتے  تھے  کبھی درس قرآن دیتے  نظر آتے   تو کبھی  درس حدیث کی بہاریں لٹاتے  ، کبھی فقہ و حدیث کے  اسباق پڑھاتے  تو کبھی کسی کتاب کی عبارت املا کرواتے   یا پھر کسی سائل کو مسئلہ ارشاد فرماتے ، فرائض و واجبات بلکہ نوافل کی ادائیگی میں بھی  کبھی سستی نہ برتتے  تلاوت ِقرآن  کے  لئے  تو روزانہ کا ایک وقت مقرر کرلیا تھا جس میں ناغہ نہ ہونے  دیتے  چنانچہ جب آخری ایام میں آپ رَحْمَۃُ اللہِ تَعَالٰی عَلَیْہ کی طبیعت ناساز رہنے  لگی تو آپ رَحْمَۃُ اللہِ تَعَالٰی عَلَیْہ نے  اسپتال میں داخل ہونے  سے  پہلے  اپنے  شاگرد رشید حضرت علامہ مولانا عبد النبی کوکب رَحْمَۃُ اللہِ تَعَالٰی عَلَیْہ کے  گھرایک رات آرام فرمایا، صبح ہوئی توآپ رَحْمَۃُ اللہِ تَعَالٰی عَلَیْہ نے  قرآن مجید طلب فرمایاجب مولانا عبد الغنی کوکب رَحْمَۃُ اللہِ تَعَالٰی عَلَیْہ نے  آپ رَحْمَۃُ اللہِ تَعَالٰی عَلَیْہ کی  خدمت میں قرآن مجیدمع  ترجمہ کنز الایمان پیش کیا  تواسے  دیکھ کر  آپ رَحْمَۃُ اللہِ تَعَالٰی عَلَیْہ  بہت خوش ہوئے  اور تلاوت کا مقررہ وظیفہ پورا کیا جب  اسپتال میں داخل ہوئے  تو اکثر یہ سوچا کرتے  تھے   کہ یہاں قرآن پاک کا نسخہ لایا جائے  توادب و احترام کے  ساتھ  کہاں رکھا جائے ؟پھر ایک دن فرمایا : یہ بڑی محرومی ہے  کہ اسپتال میں قرآن مجیدکی تلاوت کے  لئے   کوئی جگہ نہیں بنائی جاتی۔

درود پاک نور وطہارت کا دریا  ہے  

          آپ رَحْمَۃُ اللہِ تَعَالٰی عَلَیْہ کاتلاوت کے  بعدسب سے  بڑا وظیفہ اپنے  محبوب آقا و مولیٰصَلَّی اللہُ تَعَالٰی عَلَیْہِ وَاٰلِہٖ وَسَلَّمکی ذاتِ اقدس پر درود و سلام کے  گجرے  نچھاور کرناتھا چنانچہ اٹھتے  بیٹھتے  چلتے  پھرتے وضو ہو یا نہ ہو ہر حالت میں درود پاک  زبان پر جاری رہتا یہاں تک کہ مخاطب بات کرتے  ہوئے  خاموش ہوجاتا تو آپ رَحْمَۃُ اللہِ تَعَالٰی عَلَیْہ اس موقع کوغنیمت جانتے  اور درود پاک پڑھنا شروع کردیتے   ایک دفعہ کسی نے  عرض کی : بغیر وضو درود پاک پڑھنا مناسب نہیں لگتا ،تو جواب میں ارشاد فرمایا : جو شخص پاک پانی میں غوطہ زن ہوتا ہے  اس کے  بدن پر آلودگی باقی نہیں رہتی اسی طرح درود پاک نور وطہارت کا دریا ہے  جو اس میں غوطہ لگاتا ہے   اس کا باطن خودبخود پاک ہوجاتا ہے  ۔^([2])

پڑھتا رہوں کثرت سے  دُرُود اُن پہ سَدا مَیں

اور ذِکْر کا بھی شوق پئے  غوث ورضا دے

صَلُّو ا عَلَی الْحَبِیب !                                صلَّی اللہُ تعالٰی علٰی محمَّد

صدر الافاضل کی تربیت کا اثر

          حضرت مفتی احمد یار خان نعیمیعَلَیْہِ رَحْمَۃُ اللہِ الْقَوِیاستادِ محترم خلیفۂ اعلیٰ حضرت، صدر الافاضل مفتی سیّد محمدنعیم الدین مراد آبادی عَلَیْہِ رَحْمَۃُ اللہِ الھَادِی کے   دستِ حق پرست پر بیعت ہوئے  آپ رَحْمَۃُ اللہِ تَعَالٰی عَلَیْہ نے  استاد محترم  حضرت صدر الافاضل مفتی سیّد محمدنعیم الدین مراد آبادی عَلَیْہِ رَحْمَۃُ اللہِ الھَادِی سے  درسی کتب اگرچہ کم  پڑھیں تھیں  مگر انہوں نے  اپنی حکیمانہ اور مومنانہ بصیرت سے آپ رَحْمَۃُ اللہِ تَعَالٰی عَلَیْہ کی  تربیت کے لئے  ایسے  مدنی  سانچے  تیار کئے  کہ آپ رَحْمَۃُ اللہِ تَعَالٰی عَلَیْہ  کے  دل و دماغ، مزاج بلکہ پوری  شخصیت کا رنگ ہی تبدیل ہوکر رہ گیا جس کا اظہار آپ رَحْمَۃُ اللہِ تَعَالٰی عَلَیْہ خود ان الفاظوں میں فرمایا کرتے  تھے  : میرے  پاس جو کچھ ہے  سب حضرت صدر الافاضل رَحْمَۃُ اللہِ تَعَالٰی عَلَیْہ کا عطا کردہ ہے  ۔^([3])

اعلی حضرت سے   عقیدت

          حضرت مفتی احمد یار خان نعیمی  عَلَیْہِ رَحْمَۃُ اللہِ الْقَوِی اعلىٰ حضرت امام اہلسنت امام احمد رضا خان عَلَیْہِ رَحْمَۃُ  الرَّحْمٰن کے  ساتھ بڑی  محبت اور عقیدت کا اظہار کیا کرتے  تھے  جس کا سبب  بھی  صدر الافاضل رَحْمَۃُ اللہِ تَعَالٰی عَلَیْہ کی ذات مقدسہ بنی ،واقعہ کچھ یوں ہوا کہ پہلی مرتبہ جب آپ رَحْمَۃُ اللہِ تَعَالٰی عَلَیْہ صدر الافاضل رَحْمَۃُ