30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
سے کسی وقتِ خاص میں مِعراج کا بلند و بالا منصب اللہ پاک کے قُربِ خاص کی صورت میں ہر نبی و رسول کو اپنے اپنے مقام و مَرتبے کے اِعتبار سے ضرور ملتا ہے۔ وہ وقت کچھ ایسی شان رکھتا ہے کہ اَنبیائے کرام علیہمُ الصّلوٰۃ ُوالسّلام کی آنکھوں کے سامنے سے تمام مادی حجاب اور پَردے اُٹھا دئیے جاتے ہیں۔اَسباب کے تمام قوانین ان کے حق میں منسوخ قرار دئیے جاتے ہیں،یہاں تک کہ قیدِ زمانی اور قیدِ مکانی کی زَنجیریں بھی ٹوٹ جاتی ہیں۔ آسمان و زمین کے تمام خفیہ و پوشیدہ مناظر بےحجاب ان کے سامنے آتے ہیں اور وہ مقدس و معظم حضرات حُلۂ نور زیبِ تن کر کے اللہ پاک کی بارگاہ میں پیش ہوتے ہیں۔ اپنے اپنے مدارج و مَراتب کے مُطابق قربِ بارگاہِ خداوندی حاصل کر کے فیضِ رَبّانی سے معمور اور نورِ عرفانی سے منور ہو کر مَسرور ہوتے ہیں۔ (1)
اِسی طرح اللہ پاک کے آخری نبی، مکی مدنی صلی اللہ علیہ واٰلہٖ وسلم کو بھی اللہ پاک نے معراج کی رات ایسے قُربِ خاص سے نوازا کہ ایسا قُرب نہ تو پہلے کسی کو ملا اور نہ بعد میں ملا۔
وہ خدا نے ہے مرتبہ تجھ کو دیا، نہ کسی کو ملے نہ کسی کو مِلا
کہ کلامِ مجید نے کھائی شہا، تیرے شہر و کلام و بَقا کی قسم
ترا مسندِ ناز ہے عرشِ بریں، تِرا محرم راز ہے رُوحِ امیں
تُو ہی سرورِ ہر دو جہاں ہے شہا، تِرا مثل نہیں ہے خدا کی قسم
مِعراج کی حکمتیں
اے عاشقانِ رسول! اللہ پاک حکیم ہے، وَفِعْلُ الْحَکِیْمِ لَا یَخْلُوْ عَنِ الْحِکْمَۃِ اورحکیم کا کوئی فعل حکمت سے خالی نہیں ہوتا ۔“ لہٰذا معراج شریف کا واقع ہونا بھی حکمتوں اور
[1] …… تفسیرِ حسنات، 3/731، 732 ضیاء القرآن پبلی کیشنز لاہور ۔
کتاب کا موضوع
کتاب کا موضوع