30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
کِتاب (یعنی قرآنِ پاک ) کو نازِل فرمایا جس میں ہر شے کا روشن بیان ہے، میری اُمَّت کو لوگوں میں ظاہِر ہونے والی سب اُمَّتوں میں بہترین اور افضل اُمَّت بنایا اور انہیں اوّل بھی بنایا اور آخر بھی (میری اُمَّت کےبعد کوئی اُمَّت نہ ہو گی یہی آخری اُمَّت ہے اور جنَّت میں داخلے کے اِعتبار سے ساری اُمَّتوں میں سے میری ہی اُمَّت اَوّل ہو گی)،میرے لئے میرا سینہ کُشادہ فرما دیا، مجھ سے بوجھ کو دُور فرمایا، میرے ذِکر کو بلند فرمایا اور مجھے فاتِح اور خاتِم (یعنی آخری نبی) بنایا۔
اِبراہیم علیہ السّلام کا فیصلہ
حضورِ اکرم صلی اللہ علیہ واٰلہٖ وسلم کے یہ عظیمُ الشان فضائل سُن کر حضرتِ اِبراہیم علیہ السّلام نے اَنبیائے کِرام علیہمُ الصّلوٰۃ ُوالسّلام سے فرمایا: بِہٰذَا فَضَّلَکُمْ مُحَمَّدٌ یعنی انہی عظمتوں کی وجہ سے محمد صلی اللہ علیہ واٰلہٖ وسلم کو آپ سب پر فضیلت و برتری حاصل ہے۔(1)
ہر ایک نبی بلکہ سب اَفلاک کے قُدسی
پڑھتے تھے شہنشاہ کا خطبہ شَب ِ معراج
سُبْحانَ اللہ ! ہمارے پیارے آقا صلی اللہ علیہ واٰلہٖ وسلم کی شان کس قدر عالی اور بلند ہے کہ حضرتِ اِبراہیم خلیل اللہ علیٰ نبینا و علیہ الصلوٰۃ والسَّلام نے آپ کی شان سب اَنبیائے کِرام علیہمُ الصّلوٰۃ ُوالسّلام کے سامنے بیان فرمائی اور تمام اَنبیائے کرام کی موجودگی میں آپ کی فضیلت کا اِعْلان فرمایا، پھر ہم کیوں نہ کہیں :
سب سے اولیٰ و اعلیٰ ہمارا نبی سب سے بالا و اعلیٰ ہمارا نبی
مُلکِ کونین میں اَنبیا تاجدار تاجداروں کا آقا ہمارا نبی
[1] …… دلائل النبوۃ للبیہقی، 2 /401 دار الکتب العلمیۃ بیروت ۔
کتاب کا موضوع
کتاب کا موضوع