70 صدیقین کاثواب :

(7)…اورحدىث مىں آىا ہے جو شخص اىک باب علم کا اوروں(دوسروں) کے سىکھانے کے لئے سىکھے اُس کو ستر(70) صدىقوں کا اجر دىا جاوے۔^([1])

فرشتے سایہ کرتے ہیں :

(8)…اورمَعالِمُ التَّنزىل مىں لکھا ہے کہ رسولُ اللہ صَلَّی اللہُ عَلَیْہِ وَسَلَّم نے فرماىا :  جو شخص طلبِ علم مىں سفر کرتا ہے فرشتے اپنے بازؤوں سے اُس پر ساىہ کرتے ہىں اور مچھلىاں درىا مىں اور آسمان وزمىن اس کے حق مىں دعا کرتے ہىں۔^([2])

عالم کی زیارت کی فضیلت :

(9)…(حضرت سیِّدُنا)امام غزالى (عَلَیْہِ رَحْمَۃُ اللہِ الْوَالِی) نے رواىت کىا کہ عالم کو اىک نظر دىکھنا سال بھر کى نماز وروزہ سے بہتر ہے۔^([3])   

علم والوں سے بھلائی کا ارادہ :

(10)…بخارى اور ترمذى نے بسَنَدِ صحىح ^([4]) رواىت کىا کہ رسولُ اللہ صَلَّی اللہُ عَلَیْہِ وَسَلَّم نے فرماىا : مَنۡ یُّرِدِ اللّٰہُ بِہٖ خَيۡرًا یُّفَقِّھْهُ فِى الدِّيۡنِ (ترجمہ) خدائے  تعالیٰ جس کے ساتھ بھلائى کا ارادہ کرتا ہے اسے دىن مىں دانشمند(دین کی سمجھ عطا) کرتا ہے۔^([5])

       ”اشباہ والنظائر“ مىں لکھا ہے کہ کوئى آدمى اپنے انجام سے واقف نہىں ہوتا سوا فقىہ^([6]) کے، (کیونکہ وہ)بَاِخبار ِمُخْبِرِصادق (سچی خبریں دینے والے نبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم کے بتانے سے)جانتا ہے(کہ)اُس کے ساتھ خدا( تعالیٰ )نے بھلائى کا ارادہ کىا ہے۔^([7])

عذاب سے بچانے والی شے :

       دُرِّمختار مىں (حضرت سیِّدُنا)اسمعىل بن ابى رَجا (رَحْمَۃُ اللہِ تَعَالٰی عَلَیْہ) سے منقول ہے کہ مىں نے امام محمد(رَحْمَۃُ اللہِ تَعَالٰی عَلَیْہ) کو خواب مىں دىکھا۔ حال پوچھا۔ (انہوں نے) کہا :  مجھے خدا (عَزَّ  وَجَلَّ) نے بخش دىا اور فرماىا : اگر مىں تجھ پر عذاب کرنا چاہتا علم عناىت نہ فرماتا۔^([8])

انبیاکے وارث :

(11)…ابوداؤد نے (حضرت سیِّدُنا)ابودرداء رَضِیَ اللہُ تَعَالٰی عَنْہ سے رواىت کىا کہ رسولُ اللہ صَلَّی اللہُ عَلَیْہِ وَسَلَّم نے فرماىا :  جو شخص طلبِ علم مىں(کسی)اىک راہ چلے خدا اُسے بِہِشْت (جنت) کى راہوں سے اىک راہ چلادے اور بےشک فرشتے اپنے بازو طالبِ علم کى رضامندى کے واسطےبچھاتے ہىں اور بےشک عالم کے لئے استغفار کرتے ہىں سب زمىن والے اور سب آسمان والے ىہاں تک کہ مچھلىاں پانى مىں اور بےشک فضل عالم کا عابد پر اىسا ہے جىسے چودھوىں رات کے چاند کى بزرگی (فضیلت) سب ستاروں پر اور بےشک علما وارث انبىاء کے ہىں اور بےشک پىغمبروں نے درہم ودىنار مىراث نہ چھوڑى(بلکہ) علم کو مىراث چھوڑا ہےپس جو علم حاصل کرے اُس نے بڑا حصہ حاصل کىا۔^([9])

فرشتوں کی دنیا میں چرچے :

(12)…اورصحىح مسلم کى رواىت مىں وارِد ہوا کہ جو شخص طلبِ علم مىں کوئى راہ چلے گا خدا(عَزَّ  وَجَلَّ) اُس کے لئے بِہِشت(جنت) کى راہ آسان کرے گا اور جب کچھ لوگ خدا( تعالیٰ ) کے گھروں سے کسى گھر مىں جمع ہوکر کتابُ اللہ پڑھتے ہىں اور آپس مىں درس کرتے(پڑھتے پڑھاتے)ہىں اُن پر سکىنہ نازل ہوتا ہے اور رحمت اُن کو ڈھانپ لىتى ہے اور فرشتے اُن کو ہرطرف سے گھىرلىتے ہىں اور خدا(عَزَّ  وَجَلَّ) اپنے پاس والوں کے سامنے اُن کا ذکر کرتا ہے^([10]) ىعنى فرشتوں پر اُن کى خوبى اور اپنى رضامندى اُن سے ظاہر فرماتا ہے۔

مجلس علم میں حاضری کی فضیلت :

(13)… اور (حضرت سیِّدُنا) ابوذر رَضِیَ اللہُ عَنْہ کى حدىث مىں ہے :  عالم کى مجلس مىں حاضر ہونا ہزار رکعت نماز، ہزار بىماروں کى عىادت اور ہزار جنازوں پر حاضر ہونے سے بہتر ہے۔ کسى نے عرض کىا : یارسولَ اللہ(صَلَّی اللہُ تَعَالٰی عَلَیْہِ وَاٰلِہٖ وَسَلَّم)اور قراءتِ قرآن؟ ىعنى کىا علم کى مجلس مىں حاضر ہونا قرا ءتِ قرآن سے بھى افضل ہے؟ فرماىا :  آىا (کیا) قرآن بے(بغیر)علم کے نفع بخشتا ہے؟^([11]) ىعنى فائدہ