30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Electric Chhuri Aur Machine Se Zabah Kiye Hue Janwar Ka Sharai Hukum | الیکٹرک چھری اور مشین سے ذبح کیے ہوئے جانور کا شرعی حکم
اشکال:
الیکٹرک چھری اور مشین سے ذبح کیے ہوئے جانور کا شرعی حکم
کتاب میں نتائج:
اشکال
آپ نے جو جزئیات بیان کیے ہیں،اس میں تو دونوں ذابح انسان ہیں،اس لیے ایک اگر اہل نہیں یا اس نے تسمیہ جان بوجھ کر چھوڑی،تو ذبیحہ حرام ہو رہا ہے۔جبکہ الیکٹرک چھری میں دوسر ی چیز کوئی انسان نہیں ہے ،بلکہ وہ تو اختیار اورشعور نہ رکھنے والی چیز بجلی ہے اور ایسی چیز کو ذابح شمار نہیں کرنا چاہیے،بلکہ یہاں فقط اسی مسلمان کو ذابح شمار کرنا چاہیے،جس کے ہاتھ میں چھری ہے اور یوں ذبح درست ہونا چاہیے۔
جواب
اختیار و شعور نہ رکھنے والی چیز بھی ذابح شمار ہو سکتی ہے،جبکہ عملِ ذبح اس کے فعل سے ہوا ہو یا عملِ ذبح میں اس چیز کی قوت شامل ہوئی ہو۔جیسا کہ فقہاء کرام نے فرمایا کہ اگر کسی جگہ رکھے ہوئے تیر کو” ہَوا “ کی قوت نے اٹھا کر جانور کو لگا دیا،تو یہ جانور حلال نہیں ہوگا،کیونکہ یہ ”ہَوا“ کے فعل سے ہُوا ہے اور ” ہَوا “کا فعل شرعی تذکیہ نہیں ۔
چنانچہ امام سرخسی رحمۃ اللہ تعالی علیہ لکھتے ہیں:” سهم موضوع في موضع حمله الريح فضربه على صيد فمات، وفعل الريح لا يكون ذكاة الصيد “ یعنی اگر کوئی تیر کسی جگہ رکھا ہوا تھا اور ہوا نے اسے اٹھا کر شکار پر مارا، جس سے وہ مر گیا، تو یہ شکار حلال نہ ہوگا، کیونکہ ہوا کا فعل ذکاۃ شمار نہیں ہوتا۔(1)
یونہی فقہائے کرام فرماتے ہیں کہ اگر مسلمان نے تیر چلایا اور” ہَوا“ نے اس تیر کا رخ بدل دیا اور وہ شکار کو لگا،تو یہ شکار حلال نہ ہوگا،کیونکہ اب یہ”ہَوا “کے فعل سے ہُوا ۔
[1] …۔ المبسوط للسرخسی، جلد11، صفحہ 252، مطبوعہ دار المعرفہ، بیروت
کتاب کا موضوع
کتاب کا موضوع
- پیشِ لفظ
- علماء نے قرآن و سنت کی روشنی میں ذبح کے درست ہونے کی مختلف شرائط بیان کی ہیں
- (1) مشینی ذبح(Machinal Slaughtering)
- (2) الیکٹرک چھری(Electric Knife) سے ذبح
- مشینی ذبیحہ کا شرعی حکم
- متعلقہ جزئیات اور فقہاء کا کلام ملاحظہ فرمائیں
- شبہ (مشین جب انسان چلاتا ہے ،تو یہ ذبح انسان کا فعل کیوں نہیں؟)
- ازالہ شبہ
- سبب بننے کے اعتبار سے انسان کی طرف نسبت کا معاملہ
- الیکٹرک چھری سے ذبح کا شرعی حکم
- اب متعلقہ جزئیات ملاحظہ فرمائیں
- اشکال
- جواب
