الدنیا۔۔۔۔الخ، الحدیث: ۶۴۲۵، ص۵۴۰)

د لوں کی کمزوری کاسبب

            حضرت سیدناثوبان رَضِیَ اللہُ تَعَالٰی عَنْہسے روایت ہے ، کہ نبی ٔکریم ، رء ُوف رحیم صَلَّی اللہ تَعَالٰی عَلَیْہِ وَاٰلِہٖ وَسَلَّمَنے ارشادفرمایا :  ’’ عنقریب تمہارے خلاف ہر جانب سے لوگ اکھٹے ہوجائیں گے  جیسے کھانے والے کھانے کے برتن پرجمع ہوتے ہیں ۔ ‘‘ عرض کی گئی:  ’’ یارسول اللہ عَزَّ وَجَلَّ وصَلَّی اللہ تَعَالٰی عَلَیْہِ وَاٰلِہٖ وَسَلَّمَ  کیا اس دن ہماری تعداد کم ہوگی ؟  ‘‘ ارشادفرمایا:  ’’ نہیں !  بلکہ تم تو کوڑے کچرے ہوجاؤ گے جیسے سیلاب کا کوڑا کچرا ہوتا ہے  (مراداس سے آخری زمانے کے خراب اور نکمّے لوگ ہیں )   ، دنیا سے محبت اورموت سے نفرت کی وجہ سے تمہارے دل کمزور پڑ جائیں گے اور تمہارے دشمنوں کے دلوں سے تمہارا رعب جاتارہے گا۔ ‘‘  (المسندللامام احمدبن حنبل، الحدیث: ۲۲۴۶۰، ص۳۲۷تغیراً)

دنیاکی محبت،  جھگڑوں کاسبب ہے

            حضرت سیدنا عقبہ بن عامر رَضِیَ اللہُ تَعَالٰی عَنْہسے مروی ہے کہ حضورنبیٔ کریم،  رؤف رحیم صَلَّی اللہ تَعَالٰی عَلَیْہِ وَاٰلِہٖ وَسَلَّمَ ایک روز (گھرسے ) باہرتشریف لے گئے اورشہداء احد پرنماز پڑھی  ^([1])  جیسی آپ صَلَّی اللہ تَعَالٰی عَلَیْہِ وَاٰلِہٖ وَسَلَّمَ میت پرنمازِجنازہ پڑھتے تھے ۔

          پھر آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّممنبرشریف پر تشریف لے گئے اور ار شاد فرمایا:  ’’ میں تمہارے لئے فَرَط ^([2])   (یعنی پیش رو)  ہوں اورتمہارانگران گواہ ہوں  ^([3])  اور خداعَزَّ وَجَلَّ  کی قسم ! میں اس وقت بھی اپنے حوض (یعنی حوضِ کوثر) کو دیکھ رہا ہوں اور مجھے زمین کے خزانوں کی چابیاں عطا کی گئی ہیں یا (ارشاد فرمایا) زمین کی چابیاں عطاکی گئی ہیں ۔اور اللہ عَزَّ وَجَلَّ کی قسم ! مجھے تم پر اس بات کاڈر نہیں کہ تم میرے بعد شرک کروگے ، بلکہ مجھے تم پراس بات کاخوف ہے کہ تم  (حصولِ دنیا کے لئے)  ایک دوسرے سے مقابلہ کروگے۔ ‘‘  (صحیح البخاری، کتاب الرقاق، باب مایحذرمن زھرۃالدنیا، الحدیث: ۶۴۲۶، ص۵۴۰)

زمین کی برکات:

            حضرت سیدناابوسعید خدری رَضِیَ اللہُ تَعَالٰی عَنْہسے روایت ہے کہ رحمتِ کونین ،  دکھی دلوں کے چین  صَلَّی اللہ تَعَالٰی عَلَیْہِ وَاٰلِہٖ وَسَلَّمَ  نے ارشادفرمایا:  ’’ مجھے تم پرجس چیز کا زیادہ خوف ہے وہ اللہ تعالیٰ کا تمہارے لئے زمین کی برکات کونکالناہے۔ ‘‘ عرض کی گئی :   ’’ زمین کی برکات کیاہیں ؟  ‘‘  ارشادفرمایا:  ’’ دنیا کی آسائشیں ۔ ‘‘ ایک شخص نے عرض کی :   ’’ کیا خیرکے ساتھ شربھی آتاہے ؟  ‘‘ تو سرکا رِ مدینہ ، راحتِ قلب وسینہ صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے سکوت فرمایاحتی کہ ہم نے گمان کیاکہ آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمپروحی نازل ہو رہی ہے ، پھر سیدِ عالم ، نورِمجسَّم ، شاہِ بنی آدم  صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے اپنی مبارک پیشانی سے پسینہ پونچھتے ہوئے ارشاد فرمایا:  ’’  سوال پوچھنے والاکہاں ہے؟  ‘‘ اس شخص نے عرض کی:  ’’ میں حاضر ہوں ۔ ‘‘ حضرت سیدناابوسعیدخدری رَضِیَ اللہُ تَعَالٰی عَنْہفرماتے ہیں :  ’’ ہم نے اس کے وہاں موجود ہونے پراس کی تعریف کی۔ ‘‘ حضورنبیٔ کریم  صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے فرمایا:  ’’ خیرکے ساتھ خیرہی آتی ہے ، بے شک یہ دنیاکامال سرسبز اور شیریں لگتاہے جس طرح فصلِ ربیع جوکچھ اُگاتی ہے وہ یاتو جانور کوپیٹ پُھلاکر مارڈالتا ہے یامرنے کے قریب کر دیتا ہے ۔مگر وہ جانور جو ہری ہری گھاس کھائے ،  جب پیٹ بھرجائے تو دھوپ میں آجائے، جگالی کرے اورگوبروپیشاب کرے پھرآکردوبارہ چرنے لگے ، یوں ہی یہ مال بھی شیریں ہے لیکن جو حق کے ساتھ