30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Choton Par Shafqat Na Karne Ke Nuqsanat | چھوٹوں پر شفقت نہ کرنے کے نقصانات
چھوٹوں پر شفقت نہ کرنے کے نقصانات
کتاب میں نتائج:
اِنْ شَآءَ اللہ اُس کا مُطالعہ کریں گے تو قناعت مِلے گی۔ اِسی طرح دعوتِ اِسلامی کے اِشاعتی اِدارے مکتبۃ المدینہ کی کتاب ’’نَجات دِلانے والے اَعمال کی معلومات‘‘([1]) میں بھی قناعت کے بارے میں مضمون موجود ہے ، ([2])اُس سے بھی کافی معلومات حاصل ہوسکتی ہیں۔
کیا ایمبولینس کو جلدی راستہ دے دینا چاہیے؟
سُوال : کیا ایمبولینس (Ambulance)کو جلدی راستہ دے دینا چاہیے؟ (SMS کے ذریعے سُوال)
جواب : جی ہاں! اور کوئی گاڑی اگر نِکل رہی ہو تو اِیثار کرتے ہوئے اُسے بھی راستہ دے دینا چاہیے کہ ’’چلو ، یہ بے چارہ مجھ سے پہلے نکل جائے ، ‘‘ اِنْ شَآءَ اللہ اِس سے بھی ثواب مِلے گا۔ ایمبولینس کو ٹریفک قوانین میں بھی رِعایت ہوتی ہے ، تاکہ وہ جلدی چلے جائیں ، کیونکہ بعض اَوقات مَریض کی حالت ایسی ہوتی ہے کہ اگر اُسے فوری طبّی اِمداد نہ مِلی تو وہ مَرجائے گا ، اِس لئے عقل بھی چاہتی ہے کہ ایمبولینس کو راستہ دیا جائے ، ورنہ راستہ نہ ملنے کی صُورَت میں کئی مَریض دَم توڑ جائیں گے ، بلکہ دَم توڑ بھی جاتےہوں گے۔ بعض اَوقات ایمبولینس والے خیانت بھی کرتے ہیں ، اُس کی صُورَت یہ ہوتی ہے کہ ایمبولینس خالی ہوتی ہے ، لیکن پھر بھی یہ اپنا مَخصوص ہارن (Horn) بجاتے ہوئے قانون سے فائدہ اُٹھاتے ہوئے تیزی سے نِکل جاتے ہیں۔ اگر یہ مَریض کو لینے جارہے ہوں اور ایمرجنسی ہو تب تو ایسا کرنا سمجھ آتا ہے ، لیکن اگر ایسا نہ ہو تو اِنہیں بھی ٹریفک قوانین کا خیال رکھنا چاہیے ، کیونکہ اب اِن کے پاس جلدی نکلنے کا کوئی عُذر نہیں ہے۔
گانے سُننے کےلئے اِسپیکر بیچنا کیسا؟
سُوال : ہم اِسپیکرز (Speakers)بیچتے ہیں۔ بعض لوگ اِسپیکر پر نعتیں سنتے ہیں ، جبکہ کئی لوگ گانے بھی سُنتے ہیں ، کیا اِسپیکر پر گانے سُننے والوں کا گُناہ ہمیں بھی مِلے گا؟ نیز ایسی صُورَت میں ہمارے لئے اِسپیکر بیچنا جائز ہوگا یا ناجائز ہوگا؟ (عبد الکبیر حنانی۔ کوہِ نور مارکیٹ ، کراچی)
[1] ’’نَجات دِلانے والے اعمال کی معلومات‘‘ یہ کتاب دعوت ِاِسلامی کے شعبۂ تصنیف وتالیف ’’اَلْمَدِیْنَۃُ الْعِلْمِیَۃ‘‘ کی مُرتّب کردہ ہے۔ اِس کتاب میں علمِ قلب کے 39 مسائل یعنی فرائضِ قلبیہ جیسے تواضع ، اِخلاص ، توکّل وغیرہ کی عام فہم تعریفات ، اُن کے بارے میں آیاتِ مبارکہ ، اَحادیثِ مُبارَکہ ، حکایات ، نیز ان اعمال کو کرنے کے مختلف طریقے بیان کئےگئے ہیں۔ (شعبہ ملفوظاتِ امیرِ اہلِ سنّت)
[2] نجات دلانے والے اعمال کی معلومات ، ص۷۱-۷۷۔
کتاب کا موضوع
کتاب کا موضوع
- چھوٹوں پر شفقت نہ کرنے کے نقصانات
- درود شریف کی فضیلت
- قناعت کی دولت حاصل کرنے کا طریقہ
- کیا ایمبولینس کو جلدی راستہ دے دینا چاہیے؟
- گانے سننے کےلئے اسپیکر بیچنا کیسا؟
- بیوی بدمزاج ہو تو شوہر کیا کرے؟
- شوہر کو گالی دینا کیسا؟
- جشن ولادت کی لائٹنگ کےلئے کنڈا لگانا کیسا؟
- سمجھانےکے باوجود بچّے کیوں نہیں سمجھتے؟
- پھٹی ہوئی پینٹ پہننا کیسا؟
- اگر آج اعلیٰ حضرت سے ملاقات ہوجائے توکیا پوچھیں گے؟
- چراغاں کے لئے گلیوں میں گیٹ کمانیاں لگانا کیسا؟
- چراغاں کے لئے لائٹنگ کب کھولی جائے اور کب بند کی جائے؟
- عاشق رسول بننے کا طریقہ
- چراغاں کے چندے سے لنگر تقسیم کرنا کیسا؟
- خانۂ کعبہ اور سبز گنبد کا ماڈل بنانے و سجانے کی احتیاطیں
- چراغاں کرتے وقت کی احتیاطیں
- عورتوں کی آمد و رفت کی وجہ سے چراغاں نہ کرنا کیسا؟
- یوم قفل مدینہ اور ایّام قفل مدینہ
- دعائے عطّار
- مدنی انعامات کے بجائے نیک اعمال کہا جائے
- کیا مدینے جانے والے کو احرام باندھنا ضروری ہے؟
- احتراماً کسی کو قبلہ و کعبہ کہنا کیسا؟
- مدنی پرچم لگانے کےلئے فٹ پاتھ کھودنا کیسا؟
- ماخذ ومراجع
