30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Choton Par Shafqat Na Karne Ke Nuqsanat | چھوٹوں پر شفقت نہ کرنے کے نقصانات
چھوٹوں پر شفقت نہ کرنے کے نقصانات
کتاب میں نتائج:
کیا مدینے جانے والے کو اِحرام باندھنا ضروری ہے؟
سُوال : اگر کوئی پاکستان سے مدینہ شریف جانا چاہتا ہے اور وہ جَدّہ ایئر پورٹ پر اُتر کر By car (یعنی کار کے ذریعے) مدینہ شریف جاتا ہے تو کیا اُسے اِحرام باندھنا ہوگا؟ کیونکہ جو شخص مکّہ شریف جانے کے لئے جَدّہ آتا ہے اُسے اِحرام باندھنا ہوتا ہے۔ (رُکنِ شوریٰ حاجی ابُو مَدَنی عبدُ الحبیب عطّاری کا ویڈیو سُوال)
جواب : اگر مکّہ مکرّمہ کی نیّت سے سَفَر نہیں کیا اور جانا ہی مدینہ شریف ہے تو اب اِحرام کی ضرورت نہیں ، بغیر اِحرام جائیں گے۔ میں نے بھی سن 80 عیسوی مُطابق 1400 ہجری میں سب سے پہلا سَفَر براہِ راست مدینہ شریف کا کیا تھا اور جَدّہ شریف سے By car مدینہ شریف حاضر ہوا تھا۔ جب مدینہ شریف سے مکّہ پاک کی نیّت کریں گے تو اب اِحرام کے بغیر داخل نہیں ہوسکیں گے۔ ([1])
اِحتراماً کسی کو ’’قبلہ و کعبہ‘‘ کہنا کیسا؟
سُوال : حاجی عبدُالحبیب صاحب سے سُنا ہے کہ ’’قبلہ اَمیرِ اَہلِ سُنّت دَامَتْ بَرَکاتُہُمُ الْعَالِیَہ ہمارے ساتھ موجود ہیں۔ ‘‘ یہ اِرشاد فرمائیے کہ قبلہ کا کیا مطلب ہوتا ہے؟ (چھوٹی بچّی حفصہ عطّاریہ کا سُوال)
جواب : ’’قبلہ‘‘اِحترام کا لفظ ہے ، جیسے ’’حضرت‘‘ اِحترام کا لفظ ہے ، یُوں ہی اِنگلش میں ’’Mister‘‘ اِحترام کا لفظ ہے۔ ’’قبلہ‘‘ عَرَبی لفظ ہے۔ ’’قبلہ و کعبہ‘‘ بھی بولا جاتا ہے۔ اِحتراماً ایسا کہنے میں کوئی حَرَج نہیں ہے۔
مَدَنی پَرچم لگانے کےلئے فٹ پاتھ کھودنا کیسا؟
سُوال : مَدَنی پَرچم لگانے کے لئے سڑک یا فٹ پاتھ کھودنا کیسا؟ (اَمیرِ اَہلِ سُنّت دَامَتْ بَرَکاتُہُمُ الْعَالِیَہ کے رِضاعی پوتے حَسَن رَضا کا سُوال)
جواب : مدنی پرچم لگانے کے لئے فٹ پاتھ اور سڑک نہیں کھود سکتے ، ایسا کرنا قانونا بھی جرم ہے ، کیونکہ اس سے لوگوں کو تکلیف ہوتی ہے ، راستہ بھی گھرتا ہے اور فٹ پاتھ تو ہے ہی پیدل چلنے والوں کے لئے ، تاکہ ان کا ایکسیڈنٹ نہ ہوجائے ، اگر وہاں پرچم لگادیں گے تو لوگوں کو چلنے میں تکلیف ہوگی ، اس لئے اس طرح کے کام نہیں کرنے چاہئیں۔
***
کتاب کا موضوع
کتاب کا موضوع
- چھوٹوں پر شفقت نہ کرنے کے نقصانات
- درود شریف کی فضیلت
- قناعت کی دولت حاصل کرنے کا طریقہ
- کیا ایمبولینس کو جلدی راستہ دے دینا چاہیے؟
- گانے سننے کےلئے اسپیکر بیچنا کیسا؟
- بیوی بدمزاج ہو تو شوہر کیا کرے؟
- شوہر کو گالی دینا کیسا؟
- جشن ولادت کی لائٹنگ کےلئے کنڈا لگانا کیسا؟
- سمجھانےکے باوجود بچّے کیوں نہیں سمجھتے؟
- پھٹی ہوئی پینٹ پہننا کیسا؟
- اگر آج اعلیٰ حضرت سے ملاقات ہوجائے توکیا پوچھیں گے؟
- چراغاں کے لئے گلیوں میں گیٹ کمانیاں لگانا کیسا؟
- چراغاں کے لئے لائٹنگ کب کھولی جائے اور کب بند کی جائے؟
- عاشق رسول بننے کا طریقہ
- چراغاں کے چندے سے لنگر تقسیم کرنا کیسا؟
- خانۂ کعبہ اور سبز گنبد کا ماڈل بنانے و سجانے کی احتیاطیں
- چراغاں کرتے وقت کی احتیاطیں
- عورتوں کی آمد و رفت کی وجہ سے چراغاں نہ کرنا کیسا؟
- یوم قفل مدینہ اور ایّام قفل مدینہ
- دعائے عطّار
- مدنی انعامات کے بجائے نیک اعمال کہا جائے
- کیا مدینے جانے والے کو احرام باندھنا ضروری ہے؟
- احتراماً کسی کو قبلہ و کعبہ کہنا کیسا؟
- مدنی پرچم لگانے کےلئے فٹ پاتھ کھودنا کیسا؟
- ماخذ ومراجع
