30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Choton Par Shafqat Na Karne Ke Nuqsanat | چھوٹوں پر شفقت نہ کرنے کے نقصانات
چھوٹوں پر شفقت نہ کرنے کے نقصانات
کتاب میں نتائج:
ہے اور عَورَتیں گُزرتی ہیں ، یُوں حُقوقِ عامّہ پامال ہوتے ہیں اور مسائل کھڑے ہوجاتے ہیں۔ جشنِ وِلادت خُوب منائیں اور بے شک سَجاوٹ بھی کریں ، لیکن اِس سے کسی گزرنے والے کو ، گاڑی والے کو یا محلے والے کو تکلیف نہ ہو ، اِس کا خَیال رکھیں۔ لوگ فضا میں سَجاوٹ کرتے ہیں کہ ایک گھر سے دوسرے گھر میں لَڑی باندھ دیتے ہیں ، اِس میں کوئی حَرَج نہیں ہے ، لیکن یہ اِتنی اُونچی باندھی جائیں کہ کسی گاڑی یا ٹرک کی زَد میں نہ آئیں ، تاکہ دوڑا دوڑی اور گالی گلوچ نہ ہو ، اِن کاموں میں بعض اَوقات Rough type کے (یعنی اکھڑ مِزاج) لوگ بھی شامِل ہوتے ہیں جو لڑائی پر اُتر آتے ہیں۔
میں نے بہت پہلے ایک منظر دیکھا تھا ، جشنِ وِلادت کے دن تھے اور بہت ہی پُر رونق بازار کے اندر بالکل راستے کے بیچ میں سَجاوٹ کی ہوئی تھی ، جیسے ہوسکتا ہے کہ آج کل بھی کی جاتی ہو ، وہاں پتّھر کے اوپر بُھوسا اور رَنگ وغیرہ ڈال کر کوئی شو پیس (Show piece)بنایا ہوا تھا ، ایک بے چارہ مَزدور جوہاتھ والی گاڑی پر سامان لادے وہاں سے گُزرنا چاہتا تھا اور تھوڑا راستہ بھی موجود تھا ، لیکن عاشقانِ رسول کہلانے والے لوگوں نے اُسے جانے نہیں دیا تھا۔ بتائیے! کیا ایسا کرنے سے ثَواب مِلے گا؟ راستے پر لوگوں کا حق ہوتا ہے کہ وہ چلیں ، لیکن ہم دادا گیری شروع کردیتے ہیں کہ ’’ہم عاشقِ رسول ہیں اور ہم نے جشنِ وِلادت منانی ہے۔ ‘‘ جشنِ ولادت منانا اِسےنہیں کہتے ، جشن وِلادت منانا تو ثَواب کا کام ہے ، جبکہ ہم گُناہ کا کام کررہے ہیں۔ جشنِ وِلادت پر ثَواب اُسی صورت میں مِلے گا جب 100 فیصد شریعت کے مُطابِق مَنایا جائے ، اِس میں ذرّہ برابر بھی کوئی گناہ ، کسی مسلمان کی دِل آزاری اور تکلیف شامِل نہ ہو۔ بعض لوگ جشنِ وِلادت کے لئے دادا گیری کرکے اور دِل دُکھا کر چندہ وُصول کرتے ہیں ، یہ بھی غَلَط بات ہے۔ اللہ کریم ہمیں شریعت کی پابندی کی توفیق دے۔
جنہوں نے چَراغاں کے لئے گلیاں گھیریں اور سڑک کھودی اُنہیں توبہ کرنی ہوگی ، نیز توبہ کے تَقاضے پُورے کرتے ہوئے ٹُوٹی ہوئی سڑک بناکر بھی دینی ہوگی اور جنہیں تکلیف پہنچائی اُن سے مُعافی بھی مانگنی ہوگی۔ ہر کام میں علمِ دین حاصل کرنا ضروری ہے ، کاش! ہمیں ایسی صحبت مِل جائے جس سے یہ ساری باتیں پتا چلیں کہ ہم کہیں گُناہ گار تو نہیں ہورہے؟ جشنِ وِلادت منانا ہے ، دُھوم دھام سے منانا ہےاور پچھلے سال سے زِیادہ زور و شور سے منانا ہے ، لیکن ہمارے شور سے شیطان کا کلیجہ پھٹنا چاہیے ، کسی مسلمان کو تکلیف نہیں ہونی چاہیے۔
کتاب کا موضوع
کتاب کا موضوع
- چھوٹوں پر شفقت نہ کرنے کے نقصانات
- درود شریف کی فضیلت
- قناعت کی دولت حاصل کرنے کا طریقہ
- کیا ایمبولینس کو جلدی راستہ دے دینا چاہیے؟
- گانے سننے کےلئے اسپیکر بیچنا کیسا؟
- بیوی بدمزاج ہو تو شوہر کیا کرے؟
- شوہر کو گالی دینا کیسا؟
- جشن ولادت کی لائٹنگ کےلئے کنڈا لگانا کیسا؟
- سمجھانےکے باوجود بچّے کیوں نہیں سمجھتے؟
- پھٹی ہوئی پینٹ پہننا کیسا؟
- اگر آج اعلیٰ حضرت سے ملاقات ہوجائے توکیا پوچھیں گے؟
- چراغاں کے لئے گلیوں میں گیٹ کمانیاں لگانا کیسا؟
- چراغاں کے لئے لائٹنگ کب کھولی جائے اور کب بند کی جائے؟
- عاشق رسول بننے کا طریقہ
- چراغاں کے چندے سے لنگر تقسیم کرنا کیسا؟
- خانۂ کعبہ اور سبز گنبد کا ماڈل بنانے و سجانے کی احتیاطیں
- چراغاں کرتے وقت کی احتیاطیں
- عورتوں کی آمد و رفت کی وجہ سے چراغاں نہ کرنا کیسا؟
- یوم قفل مدینہ اور ایّام قفل مدینہ
- دعائے عطّار
- مدنی انعامات کے بجائے نیک اعمال کہا جائے
- کیا مدینے جانے والے کو احرام باندھنا ضروری ہے؟
- احتراماً کسی کو قبلہ و کعبہ کہنا کیسا؟
- مدنی پرچم لگانے کےلئے فٹ پاتھ کھودنا کیسا؟
- ماخذ ومراجع
