30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Burae Ka Badla Achae Say Deijiye | بُرائی کا بدلہ اچھائی کے ساتھ دیجیے
بُرائی کا بدلہ اچھائی کے ساتھ دیجیے
کتاب میں نتائج:
ظُلم کرنے والے کو مُعاف کرتے اور بُرائی کو بھلائی سے ٹالتے ہیں ۔ بُرائی کو بھلائی سے ٹالنے کی تَرغیب دیتے ہوئے خُدائے رَحمٰن عَزَّ وَجَلَّ کا فرمانِ عالیشان ہے :
اِدْفَعْ بِالَّتِیْ هِیَ اَحْسَنُ فَاِذَا الَّذِیْ بَیْنَكَ وَ بَیْنَهٗ عَدَاوَةٌ كَاَنَّهٗ وَلِیٌّ حَمِیْمٌ(۳۴) ( پ۲۴ ، حٰم ۤ السجدة : ۳۴ )
ترجمۂ کنز الایمان : اے سُننے والے ! بُرائی کو بھلائی سے ٹال جبھی وہ کہ تجھ میں اور اس میں دُشمنی تھی ، ایسا ہو جائے گا جیسا کہ گہرا دوست ۔
نبیٔ اکرم ، نُورِمجسمصَلَّی اللّٰہُ تَعَالٰی عَلَیْہِ وَاٰلہٖ وَسَلَّم نے حضرتِ سَیِّدُنا عُقبہ بِن عامِر رَضِیَ اللّٰہُ تَعَالٰی عَنْہُسے اِرشاد فرمایا : اے عُقبہ بِن عامِر! جو تم سے ناطہ توڑے تم اس سے جوڑو ، جو تمہیں محروم کرے تم اُسے عطا کرو اور جو تم پر ظُلم کرے تم اُسے مُعاف کرو ۔ ( [1] )یاد رکھیے ! بُرائی کا بدلہ بُرائی سے دینا آسان ہے یہ کوئی کمال نہیں ، کمال تو یہ ہے کہ انسان بُرائی کا بدلہ اچھائی سے دے جیسا کہ حضرتِ سَیِّدُنا شیخ سعدی عَلَیْہِ رَحْمَۃُ اللّٰہ ِالْھَادِی فرماتے ہیں :
بَدِی رَا بَدِی سَہل بَاشَدْ جَزَا
اگر مَرْدی اَحْسِنْ اِلٰی مَنْ اَسَا ( [2] )
یعنی بَدی کا بدلہ بَدی سے دینا تو آسان ہے اگر تو مَر د ہے تو بُرائی کرنے والے کے ساتھ بھی بھلائی کر ۔
میٹھے میٹھے اسلامی بھائیو!نجاست کو نجاست سے نہیں بلکہ پانی سے پاک کیا جاتا ہے لہٰذا آپ کے ساتھ کوئی کیسا ہی بُرا سُلوک کرے آپ اس سے اچھا سُلوک کیجیے اور اپنا یوں ذِہن بنائیے کہ ہم اس دُنیا میں جُدائی ڈالنے کے لیے نہیں بلکہ ملانے کے لیے آئے ہیں جیسا کہ مولانا رُوم عَلَیْہِ رَحْمَۃُ اللّٰہ ِالْقَیُّوم فرماتے ہیں :
تو بَرائے وَصل کَرْدَن آمدِی
نَے بَرائے فَصل کَرْدن آمدِی ( [3] )
یعنی اے انسان! تو مِلانے کے لیے آیا ہے جُدائی ڈالنے کے لیے نہیں آیا ۔
ناراض اسلامی بھائیوں کو مَدَنی ماحول سے وابستہ کیجیے
ہمیں مسلمانوں میں جُدائی ڈالنے سے بچتے ہوئے انہیں مِلانے کی کوشش کرنی چاہیے ۔ وہ اسلامی بھائی جو پہلے مَدَنی ماحول سے وابستہ تھے اب مَدَنی ماحول سے دُور ہو گئے یا پہلے مَدَنی کاموں میں فَعّال تھے لیکن اب روٹھ کر گھروں میں بیٹھ گئے ایسے اسلامی بھائیوں کو تلاش کر کے ان کے پاس خود جا کر ، ہاتھ باندھ کر ، مِنَّت سَماجَت کر کے حکمتِ عملی کے ساتھ انہیں دوبارہ مَدَنی ماحول سے وابستہ کیجیے ۔ اِنفِرادی کوشِش کے ذَرِیعے ان کو پھر سے سنَّتوں کی خدمتوں میں مَصروف کر دیجیے ۔ ہاں! جن پر تنظیمی پابندی لگی ہو اُن کو مت چھیڑئیے ، ان کے بارے میں بڑے ذِمَّہ داران جو تنظیمی فیصلہ فرمائیں اس کے مُطابِق عمل کیجیے ۔
ہے فلاح و کامرانی نرمی و آسانی میں
ہر بنا کام بگڑ جاتا ہے نادانی میں
بُرائی کو بھلائی سے ٹالنے کے واقعات
سُوال : بُرائی کو بھلائی سے ٹالنے کے حوالے سے کوئی واقعہ ہو تو تَرغیب کے لیے بیان فرما دیجیے ۔
کتاب کا موضوع
کتاب کا موضوع
- دُرُود شریف کی فضیلت
- بُرائی کابدلہ اچھائی سے دیجیے
- پہلے اِسے پڑھ لیجیے !
- ناراض اسلامی بھائیوں کو مَدَنی ماحول سے وابستہ کیجیے
- بُرائی کو بھلائی سے ٹالنے کے واقعات
- بُرائی کرنے والوں سے بدلہ کیوں لیں؟
- ناراض پڑوسی کو گلے لگا کر اس کا دل جیت لیا
- گناہوں بھری تحریرات چھاپنا
- دوسروں کے بجائے اپنے عیبوں پر نظر رکھیے
- گناہوں بھری تحریرات پڑھنا
- گناہوں بھرا پمفلٹ پڑھنے پر فکرِمدینہ
- کسی کا عیب یا بُرائی دیکھ کر کیا کرنا چاہیے ؟
- عیب پوشی کی فضیلت
- دوسروں کی خوبیوں کی طرف نظر کیجیے
- عیب پوشی کے واقعات
- عیب جوئی حرام اور گناہ ہے
- اِصلاح کی خاطِر شکایات کرنا
- دُعا کے لیے مکتوب لکھنے کا طریقہ
- تفصیلات بیان کرنے کے بجائے مبہم اَلفاظ میں بات کیجیے
- مَدَنی ماحول میں اِستقامت
- عمامہ پہن کر عملیات کرنا
