بلکہ تم اپنے دل کی نگہداشت و نگرانی میں   مشغول ہو جاو گے… نفس کی صفات پہچاننے اور دنیاوی تعلقات سے منہ موڑ کر اپنے نفس کو برے اَخلاق سے پاک کرنے کی کوشش کروگے … اور اچھے اخلاق اپناتے ہوئے اللہ  عَزَّوَجَلَّ کی عبادت ومحبت سے اپنا تعلق مضبوط کرنے کی کوشش کروگے …اور ہردن اوررات ( بلکہ ہرلمحہ )  اس بات کااِمکان موجودہے کہ اس میں   انسان کی موت واقع ہو جائے۔  

نجات کا مدنی نسخہ

اے نورِ نظر !  

            اب میری ایک اور بات غور سے سنو… اور اس میں  غور وفکرکروحتی کہ تمہیں   اپنی نجات کا راستہ مل جائے…سوچو !  اگر تمہیں   یہ معلوم ہو جائے کہ بادشاہِ وقت ایک ہفتہ کے بعد تم سے ملنے آرہا ہے تو اس عرصہ میں   تم ہر اس جگہ کی اِصلاح کرنے میں   مشغول ہوجاؤ گے جہاں   تمہارے خیال کے مطابق بادشاہ کی نظر پڑ سکتی ہے… مثلاً اپنے کپڑوں   اور بدن کی دیکھ بھال اور زیب و زینت پر خصوصی توجّہ دو گے… اور گھر کی اِک اِک چیز کو صاف ستھرااورآراستہ کرنے کی کوشش کرو گے۔   

                اب غورکروکہ میں   نے کس طرف اِشارہ کیا ہے…کیونکہ تم بڑے سمجھدار ہو اور عقل مند کے لئے اِشارہ کافی ہوتاہے۔  

دلوں   اورنیتوں  پرنظر :    

                سرکارِ نامدار ،   مدینے کے تاجدار صلَّی اللّٰہ تَعَالٰی عَلَیْہِ وَاٰلِہٖ وَسَلَّم کا فرمانِ عالیشان ہے :     ’’اِنَّ اللّٰہَ لَایَنْظُرُ اِلٰی صُوَرِکُمْ وَلَا اِلٰی اَ عْمَالِکُمْ وَلٰـکِنْ یَنْظُرُ اِلٰی قُلُوْبِکُمْ وَنِیَّا تِکُمْیعنی :    اللہ  عَزَّوَجَلَّتمہاری شکل و صورت اورتمہارے اَعمال کو نہیں   بلکہ تمہارے دلوں   اور تمہاری نیتوں   کو دیکھتا ہے۔  ‘‘    ^([1])

کتناعلم فرض ہے؟   ^([2])

                اگر تم اَحوالِ قلب ( یعنی دل کی حالتوں   ) کا علم حاصل کرنا چاہتے ہو تو   ’’احیاءُ العُلُوم‘‘   اور ہماری دیگر تصانیف کا مطالعہ کرو… کیونکہ یہ علم تو فرضِ عین ہے جبکہ دوسرے عُلُوم فرضِ کفایہ ہیں  …البتہ  !   اس قدر علم حاصل کرنا فرض ہے کہ اللہ  عَزَّوَجَلَّ کے مقرر کردہ فرائض اور اَحکام کو کامل اور اچھے طریقے سے سر اَنجام دیا جاسکے… اللہ  عَزَّوَجَلَّ تمہیں  یہ علم حاصل کرنے کی توفیق رفیق مرحمت فرمائے ۔        ( آمین )

حرص و طمع سے دوری

 { 8 } … آٹھویں  نصیحت :    

            اپنے پاس دنیاکامال صرف اتنا جمع رکھنا جو تمہیں   ایک سال کے اَخراجات و ضرویات کے لیے کافی ہو… جیسا کہ محبوبِ ربّ العزَّت ،   قاسمِ نعمت ،   مالکِ جنّت صلَّی اللّٰہ تَعَالٰی عَلَیْہِ وَاٰلِہٖ وَسَلَّم اپنی بعض اَزواجِ مطہَّرات رَضِیَ اللّٰہُ تَعَالٰی عَنْہُنَّ کے لئے ایسا کرتے اوریہ دعا فرماتے :    ’’ اَ للّٰھُمَّ اجْعَلْ قُوْتَ آلِ مُحَمَّدٍکَفَافًایعنی :    اے اللہ  ( عَزَّوَجَلَّ )  !   آلِ محمد  (  صلَّی اللّٰہ تَعَالٰی عَلَیْہِ وَاٰلِہٖ وَسَلَّم  ) کو بقدر کفایت روزی عطا فرما۔  ‘‘  ^([3]) اورآپ  صلَّی اللّٰہ تَعَالٰی عَلَیْہِ وَاٰلِہٖ وَسَلَّم تمام اَزواجِ مطہَّرات رَضِیَ اللّٰہُ تَعَالٰی عَنْہُنَّ کے لئے نہیں   فرمایا کرتے تھے… بلکہ یہ اہتمام ان کے لئے فرماتے جن کے دل میں   کچھ ضعف ملاحظہ فرماتے …اور جو یقین کے اعلیٰ درجے پرفائز تھیں   ان کے لئے ایک آدھ دن سے زیادہ کا اِنتظام کبھی نہ فرماتے۔

دعائے خاص

پیارے بیٹے !

            میں   نے اس رسالہ نما مکتوب میں   تمہارے سوالوں   کے جوابات لکھ دیئے ہیں   … اب تم ان پرعمل کرناشروع کردواورمجھے اپنی نیک دعاؤں   میں   یادرکھنا…اورتم نے دُعا کے متعلق مجھ سے پوچھاہے…میں   صحیح اَحادیث ِمبارکہ سے ماخوذدعاتمہیں   بتاتاہوں  …یہ دُعا اپنے قیمتی اَوقات بالخصوص ہر نماز کے بعد مانگا کرو :   

                اَ للّٰھُمَّ اِ نِّیْ اَسْئَلُکَ مِنَ النِّعْمَۃِ تَمَامَھَاوَمِنَ الْعِصْمَۃِ دَوَامَھَاوَمِنَ الرَّحْمَۃِ شَمُوْلَھَاوَمِنَ الْعَافِیَۃِ حُصُوْلَھَاوَمِنَ الْعَیْشِ اَرْغَدَ ہُ وَمِنَ الْعُمُرِ اَسْعَدَ ہُ وَمِنَ الْاِحْسَانِ اَتَمَّہُ وَمِنَ الْاَنْعَامِ اَعَمَّہُ وَمِنَ الْفَضْلِ