[1]    دعوتِ اسلامی کے اِشاعتی ادارے مکتبۃ المدینہ کی مطبوعہ 137 صَفحات پر مشتمل کتاب ’’آدابِ مرشدِ کامل‘‘ کیصَفْحَہ 14 تا 16 پر ہے :   سَیِّدی اعلیٰ حضرت امام احمدرضاخان عَلَیْہِ رَحْمَۃُ الرَّحْمٰن فتاویٰ افریقہ میں   تحریرفرماتے ہیں   کہ مرشِد کی دوقِسمیں   ہیں   :   {۱} مُرْشِدِ اِتّصال{۲}مُرْشِدِ اِیْصال۔

{۱} مُرْشِدِ اِتّصال یعنی جس کے ہاتھ پر بَیْعَتْ کرنے سے انسان کا سلسلہ حضور پُر نور سَیِّد المرسلین صلَّی اللّٰہ تَعَالٰی عَلَیْہِ وَاٰلِہٖ وَسَلَّمتک متصِل ہوجائے اس کے لئے چار شرائط ہیں   :    پہلی شَرْط :  مرشِد کا سلسلہ بِاِ تّصال صحیح(یعنی دُرُست واسطوں   کیساتھ تعلق) حضورِ اَقدس صلَّی اللّٰہ تَعَالٰی عَلَیْہِ وَاٰلِہٖ وَسَلَّم تک پہنچتا ہو۔  بیچ میں   مُنقَطع (یعنی جُدا) نہ ہو کہ مُنقَطع کے ذریعہ اِ تِّصال (یعنی تعلق) نا ممکن ہے … بعض لوگ بِلا بَیْعَتْ(یعنی بِغیر مرید ہوئے) ،    مَحض بَزُعمِ وراثت (یعنی وارث ہونے کے گمان میں  ) اپنے باپ دادا کے سَجادے پر بیٹھ جاتے ہیں   یا… بَیْعَتْ کی تھی مگر خلافت نہ ملی تھی ،    بِلا اِذْن (بِغیر اجازت) مرید کرنا شروع کردیتے ہیں   یا … سلسلہ ہی وہ ہوکہ قَطْع کر دیا گیا ،    اس میں   فیض نہ رکھا گیا ،    لوگ برائے ہَوَس اس میں   اِذْن و خلافت دیتے چلے آتے ہیں   یا… سلسلہ فی نفسہٖ صحیح تھا مگر بیچ میں   ایسا کوئی شخص واقع ہوا جو بوجہ اِنتِفائے بعض شرائط قابلِ بیعَت نہ تھا… اس سے جو شاخ چلی وہ بیچ میں   مُنْقَطِع (یعنی جُدا) ہے… ان تمام صورتوں  میں   اس بَیْعَتْ سے ہر گز اِتِّصال (یعنی تعلق) حاصل نہ ہو گا۔  (بیل سے دودھ یابانجھ سے بچہ مانگنے کی مَت جدا ہے)۔ د وسری شَرْط :  مرشِد سُنّی صحیح العقیدہ ہو۔  بدمذہب گمراہ کا سلسلہ شیطان تک پہنچے گا نہ کہ رُسُوْلُ اللّٰہصلَّی اللّٰہ تَعَالٰی عَلَیْہِ وَاٰلِہٖ وَسَلَّم تک… آج کل بَہُت کھلے ہوئے بددینوں   بلکہ بے دینوں   کہ جو بَیْعَتْ کے سِرے سے منکر و دشمنِ اَولیاء ہیں   ،   مکاری کے ساتھ پیری مریدی کا جال پھیلا رکھا ہے…ہوشیار! خبردار! احتیاط! احتیاط! تیسری شَرْط :  مرشِدعالم ہو۔ یعنی کم از کم اتنا علْم ضَروری ہے کہ بِلا کسی اِمداد کے اپنی ضَروریات کے مسائل کتاب سے نکال سکے…کُتُب بینی (یعنی مطالَعَہ کرکے) اور اَفواہِ رِجال (یعنی لوگوں   سے سن سن کر) بھی عالم بن سکتا ہے(مطلب یہ ہے کہ فارغُ التحصیل ہونے کی سَنَد نہ شرْط ہے نہ کافی بلکہ علْم ہونا چاہئے) …علمِ فِقْہ(یعنی اَحکامِ شریعَت) اس کی اپنی ضَرورت کے قابل کافی …اورعقائد ِاہلسنت سے …

…لازمی پوراواقف ہو … کُفْرو اسلام  ،    گمراہی و ہدایت کے فرق کا خوب عارِف (یعنی جاننے والا) ہو۔  چوتھی شرط :   مرشِد فاسِق مُعْلِن (یعنی اعلانیہ گناہ کرنے والا) نہ ہو۔  اس شرط پر حُصولِ اِ تِّصال کا تَوَقُّف نہیں   یعنی حضور صلَّی اللّٰہ تَعَالٰی عَلَیْہِ وَاٰلِہٖ وَسَلَّم سے تعلق کا دارومَدار اس شرط پر نہیں  … کہفُجُوْروفِسْق باعثِ فِسخ(منسوخ ہونے کا سبب) نہیں  … مگر پیر کی تعظیم لازِم ہے اور فاسق کی توہین واجب اور دونوں   کا اِجتماع باطل (اسے اِمامت کے لئے آگے کرنے میں   اس کی تعظیم ہے اور شَرِیْعَت میں   اس کی توہین واجب ہے)۔

{۲}مُرْشِدِ اِیْصال یعنی شرائطِ مذکورہ (یعنی جن شرائط کا ذکر کیا گیا) کے ساتھ (۱) مَفاسِدِ نَفْس(نفس کے فتنوں  ) (۲)مَکائدِ شیطان(شیطانی چالوں  ) اور(۳)مَصائدِ ہوا(نفس کے جالوں  ) سے آگاہ ہو(۴) دوسرے کی تربیت جانتا ہو (۵) اپنیمُتَوَسِّل پرشفقت تامہ رکھتا ہو کہ اس کے عُیُوْب پر اسے مطلع کرے ان کا علاج بتائے اور (۶) جو مشکلات اس راہ میں   پیش آئیں   انہیں   حل فرمائے۔                                  ( فتا وی افریقہ ،   ص۱۳۸ )