30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
نبی کریم صلی اللہ علیہ واٰلہٖ وسلم ایک بار غلے والے کے پاس سے گزرے،پیارے آقا نے غلے کی ڈھیر کے اندر مبارک ہاتھ ڈالا ،دیکھا توغلہ اندر سے گیلا تھا ،حضور نے فرمایا :گیلے کو اوپر کیوں نہیں رکھا؟اس نے کہا حضور بارش ہوئی تھی اس لئے گیلا ہوگیا ،نبی پاک نے فرمایا:
مَنْ غَشَّنَا فَلَيْسَ مِنَّا (1) ’’ جس نے ہمارے ساتھ دھوکا کیا وہ ہم سے نہیں۔
پیارے اسلامی بھائیو! زندگی میں کبھی نبی پاک کی تعلیمات کو بھولنا نہیں چاہئے کیونکہ نبی پاک کی اطاعت یہ ہم پر ضروری ہے ،صحابہ کرام نبی کریم کے ہر حکم کو مانا کرتے تھے،بارگاہ نبوی میں صحابہ کرام حاضر تھے،ایک شخص حاضر خدمت ہوا جس نے سونے کی انگوٹھی پہنی تھی ،پیارے آقا نے انگوٹھی لی اور زمین پر پھینک دی اور فرمایا:کوئی چاہتا ہے کہ آگ کے انگارے کو اپنے ہاتھ میں ڈالے،حضور یہ فرماکر تشریف لےگئے،صحابہ نے اس شخص سے کہا:اپنی انگوٹھی اٹھالو بیچ کر کسی اور کام میں لے لینا ،عاشق رسول نے فرمایا:جسے میرے نبی نے پھینک دیا میں اسے نہیں اٹھاسکتا۔
مرد فیشن نہیں کرتا
حضور صلی اللہ علیہ واٰلہٖ وسلم نے جس چیز سے منع کردیا صحابہ اس کی طرف دیکھناتک پسند نہیں کرتے تھے چاہے وہ کتنی ہی قیمتی کیوں نہ ہو مگر آج کا ماڈرن نوجوان سستی اورگھٹیا چیز کو دل سے لگائے رکھتا ہے ،انگوٹھی کے نام پر کوئی چھلے پہنتا ہے ،کبھی تصور نہیں کیا تھا کہ مرد بھی چوڑی پہنے گا آج کا نوجوان چوڑی کے نام کڑے پہنتا ہے ،فیشن کے نام پر کان اورناک تک چھدوالئے ،بالیاں اور نتھنی تک پہننے لگ گئے،آج کے نوجوان کی عقل کہاں چلی گئی ؟
[1] … مسلم،کتاب الایمان، باب قول النبی ۔۔۔الخ، ص65،حدیث:101۔
کتاب کا موضوع
کتاب کا موضوع