حضرت ِ سیِّدُنااَنس رَضِیَ اللہُ تَعَالٰی عَنْہُ سے روایت ہے کہ نبی کریم صَلَّی اللہ تَعَالٰی عَلَیْہِ وَاٰلہٖ وَسَلَّمجب کسی کام کے لیے نکلتے تو یہ بات حضور (صَلَّی اللہ تَعَالٰی عَلَیْہِ وَاٰلہٖ وَسَلَّم) کو پسند تھی کہ یَا رَاشِد (اے ہدایت یافتہ) ،  یَا نَجِیْح(اے کامیاب)سنیں۔   (ترمذی ، کتاب السیر ،  باب ماجاء فی الطیرۃ ، ۳ / ۲۲۸ ، حدیث : ۱۶۲۲)

           صَدرُ الشَّریعہ ، بدرُ الطَّریقہحضرتِ  علّامہ مولانامفتی محمد امجد علی اعظمی عَلَیْہِ رَحْمَۃُ اللہِ القَوِیاس حدیث کے تحت لکھتے ہیں : یعنی اس وَقْت اگر کوئی شخص ان ناموں  کے ساتھ کسی کو پُکارتا یہ حضور  (صَلَّی اللہ تَعَالٰی عَلَیْہِ وَاٰلہٖ وَسَلَّم) کو اچھا معلوم ہوتا کہ یہ کامیابی اور فلاح کی فال نیک ہے۔

 (بہار شریعت ، ۳ / ۵۰۳)

صَلُّوا عَلَی الْحَبِیب !                                   صلَّی اللہُ تعالٰی علٰی محمَّد

اب تمہارا کام آسان ہوگیا ہے

         صلح حُدَیبیہ ^([1]) کے موقع پرجب مشرکین نے مسلمانوں  سے صلح کرنے کے لیے سہیل بن عَمْرْو(جو اس وَقْت تک ایمان نہیں  لائے تھے) کو بھیجا ، ان کو دیکھ کرآپصَلَّی اللہ تَعَالٰی عَلَیْہِ وَاٰلہٖ وَسَلَّم نے(نیک فال لیتے ہوئے )صحابہ سے فرمایا : قَدْ سَہُلَ لَکُمْ مِنْ اَمْرِکُمْاب تمہارا کام آسان ہوگیا۔

 (بخاری ، کتاب الشروط ، باب الشروط فی الجہاد ، ۲ / ۲۲۶ ، حدیث : ۲۷۳۱ ، ۲۷۳۲ملخصاً)

          شارحِ بخاری حضرت علامہ شہاب الدین احمد بن محمدقسطلانی عَلَیْہِ رَحمَۃُ اللہِ الغَنِی اپنی کتاب اِرشادُالسّاری میں  لکھتے ہیں  : یعنی یہ نیک فال تھی اور نبی پاک صَلَّی اللہ تَعَالٰی عَلَیْہِ وَاٰلہٖ وَسَلَّم نیک فال کو پسند کرتے تھے۔ (اِرشادالساری ، کتاب الشروط ، باب الشروط فی الجھاد ،  ۶ / ۲۲۹)علامہ ابنِ جوزی عَلَیْہِ رَحْمَۃُ اللہِ القَوِی اس فرمانِ رسول کے تحت لکھتے ہیں : یہ فرمانِ عالیشان اچھے نام سے اچھا شگون لینے کے مُسْتَحَب ہونے پر دلیل ہے۔ (کشف المشکل عن حدیث الصحیحین ،  ۱ / ۱۰۷۰)

صَلُّوا عَلَی الْحَبِیب !                                   صلَّی اللہُ تعالٰی علٰی محمَّد

اچھا شگون لیا

          رسولُ اللہصَلَّی اللہ تَعَالٰی عَلَیْہِ وَاٰلہٖ وَسَلَّم بَدشگونی نہیں  لیتے تھے لیکن آپ (نیک ) فال لیتے ، حضرتِ سیِّدُنا بُرَیدہ رَضِیَ اللہُ تَعَالٰی عَنْہُ  قبیلہ بنو سہم کے 70 سوارں  کے ساتھ حاضرِ خدمت ہوئے تو آپ صَلَّی اللہ تَعَالٰی عَلَیْہِ وَاٰلہٖ وَسَلَّمنے دریافت فرمایا : تم کون ہو ؟انہوں  نے کہا : بُرَیْدَۃ  ، تب رسولُ اللہصَلَّی اللہ تَعَالٰی عَلَیْہِ وَاٰلہٖ وَسَلَّمنے حضرت ابوبکررَضِیَ اللہُ تَعَالٰی عَنْہُ کی طرف مُڑ کر فرمایا : بَرَدَ اَ مْرُنَاوَ صَلَحَ ، ہمارا معاملہ ٹھنڈا اور اچھا ہوگیا ، پھر فرمایا : تم کن لوگوں  سے ہو؟ انہوں نے کہا : اَسْلَمْ سے ، آپ صَلَّی اللہ تَعَالٰی عَلَیْہِ وَاٰلہٖ وَسَلَّمنے حضرت ابوبکر رَضِیَ اللہُ تَعَالٰی عَنْہُسے فرمایا :  سَلِمْنَا ، ہم سلامتی سے رہیں  گے ، پھر فرمایا تم کس قبیلہ سے ہو ؟ انہوں  نے کہا بَنُوْ سَہْم سے ، آپ صَلَّی اللہ تَعَالٰی عَلَیْہِ وَاٰلہٖ وَسَلَّمنے فرمایا : خَرَجَ سَھْمُکَ (اے ابوبکر)تمہاراحصہ نکل آ یا۔

 (الاستیعاب فی معرفۃ الاصحاب ، ۱ / ۲۶۳)

صَلُّوا عَلَی الْحَبِیب !                                   صلَّی اللہُ تعالٰی علٰی محمَّد

اچھے نام والے سے کام لیا

           سیِّدِ عالَم ، نورِ مجسم صَلَّی اللہ تَعَالٰی عَلَیْہِ وَاٰلہٖ وَسَلَّم نے ایک دن ایک اُونٹنی منگوائی اور فرمایا : اسے کون دَوہے (یعنی دودھ نکالے)گا؟ایک شخص نے عرض کی : میں۔ دریافت فرمایا : تمہارا نام کیا ہے؟ اس نے کہا : مُرَّۃٌٌ(یعنی کڑوا)۔ فرمایا : تم بیٹھ جاؤ۔ ایک اور شخص کھڑا ہوا۔ نام پوچھا تو اس نے اپنا نام جَمْرَۃٌ (یعنی انگارہ) بتایا۔ اسے بھی بیٹھنے کا اِرشادفرمایا۔ اب حضرت سیِّدُنا یعیش غفاری رضی اللہ تعالی عنہ کھڑے ہوئے اور دریافت کرنے پر اپنا نام یَعِیْش (یعنی زندگی گزارنے والا) بتایا تو اِرشادہوا : تم اونٹنی کو دَوہو(یعنی اس کا دودھ نکالو)۔  (المعجم الکبیر ، ۲۲ / ۲۷۷ ، حدیث  :  ۷۱۰)

پرندوں  اور جانوروں  سے نیک فال نہیں  لے سکتے

          نیک فال صِرْف کسی اچھی بات ، نیک شخص کی زیارت یا بابَرَکت ایام مثلاً ایامِ عید ، پیر شریف وغیرہ سے لے سکتے ہیں پرندے اور جانوروں  سے جس