30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Ayat e Sajda Ke Fazail Aur 60 Masail | آیت سجدہ کے فضائل اور 60 مسائل
آیت سجدہ کے فضائل اور 60 مسائل
کتاب میں نتائج:
پڑھ رہا ہے اور دونوں نا بالِغ ہیں تو دونوں پر سجدہ ٔتلاوت واجب نہیں ہو گا مگر کرلینا بہتر ہے۔ اور اگر ان میں سے ایک بالِغ ہے تو صرف بالِغ پر واجب ہو گا خواہ آیتِ سجدہ وہ خود پڑھے یا کسی سے سُنے اور اگر دونوں بالِغ ہیں تو پڑھنے اور سننے والے دونوں پر سجدہ کرنا واجب ہو گا ۔(فتاویٰ فیض الرسول، 1/391)
(46)حائضہ عورت قرآن ِمجیدکی تلاوت سُن سکتی ہے،مُمانَعَت صرف قرآن مجیدپڑھنے یا اس کو بِلاحائِل چھونے کی ہے،سُننے کی کہیں مُمَانَعَت نہیں ہے۔ نیزحائضہ عورت نے اگر آیتِ سجدہ سُنی تواس پرسجدہ ٔتلاوت واجب نہیں ہوتا کیونکہ آیتِ سجدہ پڑھنے یاسُننے والے پرسجدہ اُس وقت واجب ہوتاہےجبکہ وہ وجوبِ نماز کا اَہل ہواورحائضہ عورت وجوبِ نماز کی اہلیت نہیں رکھتی یعنی اُس پرنہ اِن اَیام میں نمازفرض ہوتی ہے اورنہ ہی بعدمیں قضا لازم ہوتی ہے۔”بہارِ شریعت “میں صَدْرُ الشریعہ مفتی امجدعلی اعظمی رَحْمَۃُ اللہِ تَعَالٰی عَلَیْہِ فرماتے ہیں: حیض و نِفاس والی عورت کو قرآنِ مجید پڑھنا دیکھ کر، یا زبانی اور اس کا چُھونا اگرچہ اس کی جِلد یا چولی یا حاشیہ کو ہاتھ یا انگلی کی نوک یا بدن کا کوئی حصہ لگے یہ سب حرام ہیں۔ (بہارِشریعت، 1/379، حصہ: 2۔مختصر فتاویٰ اہلسنّت ،ص 31)
(47)نماز میں آیتِ سجدہ پڑھی اور سجدہ کیا ، پھر نماز ہی میں وضو ٹوٹ گیا اور وضو کر کے بِنا کی (یعنی جہاں سے نماز ٹوٹی تھی ، وہیں سے دوبارہ شروع کی ، جبکہ بِنا کی تمام شرائط پر عمل بھی کیا ہو) ، پھر دوبارہ وہی آیتِ سجدہ پڑھی تو دوبارہ سجدہ واجب نہیں ۔البتّہ اگر بِنا کے بعد اُسی نماز میں کسی دوسرے شخص سے وہی آیت سُنی تو دوسرا سجدہ واجب ہو جائے گا ، لیکن یہ دوسرا سجدہ نماز میں نہیں کر سکتا بلکہ نماز کے بعد کرنا ہو گا ۔ ( بہارِ شریعت، 1/737،حصہ:4)
صَلُّوا عَلَی الْحَبِیب صَلَّی اللهُ علٰی مُحَمَّد
کتاب کا موضوع
کتاب کا موضوع
- آیتِ سجدہ کے فضائل اور60 مسائل
- دُرُود شریف کی فضیلت
- راہبوں کا قبولِ اسلام
- آیتِ سجدہ کو آیتِ سجدہ کیوں کہتے ہیں؟
- آیت ِ سجدہسے کُفّار کو نصیحت
- تلاوت کے سجدوں کی وجہ
- بھیڑ لگ جاتی
- شیطان روتا ہوا بھاگ کھڑا ہوتا ہے
- یہاں کون سا سجدہ مُراد ہے؟
- درخت نے آیت ِ سجدہ پر سجدہ کیا
- رات میں سجدہ ٔ تلاوت اور دعائے مصطفےٰ صلی اللہعلیہ واٰلہٖ وسلم
- نماز میں سجدۂ تلاوت آئےتوکیا پڑھیں؟
- نماز سے باہر سجدۂ تلاوت میں کیا پڑھیں؟
- شوقِ تلاوت اور سجدۂ تلاوت
- سجدے سے پہلے روؤ
- سجدۂ تلاوت کے 60 مسائل
- سجدۂ تلاوت کب واجب ہوتاہے؟
- سجدۂ تلاوت کا طریقہ
- امام ِاہلِ سنّت رَحْمَۃُ اللہِ تَعَالٰی عَلَیْہِ کی ترغیب
- سب کو پتا چل گیا کہ وہ تلاوت کررہے ہیں(واقعہ)
- سجدۂ تلاوت کے بارے میں 13سوال جواب
- کیا رِیکارڈ شُدہ تلاوت میں آیتِ سجدہ سننے سے سجدہ واجب ہوگا؟
- چینل پر آیتِ سجدہ سُننے کا حکم
- کئی سجدۂتِلاوت ایک ساتھ ادا کرنے کا طریقہ
- جَہری نَمازوں میں ’’آیاتِ سجدہ‘‘تلاوت کرنا کیسا؟
- حافظ سجدۂ تلاوت بتانا بھول جائے تو؟
- مقصد میں کامیابی کےلئے
- 14آیا تِ سجدہ
