حضرت لوط علیہ السلام کی بیٹیوں کے بارے میں اسلامی معلومات

عورت اور قرآن

کتاب میں نتائج:

             کیونکہ ان کے والد حضرت لوط    علیہ السلام    حضرت ابراہیم    علیہ السلام    کے بھتیجے تھے تو یوں یہ بیٹیاں حضرت ابراہیم    علیہ السلام    کی محرم رشتے دار ہوئیں اور دوسری طرف حضرت ابراہیم    علیہ السلام    کے شہزادوں یعنی حضرت اسماعیل  اور اسحاق  علیہما السّلام  کی بھی رشتے دار ہوئیں۔ 
	قرآن مجید میں حضرت لوط    علیہ السلام    کی بیٹیوں کے طور پر ان کا تذکرہ درج ذیل آیات میں ہے:
وَ جَآءَهٗ قَوْمُهٗ یُهْرَعُوْنَ اِلَیْهِؕ-وَ مِنْ قَبْلُ كَانُوْا یَعْمَلُوْنَ السَّیِّاٰتِؕ-قَالَ یٰقَوْمِ هٰۤؤُلَآءِ بَنَاتِیْ هُنَّ اَطْهَرُ لَكُمْ فَاتَّقُوا اللّٰهَ وَ لَا تُخْزُوْنِ فِیْ ضَیْفِیْؕ-اَلَیْسَ مِنْكُمْ رَجُلٌ رَّشِیْدٌ(۷۸) قَالُوْا لَقَدْ عَلِمْتَ مَا لَنَا فِیْ بَنٰتِكَ مِنْ حَقٍّۚ-وَ اِنَّكَ لَتَعْلَمُ مَا نُرِیْدُ(۷۹)(1)
 ترجمہ : اور ان کے پاس ان کی قوم دوڑتی ہوئی آئی اور وہ (لوگ) پہلے ہی سے برے کاموں کے عادی تھے۔ لوط نے فرمایا: اے میری قوم! یہ میری قوم کی بیٹیاں ہیں یہ تمہارے لیے پاکیزہ ہیں تو  اللہ  سے ڈرو اور مجھے میرے مہمانوں میں رسوا نہ کرو۔ کیا تم میں کوئی ایک آدمی بھی نیک کردار والانہیں ؟  انہوں نے کہا: تمہیں معلوم ہے کہ تمہاری قوم کی بیٹیوں میں ہمارے لئے کوئی حاجت نہیں اور تم ضرور جانتے ہو جو ہم چاہتے ہیں ۔
ان آیات میں بیان کردہ واقعہ کچھ اس طرح ہے کہ   حضرت لوط    علیہ السلام    کے گھر پر فرشتے خوبصورت لڑکوں کی صورت میں آئے اور آپ   علیہ السلام    اپنے مہمانوں کے ساتھ گھر میں ہی تھے کہ  قوم کے لوگ مہمانوں کے ساتھ بے حیائی کا کام کرنے کی غرض سے  دوڑتے ہوئے آئے، وہ لوگ اس سے پہلے ہی برے کاموں کے عادی تھے اور شرم و حیا سے بالکل عاری ہو چکے تھے۔ انہیں دیکھ کر حضرت لوط   علیہ السلام     نے اپنی قوم سے فرمایا: اے میری قوم! یہ جومیری قوم کی بیٹیاں ہیں ، یہ تمہارے لیے  نکاح کی صورت میں پاکیزہ ہیں تو اپنی بیویوں سے فائدہ حاصل کرو کہ وہ تمہارے لئے حلال ہے ، حضرت لوط    علیہ السلام     نے ان کی عورتوں کو جو قوم کی بیٹیاں تھیں بزرگانہ شفقت سے اپنی بیٹیاں فرمایا تاکہ اس حسنِ اخلاق سے وہ فائدہ اٹھائیں اور غیرت و حَمِیَّت سیکھیں۔ حضرت لوط     علیہ السلام     نے مزید فرمایا کہ   اللہ   تعالیٰ سے ڈرو اور اپنے کفر و سرکشی  سے باز آجاؤ اور میرے مہمانوں سے کوئی برا فعل سر انجام دے کر مجھے ان کے سامنے شرمندہ مت کرو ،کیا تم میں ایک بھی کوئی ایسا نیک آدمی نہیں کہ جس کی بات مان کر تم اس برے فعل سے باز آ جاؤ؟(2)




[1] … پ12،ہود: 78 ،79
[2] … بیضاوی، ہود، تحت الآیۃ: ۷۸، ۳/۲۴۷- ۲۴۸، خازن، ہود، تحت الآیۃ:۷۸، ۲/۳۶۴، ملتقطاً

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: