حضرت حوا رضی اللہ عنہا کی تخلیق اور مقصد

عورت اور قرآن

کتاب میں نتائج:

            آپ   علیہ السلام   کے علوم کی وسعت معلوم کرنےکیلیےعرض کی:ان کانام کیاہے؟ ارشادفرمایا:حوا    رضی اللہ عنہا  ۔ عرض کی:ان کا نام ’’حوا‘‘ کیوں ہے؟ارشاد فرمایا:کیونکہ یہ ایک زندہ وجود سے پیدا کی گئی ہے۔(1)
یہاں ایک اہم بات قابل توجہ ہے کہ انسانوں کی ابتداء حضرت آدم     علیہ السلام    سے ہوئی اور اسی لئے آپ    علیہ السلام    کو’’ ابوالبشر‘‘ یعنی ’’انسانوں کا باپ ‘‘ کہا جاتا ہے اور یہ تو ممکن نہیں ہے کہ پہلا انسان پیدائش کے موجود طریقے سے پیدا ہوا ہو یعنی ماں باپ سے پیدا ہوا ہو؛ کیونکہ اگر اس کے لئے باپ فرض بھی کیا جائے تو ماں کہاں سے آئے اور پھر جسے باپ مانا وہ خود کہاں سے آیا؟ لہٰذا ضروری ہے کہ اس کی پیدائش بغیر ماں باپ کے ہو اور جب بغیر ماں باپ کے پیدا ہوا تو بالیقین وہ اِس طریقے سے ہٹ کر پیدا ہوا اور وہ طریقہ قرآن نے بتایا کہ اللہ  تعالیٰ نے اسے مٹی سے پیدا کیا  ۔ پھر یہ بھی ظاہر ہے کہ جب ایک انسان یوں وجود میں آگیا تو دوسرا ایسا وجود چاہیے جس سے نسلِ انسانی چل سکے تو دوسرے کو بھی پیدا کیا گیا لیکن دوسرے کو پہلے کی طرح مٹی سے بغیر ماں باپ کے پیدا کرنے کی بجائے جو ایک شخصِ انسانی موجود تھا اسی کے وجود سے پید افرما دیا؛ کیونکہ ایک شخص کے پیدا ہونے سے نوع موجود ہوچکی تھی چنانچہ دوسرا وجود پہلے وجود سے کچھ کم تر اور عام انسانی وجود سے بلند تر طریقے سے پیدا کیا گیا یعنی حضرت آدم    علیہ السلام    کی ایک بائیں پسلی ان کے آرام کے دوران نکالی اور اُن سے اُن کی بیوی حضرت حواء    رضی اللہ عنہا   کو پیدا کیا گیا۔ چونکہ حضرت حواء    رضی اللہ عنہا  مرد وعورت والے باہمی ملاپ سے پیدا نہیں ہوئیں ،اس لئے وہ اولاد نہیں ہو سکتیں۔(2) 
حضرت حوا   رضی اللہ عنہا   کی تخلیق کا ایک مقصد:
 حضرت حوا    رضی اللہ عنہا    کی تخلیق کا ایک اہم مقصد یہ تھاکہ حضرت آدم   علیہ السلام   ان سے سکون حاصل کریں  اور ان کی تنہائی دور ہو،جیسا کہ ارشادِ باری تعالیٰ ہے:
هُوَ الَّذِیْ خَلَقَكُمْ مِّنْ نَّفْسٍ وَّاحِدَةٍ وَّ جَعَلَ مِنْهَا زَوْجَهَا لِیَسْكُنَ اِلَیْهَاۚ- (3)
 ترجمہ :وہی ہے جس نے تمہیں ایک جان سے پیدا کیا اور اسی میں سے اس کی بیوی بنائی تاکہ اس سے سکون حاصل کرے۔




[1] …البحر المحیط، البقرة، تحت الاٰیة:۳۵، ۱/۳۰۷، تفسیر طبری، البقرة، تحت الاٰیة:۳۵، ۱/۲۶۷، خازن، البقرة، تحت الاٰیة:۳۵، ۱/۴۵، ملتقطاً.
[2] … خازن، النساء، تحت الآیۃ: ۱، ۱ / ۳۴۰
[3] …پ۹،الاعراف:۱۸۹

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج:

حضرت حوا رضی اللہ عنہا کی تخلیق کا ایک مقصد: