30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
یہ کہ جن اعضاء کا چھپانا فرض ہے ان میں سے کچھ کھلا ہو جیسے سرکے بالوں کا کچھ حصہ یا گلے یا کلائی یا پیٹ یا پنڈلی کا کوئی جزء تو اس طور پر غیر محرم کے سامنے جانا مطلقاً حرام ہے خواں وہ پیر ہو یا عالم ہو یا عامی جوان و بوڑھا۔(1)
یونہی چہرہ کھول کراجنبی شخص کے سامنے آنے کی ممانعت کے بارے میں اعلی حضرت امام احمدرضاخان علیہ رحمۃ اللہ علیہ فرماتے ہیں: پردہ کے باب میں پیروغیرپیرہراجنبی کاحکم یکساں ہے،جوان عورت کوچہرہ کھول کر بھی سامنے آنامنع ہے”وفی الدرالمختارتمنع المرأة الشابة من کشف الوجہ بین رجال لخوف الفتنة“ (درمختارمیں ہے کہ جوان عورت کواندیشہ فتنہ کی وجہ سے مردوں کے سامنے چہرہ کھولنے سے منع کیاجائے گا۔)“(2)
عورتوں کو اعمال صالحہ پر ثواب
ارشاد فرمایا:
فَاسْتَجَابَ لَهُمْ رَبُّهُمْ اَنِّیْ لَاۤ اُضِیْعُ عَمَلَ عَامِلٍ مِّنْكُمْ مِّنْ ذَكَرٍ اَوْ اُنْثٰىۚ-بَعْضُكُمْ مِّنْۢ بَعْضٍۚ-فَالَّذِیْنَ هَاجَرُوْا وَ اُخْرِجُوْا مِنْ دِیَارِهِمْ وَ اُوْذُوْا فِیْ سَبِیْلِیْ وَ قٰتَلُوْا وَ قُتِلُوْا لَاُكَفِّرَنَّ عَنْهُمْ سَیِّاٰتِهِمْ وَ لَاُدْخِلَنَّهُمْ جَنّٰتٍ تَجْرِیْ مِنْ تَحْتِهَا الْاَنْهٰرُۚ-ثَوَابًا مِّنْ عِنْدِ اللّٰهِؕ-وَ اللّٰهُ عِنْدَهٗ حُسْنُ الثَّوَابِ(۱۹۵)(3)
ترجمہ : کہ میں تم میں سے عمل کرنے والوں کے عمل کو ضائع نہیں کروں گا وہ مرد ہو یا عورت تم آپس میں ایک ہی ہو،پس جنہوں نے ہجرت کی اور اپنے گھروں سے نکالے گئے اور میری راہ میں انہیں ستایا گیا اور انہوں نے جہاد کیا اور قتل کردیے گئے تو میں ضرور ان کے سب گناہ ان سے مٹادوں گا اور ضرور انہیں ایسے باغات میں داخل کروں گا جن کے نیچے نہریں جاری ہیں (یہ) اللہ کی بارگاہ سے اجر ہے اور اللہ ہی کے پاس اچھا ثواب ہے۔
اللہ تعالیٰ نے اہل ِ ایمان سے فرمایا کہ اے ایمان والو! میں تم میں سے کسی مرد یا عورت کے عمل کو ضائع نہیں کروں گا بلکہ ا س عمل کا ثواب عطا فرماؤں گا۔ (4)
[1] … فتاوی رضویہ،22/240
[2] … فتاوی رضویہ،22/205
[3] … پ4،آل عمران:195
[4] … خازن، اٰل عمران، تحت الآیۃ: ۱۹۵، ۱/۳۳۸
کتاب کا موضوع
کتاب کا موضوع