30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Auliya Ki Shan Bazuban e Quran | اولیا کی شان بزبان قرآن
اولیا کی شان بزبان قرآن
کتاب میں نتائج:
سب جادوگر سجدے میں گرالئے گئے بولے ہم اُس پر ایمان لائے جو ہارون اور موسیٰ کا رب ہے۔ فرعون بولا کیا تم اُس پر ایمان لائے قبل اس کے کہ میں تمہیں اجازت دوں بیشک وہ تمہارا بڑا ہے جس نے تم سب کو جادو سکھایا تو مجھے قسم ہے ضرور میں تمہارے ایک طرف کے ہاتھ اور دوسری طرف کے پاؤں کاٹوں گا اور تمہیں کھجور کے ڈنڈ(سوکھے تنے) پر سُولی چڑھاؤں گا اور ضرور تم جان جاؤ گے کہ ہم میں کس کا عذاب سخت اور دیرپا ہے ۔ بولے ہم ہرگز تجھے ترجیح نہ دیں گے ان روشن دلیلوں پر جو ہمارے پاس آئیں ہمیں اپنے پیدا کرنے والے کی قسم تو تُو کر چُک جو تجھے کرنا ہے تو اس دنیا ہی کی زندگی میں تو کرے گابیشک ہم اپنے رب پر ایمان لائے کہ وہ ہماری خطائیں بخش دے اور وہ جو تو نے ہمیں مجبور کیا جادو پر اور اللہ بہتر ہے اور سب سے زیادہ باقی رہنے والا۔
صحابی ابنِ صحابی حضرتِ عبد اللہ بن عباس رضی اللہ عنہ ما فرماتے ہیں: وہ دن (جس میں حضرتِ موسیٰ علیہ السّلام اور جادوگروں میں مقابلہ ہوا)عاشورا ( یعنی دسویں محرم ) کا تھا۔(تفسیر خازن،پ16، طہ، تحت الآیۃ:59، 3/257)
حضرت موسیٰ علیہ السّلام کا معجزہ دیکھ کر جاد وگر اتنی تیزی سے سجدے میں گئے کہ اس سے یوں محسوس ہوا جیسے انہیں پکڑ کر سجدے میں گرا دیا گیا ہو،منقول ہے کہ اس سجدے میں انہیں جنّت اور دوزخ دکھائی گئی اور انہوں نے جنّت میں اپنے مَنازل دیکھ لئے۔(تفسیر مدارک، پ16، طہ، تحت الآیۃ:70، ص696)
باریک نکتہ
مفسّرینِ کرام فرماتے ہیں:جادوگروں نے ادب کی وجہ سے مقابلہ پہلے شروع کرنا حضرت موسیٰ علیہ السّلام کی رائے مبارک پر چھوڑا اور اس کی برکت سے آخر کار اللہ پاک نے انہیں اِیمان کی دولت سے مشرّف فرما دیا۔ (تفسیرخزائن العرفان، پ16، طہ، تحت الآیۃ:65، ص 590)
کتاب کا موضوع
کتاب کا موضوع
- پہلے اسے پڑھئے
- اولیا کی شان بزبانِ قرآن
- اعلیٰ دَرَجات پانے کا ذریعہ(دُرُود شریف کی فضیلت)
- پہلے زمانے کےتین اولیا
- سمجھنے کی بات
- بااَدب بانصیب
- ولی کا مطلب کیا ہے؟
- اللہ پاک کے بارے میں درست عقیدہ
- ولایت کِن کو مِلتی ہے؟
- کیااولیائے کرام سے گناہ نہیں ہوسکتا؟
- قرآنِ کریم میں اولیائے کرام کا ذکر ِ خیر
- 309سال تک آرام فرمانے والےاولیائے کرام
- اُمّتِ محمدی کے ولیُّ اللہ کی شان
- پوری دنیا پر حکومت کرنے والے ولیُّ اللہ
- ملکۂ بلقیس کا تخت لانے والے” وَلِیُّ اللہ “
- حضرتِ لُقمان رحمۃُ اللہ علیہ
- حضرتِ طالوت رحمۃُ اللہ علیہ
- حضرتِ عمران رحمۃُ اللہ علیہ
- حضرتِ زلیخا رحمۃُ اللہ علیہا
- حضرتِ موسیٰ علیہ السّلام کے زمانےکے ہزاروں اولیائے کرام
- باریک نکتہ
- حضرتِ بی بی آسیہ رحمۃُ اللہ علیہا
- حضرتِ بی بی آسیہ رحمۃُ اللہ علیہا کےلئے بہت بڑی خوشخبری
- حضرتِ عیسیٰ علیہ السّلام کی والدۂ محترمہ حضرتِ بی بی مریم رحمۃُ اللہ علیہا
- حضرتِ موسیٰ علیہ السّلام کی والدہ ٔ محترمہ اور بہن
