یہ حدیث اذان میں اصل ہے ۔ اس میں ترجیع ^([1])نہیں ۔ معلوم ہوا کہ ترجیع سنت نہیں ۔ قَالَ ابْنُ الْجَوْزِیْ۔ حضرت سیدنا بلال رَضِیَ اللہُ تَعَالٰی عَنْہُ  جو کہ سرور عالم صَلَّی اللہ تَعَالٰی عَلَیْہِ وَاٰلہٖ وَسَلَّم کے سامنے اذان دیا کرتے تھے ۔ اگر ترجیع مسنون ہوتی تو حضور عَلَيْهِ  الصَّلٰوۃُ وَالسَّلام  حضرت سیدنا بلال رَضِیَ اللہُ تَعَالٰی عَنْہُ کو امر فرماتے اورحضرت سیدنا بلال رَضِیَ اللہُ تَعَالٰی عَنْہُ کم سے کم ایک بار تو ترجیع کے ساتھ اذان دیتے ۔

ابو محذورہ رَضِیَ اللہُ تَعَالٰی عَنْہُ ^([2]) جس کی اذان میں ترجیع آئی ہے وہ دربارہ تعلیم ہے ۔ کہ ابو محذورہ رَضِیَ اللہُ تَعَالٰی عَنْہُ نے اپنی آواز کو اتنا لمبانہ کیاکہ جتنا حضور عَلَيْهِ  الصَّلٰوۃُ وَالسَّلام  کا ارادہ تھا۔ اس لئے فرمایا کہ

اِرْجِعْ وَ أمْدُدْ مِنْ صَوْتِکَ ۔

 پھر کہہ اور آواز بلندکر ۔

علاوہ اس کے خود ابو محذورہ  رَضِیَ اللہُ تَعَالٰی عَنْہُ  سے اذان بلا ترجیع آئی ہے۔ امام طحاوی نے عبد العزیز بن رفیع سے روایت کیا ہے ۔ اس نے کہا میں نے سنا   ابو محذورہ رَضِیَ اللہُ تَعَالٰی عَنْہُکو ، وہ دو دوبار آذان اور دو دو بار اقامت کہتے تھے۔ جو ہر النقی میں اس حدیث کو صحیح کہا ہے ۔ اور یہی مذہب ہے امام اعظم رَحْمَۃُ اللہِ تَعَالٰی عَلَیْہِکا ۔

وہ جو بعض روایات میں آیا ہے کہ تخفض بھا صوتک ثم ترفع صوتک ^([3])  وہ ضعیف ہے ۔ اس میں حارث بن عبید ابو قدامہ راوی ہے جس کو امام احمد مضطرب الحدیث اور ابن معین ضعیف کہتے ہیں ۔ نسائی نے بھی کہا ہے کہ وہ قوی نہیں ۔

حدیث {۱۶}

عَنْ اَنَسٍ قَالَ کَانَ رَسُوْلُ اﷲِ صَلَّی اللہ تَعَالٰی عَلَیْہِ وَاٰلہٖ وَسَلَّم إِذَا افْتَتَحَ الصَّلوٰۃَ کَبَّرَ ثُمَّ رَفَعَ یَدَیْہِ حَتّیٰ یُحَاذِيَ إِبْھَامَیْہِ اُذُنَیْہِ ثُمَّ یَقُوْلُ سُبْحَانَکَ اللّٰھُمَّ وَبِحَمْدِکَ وَتَبَارَکَ اسْمُکَ وَتَعَالیٰ جَدُّکَ وَ لاَ إِلٰہَ غَیْرُکَ۔  رَوَاہٗ الدَّارُقُطْنِیْ وَ قَالَ اَسْنَادُہٗ کُلُّھُمْ ثُقَاتٌ کَذَا فِی الزّیْلَعِیْ^([4])

ترجمہ : حضرت سیدنا انس رَضِیَ اللہُ تَعَالٰی عَنْہُ فرماتے ہیں کہ رسول کریم صَلَّی اللہ تَعَالٰی عَلَیْہِ وَاٰلہٖ وَسَلَّم جب نماز کوشروع کرتے تو تکبیر کہتے پھر دونوں ہاتھوں کو اٹھاتے یہاں تک کہ آپ صَلَّی اللہ تَعَالٰی عَلَیْہِ وَاٰلہٖ وَسَلَّم کے انگھوٹھے دونوں کانوں کے برابر ہوجاتے پھر سُبْحَانَک اللّٰھُمَّ  آخر تک پڑھتے ۔ اس کو دارقطنی نے روایت کیا ۔ اس کے سب رواۃثقہ ہیں ۔

اس حدیث سے معلوم ہوا کہ تکبیر تحریمہ کیلئے ہاتھ کانوں کے برابر اٹھانے چاہئیں ۔ ایسا ہی ابوداؤد میں وائل کی حدیث میں آیا ہے ۔ وہ فرماتے ہیں کہ میں نے دیکھا رسول کریم صَلَّی اللہ تَعَالٰی عَلَیْہِ وَاٰلہٖ وَسَلَّم کو جب شروع کیا نماز کو تو دونوں ہاتھ کانوں کے برابرتک اٹھاتے ۔ کہا وائل نے میں ان کے پاس آیا تو دیکھا کہ اپنے ہاتھوں کو سینوں تک اٹھاتے ہیں ۔ اور ان پر بارانیاں اور لوئیاں تھیں ۔ یعنی سردی کے سبب ہاتھوں کو باہر نہیں نکالتے تھے ۔ اس سے معلوم ہوا کہ جن روایتوں میں مونڈھوں کے برابر ہاتھ اٹھانا آیا ہے وہ عذر سردی سے تھا یا یہ کہ مونڈھوں کے برابر ہاتھ ہوں ۔ اور دونوں انگھوٹھے کانوں کے برابر ہوں ۔ چنانچہ ابوداؤد میں وائل کی حدیث میں آیا ہے کہ اس نے نبی کریم صَلَّی اللہ تَعَالٰی عَلَیْہِ وَاٰلہٖ وَسَلَّم کو دیکھا جب وہ نماز کے لئے کھڑے ہوئے تو آپ نے دونوں ہاتھ اٹھائے۔ یہاں تک کہ مونڈھوں کے مقابل ہوگئے اور برابر کیا دونوں ابہاموں (انگوٹھوں ) کو اپنے کانوں کے ۔ شرح مسند امام ص ۲۴۴۔

حدیث {۱۷}

عَنْ وَائِلِ بْنِ حَجَرٍ قَالَ رَأَیْتُ النَّبِیَّ صَلَّی اللہ تَعَالٰی عَلَیْہِ وَاٰلہٖ وَسَلَّم وَضَعَ یَمِیْنَہ‘ عَلیٰ شِمَالِہٖ فِيْ الصَّلوٰۃِ تَحْتَ السُّرَّۃِ۔ اَخْرَجَہٗ ابْنُ اَبِیْ شِیْبَۃَ الْمُصَنِف لِاِبْنِ اَبِیْ شِیْبَۃَ ۱/۳۹۰ ، تَدْرِیْبُ الرَّاوِیْ ۱/۱۸۸ آثَارُ السُّنَنِ ۱۷

ترجمہ : حضرت وائل بن حجر کہتے ہیں کہ میں نے دیکھا رسول کریم صَلَّی اللہ تَعَالٰی عَلَیْہِ وَاٰلہٖ وَسَلَّم  کو کہ آپ نے نماز میں دایاں ہاتھ بائیں پر ناف کے نیچے رکھا ۔

اس کو ابن ابی شیبہ نے روایت کیا۔

شیخ قاسم بن قطلوبغا حنفی نے فرمایا کہ اس کی سند جیّد ہے (شَرْحُ تِرْمِذِیْ لِاَبِیْ الطَّیِّبِ ) سندھی نے اس کے رجال کو ثقہ کہا۔ محمد مدنی نے اس کی سند کو قوی فرمایا ۔ اس حدیث پر دو اعتراض