مرکزی مجلسِ شورٰی سے متعلّق امیر اَہلِ سنّت دَامَتْ بَرَکَاتُھُمُ العَالِیَہ کے تأثّرات(اقتباسات)

میں ’’مرکزی مجلسِ شورٰی‘‘ کے مَدَنی کاموں سے بہت زیادہ خوش ہوں، ساری دنیائے دعوتِ اِسلامی یہی چلا رہے ہیں، ماشآءَ اللہ! اِنہوں نے اپنی جوانیاں دعوتِ اِسلامی پر لُٹائی ہیں، اپنی زندگیاں داؤ پر لگا کر دعوتِ اِسلامی کا مَدَنی کام کررہے ہیں، دنیا میں جہاں بھیجو چلے جاتے ہیں اور مَدَنی کاموں کی دھومیں مچاتے ہیں، اِن سے بڑھ کر دعوتِ اِسلامی کا کام کون کرتا ہوگا!! کیونکہ یہ حضرات کام کرتے بھی ہیں اور اسلامی بھائیوں سے کام لیتے بھی ہیں، اِنہی کے دم قدم سے دعوتِ اِسلامی کی چاروں طرف مَدَنی بہاریں ہیں، ہر رُکنِ شورٰی مجھے میری اولاد سے زیادہ عزیز ہے، ہر رُکنِ شورٰی چودھویں کا چاند ہے، میرا بس چلے تو مرکزی مجلسِ شورٰی کے ساتھ حج کا مَدَنی قافلہ بناؤں اور چل مدینہ ہوجاؤں، اللہ پاک میرے ہر رُکنِ شورٰی کو سلامت رکھے ۔ 

اِطاعتِ مرکزی مجلس شورٰی کے بارے میں امیرِ اَہلِ سُنّت دَامَتْ بَرَکَاتُھُمُ العَالِیَہ کے ملفوظات(اِقتباسات)

’’مرکزی مجلسِ شورٰی‘‘ کی اُس وقت تک آنکھیں بند کر کے اِطاعت کیجئے جب تک یہ شریعت کی خلاف ورزی نہ کریں، کوئی بھی اِسلامی بھائی ہو، چاہے میری اولاد ہو، میری آل ہو، میرا خاندان ہو، میرے دوتے پوتے ہوں، آئندہ نسلیں ہوں، سب نے مرکزی مجلسِ شورٰی کے تابِع رہنا ہے، اِن شآءَ اللہ! آپ کامیاب ہوں گے، ورنہ خوامخواہ اپنی عقل کے مُطابِق اِعتِراض کرتے رہنے والوں  کا کم از کم میں  تو حامی نہیں ہوں، بلکہ ایسوں سے ناراض ہوں ۔   اگر آج تک مرکزی مجلسِ شورٰی کی مُخالَفت کی ہے تو اُس سے رُجوع کرلیجئے، اِن شآءَ اللہ مِل جُل کر آقا صلی اللہ تعالی علیہ واٰلہ وسلم کے پیچھے پیچھے جنّت میں جائیں گے ۔ 

صَلُّوْا عَلَی الْحَبِیْب                                               صَلَّی اللہُ عَلٰی مُحَمَّد

مرکزی مجلسِ شورٰی کے متعلّق مدینہ شریف سے وصیّتِ عطّار

اَلْحَمْدُ للہ! 1439 ہجری مطابق 2018 عیسوی میں شیخِ طریقت، امیرِ اَہلِ سنّت دَامَتْ بَرَکَاتُھُمُ العَالِیَہ نے نگرانِ مرکزی مجلسِ شورٰی مولانا حاجی محمد عمران عطاری سلّمہ الباری اور دیگر اسلامی بھائیوں کے ہمراہ حج کی سعادت حاصل کی اور پھر میٹھے میٹھے مدینے کی با اَدَب حاضِری سے مشرّف ہوئے ۔   حاضریٔ مدینہ کے دوران 28 اگست 2018 کو امیرِ اَہلِ سنّت دَامَتْ بَرَکَاتُھُمُ العَالِیَہ نے ’’دعوتِ اِسلامی والوں کے نام‘‘ ایک اَہَم صَوتی پیغام (Audio message) دیا جس میں آپ نے عاشقانِ رسول کو دعاؤں سے نوازا اور تمام دعوتِ اِسلامی والوں کو خوب خوب مَدَنی کام کرنے کی ترغیب بھی دلائی، علاوہ ازیں امیرِ اَہلِ سنّت دَامَتْ بَرَکَاتُھُمُ العَالِیَہ نے اس موقع پر ’’مرکزی مجلسِ شورٰی‘‘ کی اطاعت کے متعلّق کچھ یوں وصیّت بھی فرمائی :

’’میں وصیّت کرتا ہوں کہ دعوتِ اِسلامی کی مرکزی مجلسِ شورٰی جب تک شریعت کے خلاف حکم نہ کرےاُس کی اِطاعت کرتے رہیں، اِطاعت کرتے رہیں، اِطاعت کرتے رہیں، اور اُن کے ماتحت رہ کر مَدَنی کاموں کی دھوم دھام کرتے رہیں، اِنْ شآءَ اللہ! دونوں جہاں میں بیڑا پار ہوگا‘‘ ۔ 

مرکزی مجلسِ شورٰی کے لئے دعائے عطّار

یا اللہ! تیرا کَرَم ہے رَحمت کی بارشیں^([1]) برس رہی ہیں، پروردگار! دعوتِ اِسلامی کی مرکزی مجلسِ شورٰی کے نگران اور جملہ اراکین اور اُن کی آل اولادکو شاد و آباد، پھلتا، پھولتا، مدینے کے سدا بہار پھولوں کے صدقے مسکراتا رکھ، ان کے مَدَنی کاموں میں مدینے کے 12چاند لگادے، خوب بَرَکتیں دے، دعوتِ اِسلامی ساری دنیا میں عام ہوجائے، اِلٰہَ الْعٰلَمِیْن! اِن سب کو دین و دنیا میں بَرَکتیں نصیب فرما،  بھلائیاں نصیب فرما، سب کی بے حساب مغفرت ہو، ان کے صدقے میں میری بھی بے حساب مغفرت ہو، میری آل کے حق میں بھی یہ دعائیں قبول ہوں، میرے حق میں بھی یہ دعائیں قبول ہوں، اِلٰہَ الْعٰلَمِیْن! تمام عطّاریوں کو اور تمام دعوتِ اِسلامی والوں اور والیوں کو بے حساب مغفرت سے مشرّف فرما ۔  اٰمین بجاہِ النّبی الامین صلی اللہ تعالی علیہ واٰلہ وسلم

نوٹ : اس کتاب  میں موجود اراکینِ شوریٰ کی ’’ذِمّہ داریاں‘‘ 10جولائی2019 کے مطابق  اپ ڈیٹ کی  گئی ہیں ۔

صَلُّوْا عَلَی الْحَبِیْب                                               صَلَّی اللہُ عَلٰی مُحَمَّد

تُوْبُوْا اِلَی اللہ                                                                                   اَسْتَغْفِرُ اللہ

صَلُّوْا عَلَی الْحَبِیْب                                               صَلَّی اللہُ عَلٰی مُحَمَّد

اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

دُرودِ پاک کی بَرَکت

حضرتِ سیِّدُناابوحفْص رُومیرَحْمَۃُ اللہِ تَعَالٰی عَلَیْہ بہت بڑے سردار تھے، ان کی وفات کے بعد کسی نے خواب میں دیکھ کرپوچھا : ’’مَافَعَلَ اللہُ بِکَ ‘‘ یعنی اللہ پاک نے آپ کے ساتھ