نورانِیَّتِ مصطفٰے کا ثبوت

سُوال  : کیا آپ صَلَّی اللّٰہُ تَعَالٰی عَلَیْہِ وَاٰلہٖ وَسَلَّم کی نورانیت کا ذِکر قرآنِ پاک میں ہے ؟^([1])

جواب : جی ہاں!پارہ 6 سورۂ مائدہ کی آىت نمبر 15 مىں اللہ پاک کا  اِرشادِ نور بار ہے :  (قَدْ جَآءَكُمْ مِّنَ اللّٰهِ نُوْرٌ وَّ كِتٰبٌ مُّبِیْنٌۙ(۱۵)) ترجمۂ کنز الایمان : ”بے شک تمہارے پاس اللہ کى طرف سے اىک نُور آىا اور روشن کتاب ۔ “اِس آیتِ مُبارَکہ کے تحت حضرتِ سَیِّدُنا  اِمام اَبو جعفر محمد بن جرىر طبری(ان کا سالِ وفات310 سِنِ ہجرى ہے ، ىعنى یہ اىک ہزار سال سے بھى پہلے کے بزرگ ہىں ۔  )، حضرتِ سَیِّدُنا امام ابو محمد حسىن بغوى(سالِ وفات 510 سِنِ ہجری)، حضرتِ سَیِّدُنااِمام فَخْرُ الدِّیْن رازی (سالِ وفات 606 سِنِ ہجرى )، حضرتِ سَیِّدُنا امام ناصرُ الدِّین عبدُاللہ بن عمر بىضاوى ( سالِ وفات 685سِنِ ہجرى)، حضرتِ سَیِّدُنا علّامہ اَبُو البرکات عبدُاللہ نسفی ( سالِ وفات 710 سِنِ ہجرى)، حضرتِ سَیِّدُنا علّامہ ابو الحسن علی بن محمد خازن(سالِ وفات741 سِنِ ہجرى)اور حضرتِ سَیِّدُنا علّامہ اِمام جلالُ الدِّىن سىوطى شافعی (سالِ وفات 911 سِنِ ہجرى)رِضْوَانُ اللّٰہِ تَعَالٰی عَلَیْہِمْ اَجْمَعِیْن کثىر مُفَسِّرىن نے اِرشاد فرماىا کہ اِس آىتِ  مُبارَکہ مىں موجود لفظ ”نُور“سے مُراد  نبیٔ کرىم صَلَّی اللّٰہُ تَعَالٰی عَلَیْہِ وَاٰلہٖ وَسَلَّم کی ذاتِ مُبارَک ہے ۔    

نورانِیَّتِ مصطفےٰبزبانِ صحابہ

سُوال  : کیا صحابۂ کرام اور بزرگانِ دِین رِضْوَانُ اللّٰہِ تَعَالٰی عَلَیْہِمْ اَجْمَعِیْن بھی حضورِ انور صَلَّی اللّٰہُ تَعَالٰی عَلَیْہِ وَاٰلہٖ وَسَلَّم کے  نُور ہونے کے قائل تھے ؟

جواب : جی ہاں! حضرتِ سَیِّدُنا عبدُاللہ بن عباس رَضِیَ اللّٰہُ تَعَالٰی عَنْہُمَانے فرماىا : حضور اَنور صَلَّی اللّٰہُ تَعَالٰی عَلَیْہِ وَاٰلہٖ وَسَلَّم کے سامنے کے مُبارَک دانتوں  مىں کشادگى تھى ، جب پىارے آقا صَلَّی اللّٰہُ تَعَالٰی عَلَیْہِ وَاٰلہٖ وَسَلَّم گفتگو فرماتے (یعنی بات چىت کرتے ) تو ان مىں سے نُور دِکھائی دىتا تھا ۔ ^([2])

حضرتِ سَیِّدُنا ابوہرىرہ رَضِیَ اللّٰہُ تَعَالٰی عَنْہُ فرماتے ہىں :  جب نبیٔ پاک صَلَّی اللّٰہُ تَعَالٰی عَلَیْہِ وَاٰلہٖ وَسَلَّم مسکراتے تو دَرودىوار روشن ہو جاىا کرتے ۔ ^([3])

حضرتِ سَیِّدُنا جابر رَضِیَ اللّٰہُ تَعَالٰی عَنْہُ  نے سب سے پہلى تخلىق کے متعلق جب سُوال کىا (کہ سب سے  پہلے کس چیز کو پىدا کیا گیا؟)تو حضورِ اکرم صَلَّی اللّٰہُ تَعَالٰی عَلَیْہِ وَاٰلہٖ وَسَلَّم نے اِرشاد  فرماىا  : اے جابر!اللہ پاک نے تمام مخلوق سے پہلے تىرے نبى کے نُور کو پىدا فرماىا ۔ ^([4])  

نورانِیَّتِ سَیِّدِ الْمُرْسَلِیْن بزبانِ بُزرگانِ دِین

حضرتِ سَیِّدُنا علّامہ قاضى عىاض مالکی عَلَیْہِ رَحْمَۃُ اللّٰہِ الْقَوِی(جنہوں نے  544 سِنِ ہجرى مىں وفات پائى)فرماتے ہىں : حضورِ اَنور صَلَّی اللّٰہُ تَعَالٰی عَلَیْہِ وَاٰلہٖ وَسَلَّم کا ساىہ سورج چاند کى روشنى مىں زمىن پر تشرىف نہىں لاتا تھا کىونکہ آپ صَلَّی اللّٰہُ تَعَالٰی عَلَیْہِ وَاٰلہٖ وَسَلَّم نُور ہیں ۔ ^([5])

شارحِ بخاری حضرتِ سَیِّدُنا اِمام احمد بن محمد قسطلانی قُدِّ سَ سِرُّہُ النُّوْرَانِی (جنہوں نے 923 سِنِ ہجرى میں وفات پائی )فرماتے ہىں : اللہ پاک نے جب نبیٔ کریم صَلَّی اللّٰہُ تَعَالٰی عَلَیْہِ وَاٰلہٖ وَسَلَّم کے نُور کو پىدا فرماىا تو اُسے حکم فرماىا کہ تمام اَنبىا کے نُور کو دىکھو پھر اللہ پاک نے تمام اَنبىا کے نُور کو ہمارے نبی صَلَّی اللّٰہُ تَعَالٰی عَلَیْہِ وَاٰلہٖ وَسَلَّم کے نُور سے ڈھانپ دىا ۔  انہوں نے عرض کى : مولىٰ کس کے نُور نے ہمىں ڈھانپ لىا؟اللہ پاک نے فرماىا :  ھٰذَا نُوْرُ مُحَمَّدِ بْنِ عَبْدِ اللہ ىعنى ىہ عبدُ اللہ کے بىٹے محمد صَلَّی اللّٰہُ تَعَالٰی عَلَیْہِ وَاٰلہٖ وَسَلَّم کا نُور ہے ۔ ^([6])

حضرتِ سَیِّدُنا اِمام زىنُ العابدىن  عَلَیْہِ رَحْمَۃُ اللّٰہِ  الْمُبِیْن فرماتے ہىں :  رَحمتِ عالَم صَلَّی اللّٰہُ تَعَالٰی عَلَیْہِ وَاٰلہٖ وَسَلَّم نے اِرشاد فرماىا  : مىں آدم عَلَیْہِ السَّلَام کى تخلىق (ىعنى ان کے پیدا ہونے )سے 14 ہزار سال پہلے اللہ پاک کے ہاں نُور تھا ۔ ^([7])یہ صَدیوں پُرانے بزرگانِ دِین رَحِمَہُمُ  اللّٰہُ   الْمُبِیْن کے حوالے ہیں جو پیارے آقا