30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
ALLAH Taala Ki Muhabbat Ki Nishaniyan | اللہ تعالیٰ کی محبت کی نشانیاں
اللہ تعالیٰ کی محبت کی نشانیاں
کتاب میں نتائج:
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہ الرَّحْمٰنِ الرَّ حِیْم ط
اللہ تبارک و تعالیٰ نے کفارِ مکہ کے متعلق فرمایا کہ وہ اپنے بتوں سے بڑی محبت کرتے تھے اور ان کی تردید کرتے ہوئے اہلِ ایمان کا وصف یہ بیان فرمایا کہ وہ سب سے زیادہ محبت اللہ تعالیٰ سے کرتے ہیں ، چنانچہ فرمایا :
وَ الَّذِیْنَ اٰمَنُوْۤا اَشَدُّ حُبًّا لِّلّٰهِؕ-
ترجمہ :اور ایمان والے سب سے زیادہ اللہ سے محبت کرتے ہیں۔(1)
اللہ تعالیٰ کی محبت ایمان کی روح ہے ۔ اللہ تعالیٰ نے ہم پر جو عبادتیں مقرر فرمائیں ، اُن کی بنیادی حکمت معلوم کرنے کے لیے اگر قرآن و حدیث کی نصوص پر غور کریں ،تو واضح ہوتا ہے کہ تمام عبادات کے پیچھے حقیقی محرک و مقصد ’’محبتِ الٰہی‘‘ ہے ۔ چند مثالیں ملاحظہ فرمائیں:
عبادات میں محبت الٰہی کی پہلی مثال
سب سے افضل اوراعلیٰ عبادت نماز ہے۔
نماز کے متعلق اللہ تعالیٰ نے فرمایا
وَ اَقِمِ الصَّلٰوةَ لِذِكْرِیْ(۱۴)
ترجمہ : اور میری یاد کے لیے نماز قائم رکھ۔(2)
نماز کا مقصد خدا کی یاد ہے اور یادکرنا محبت کی علامت ہے، جیسا کہ روایت میں ہے: ”من احب شیاء اکثر ذکرہ“ ترجمہ :جو جس سے محبت کرتا ہے، اسے کثرت سے یاد کرتا ہے۔(3)
1…۔ (پارہ 02،سورۃ البقرۃ:165)
2…۔ (پارہ 16،سورۃ طہ:14)
3…۔ (کنزالعمال،جلد 01،رقم الحدیث:1829،صفحہ 425)
کتاب کا موضوع
کتاب کا موضوع
- عبادات میں محبت الٰہی کی پہلی مثال
- عبادات میں محبت الٰہی کی دوسری مثال
- عبادات میں محبت الٰہی کی تیسری مثال
- عبادات میں محبت الٰہی کی چوتھی مثال
- محبت کی کچھ نشانیاں ہوتی ہیں
- محبتِ الٰہی کی پہلی نشانی
- محبت ِ الٰہی کےلیے جان قربان کردینے کے جذبے کی ایک اور عظیم مثال
- محبتِ الٰہی کی دوسری نشانی
- محبتِ الٰہی کی تیسری نشانی
- ذکر ِ الٰہی کے متعلق نبی کریم صلی اللہ علیہ وسلم کا عمل مبارک
